ਝੌਂਪੜੀ ਵਿਚ ਲੱਗੀ ਅੱਗ ਨਾਲ 2 ਬੱਚੀਆਂ ਜ਼ਿੰਦਾ ਸੜ ਗਈਆਂ। ਹਾਦਸਾ ਗੈਸ ਦਾ ਚੁੱਲ੍ਹਾ ਜਲਾਉਣ ਦੌਰਾਨ ਹੋਇਆ। ਘਰ ‘ਤੇ 4 ਭੈਣ-ਭਰਾ ਸਨ, ਜਿਸ ਵਿਚੋਂ 2 ਦੀ ਮੌਤ ਹੋ ਗਈ। 2 ਨੇ ਭੱਜ ਕੇ ਜਾਨ ਬਚਾਈ। ਘਟਨਾ ਸਮੇਂ ਮਾਤਾ-ਪਿਤਾ ਕੰਮ ‘ਤੇ ਗਏ ਹੋਏ ਸਨ। ਦਿਲ ਦਹਿਲਾਉਣ ਵਾਲੀ ਇਹ ਘਟਨਾ ਪੁਸ਼ਕਰ ਕੋਲ ਚਾਂਵੰਡੀਆ ਪਿੰਡ ਵਿਚ ਵਾਪਰੀ।
ਥਾਣਾ ਇੰਚਾਰਜ ਡਾ. ਰਵੀਸ਼ ਕੁਮਾਰ ਨੇ ਦੱਸਿਆ ਕਿ ਦਿਨੇਸ਼ ਨਾਇਕ (45) ਮਜ਼ਦੂਰੀ ਕਰਦਾ ਹੈ। ਉਸ ਦੇ 4 ਬੱਚੇ ਸਨ। ਰੋਜ਼ ਦਿਨੇਸ਼ ਤੇ ਉਸ ਦੀ ਪਤਨੀ ਲੀਲਾ ਦੇਵੀ ਉਰਫ ਸਿਰੀ ਨਾਲ ਮਜ਼ਦੂਰੀ ‘ਤੇ ਜਾਂਦਾ ਸੀ। ਅੱਜ ਸਵੇਰੇ ਦੋਵੇਂ ਕੰਮ ‘ਤੇ ਚਲੇ ਗਏ ਸਨ। ਘਰ ‘ਤੇ ਜੀਤੇਂਦਰ (5), ਚੰਚਲ (3), ਦੀਪਾ (1) ਤੇ ਪੂਜਾ (3) ਰਹਿੰਦੇ ਸੀ। ਜੀਤੇਂਦਰ ਨੇ ਦੱਸਿਆ ਕਿ ਦੁਪਿਹਰ ਲਗਭਗ 12 ਵਜੇ ਉਹ ਗੈਸ ‘ਤੇ ਚਾਹ ਬਣਾਉਣ ਦੀ ਕੋਸ਼ਿਸ਼ ਕਰ ਰਿਹਾ ਸੀ। ਇਸ ਦੌਰਾਨ ਝੌਂਪੜੀ ਵਿਚ ਅੱਗ ਲੱਗ ਗਈ। ਅੱਗ ਲੱਗੀ ਦੇਖ ਆਸ-ਪਾਸ ਦੇ ਲੋਕਾਂ ਨੇ ਫਾਇਰ ਬ੍ਰਿਗੇਡ ਨੂੰ ਸੂਚਿਤ ਕੀਤਾ। ਅੱਗ ਬੁਝਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਪਰ ਜਲਦੀ ਅੱਗ ‘ਤੇ ਕਾਬੂ ਨਹੀਂ ਪਾਇਆ ਜਾ ਸਕਿਆ। ਜੀਤੇਂਦਰ ਤੇ ਚੰਚਲ ਨੇ ਤਾਂ ਭੱਜ ਕੇ ਜਾਨ ਬਚਾ ਲਈ ਪਰ ਦੀਪਾ ਤੇ ਪੂਜਾ ਦੋਵੇਂ ਜ਼ਿੰਦਾ ਸੜ ਗਏ।
ਪੁਸ਼ਕਰ ਤਹਿਸੀਲਦਾਰ ਸੰਦੀਪ ਚੌਧਰੀ ਨੇ ਦੱਸਿਆ ਕਿ ਪੀੜਤ ਪਰਿਵਾਰ ਦਾ ਰਜਿਸਟ੍ਰੇਸ਼ਨ ਸੂਬਾ ਸਰਕਾਰ ਦੀ ਚਿਰੰਜੀਵੀ ਯੋਜਨਾ ਵਿਚ ਹੈ। ਸਾਰੀ ਕਾਗਜ਼ੀ ਕਾਰਵਾਈ ਕਰਕੇ ਪਰਿਵਾਰ ਨੂੰ ਮੁਆਵਜ਼ਾ ਦਿਵਾਉਣ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ। ਦੁਪਿਹਰ ਲਗਭਗ 2.30 ਵਜੇ ਪੁਲਿਸ ਤੇ ਪ੍ਰਸ਼ਾਸਨਿਕ ਅਧਿਕਾਰੀਆਂ ਦੀ ਮੌਜੂਦਗੀ ਵਿਚ ਮ੍ਰਿਤਕ ਦੇਹਾਂ ਪਰਿਵਾਰ ਵਾਲਿਆਂ ਨੂੰ ਸੌਂਪ ਦਿੱਤੀਆਂ ਗਈਆਂ।
ਵੀਡੀਓ ਲਈ ਕਲਿੱਕ ਕਰੋ -:
“ਮੂਸੇਵਾਲਾ ਦੀ ਮੌਤ ਤੇ ਰੋਇਆ ਸੀ ਪੂਰਾ ਕਸ਼ਮੀਰ ! ਇਹਨਾਂ ਦੇ ਦਿਲਾਂ ‘ਚ ਪੰਜਾਬੀਆਂ ਪ੍ਰਤੀ ਪਿਆਰ ਦੇਖ ਹੋ ਜਾਓਂਗੇ ਹੈਰਾਨ ! “
