ਪਿੰਡ ਨੌਸ਼ਹਿਰਾ ਕੋਲ ਬੇਕਾਬੂ ਕਾਰ ਪਲਟ ਗਈ। ਹਾਦਸੇ ਵਿਚ 10 ਮਹੀਨੇ ਦੇ ਬੱਚੇ ਦੀ ਮੌਤ ਹੋ ਗਈ ਤੇ 5 ਲੋਕ ਜ਼ਖਮੀ ਹੋ ਗਏ। ਜ਼ਖਮੀਆਂ ਨੂੰ ਇਲਾਜ ਲਈ ਨੌਸ਼ਹਿਰਾ ਦੇ ਸਿਹਤ ਕੇਂਦਰ ਵਿਚ ਦਾਖਲ ਕਰਾਇਆ ਗਿਆ ਜਿਥੇ ਹਾਲਤ ਗੰਭੀਰ ਹੋਣ ਕਾਰਨ ਉਨ੍ਹਾਂ ਨੂੰ ਸਿਵਲ ਹਸਪਤਾਲ ਗੁਰਦਾਸਪੁਰ ਰੈਫਰ ਕਰ ਦਿੱਤਾ ਗਿਆ।
ਹਸਪਤਾਲ ਵਿਚ ਇਲਾਜ ਅਧੀਨ ਸ੍ਰਿਸ਼ਟਾ ਨੇ ਦੱਸਿਆ ਕਿ ਉਹ ਆਪਣੇ ਰਿਸ਼ਤੇਦਾਰ ਪ੍ਰਿੰਸ, ਹਰਮੀਤ ਕੌਰ ਵਾਸੀ ਗੁਰਦੁਆਰਾ ਸ਼ਹੀਦਾਂ ਦੇ ਕੋਲ, ਅੰਮ੍ਰਿਤਸਰ ਤੇ ਉਨ੍ਹਾਂ ਦੇ ਬੱਚਿਆਂ ਦੇ ਨਾਲ ਗੁਰਦਾਸਪੁਰ ਵਿਚ ਬੀਤੀ ਰਾਤ ਧਾਰਮਿਕ ਪ੍ਰੋਗਰਾਮ ਵਿਚ ਹਿੱਸਾ ਲੈਣ ਆਈ ਸੀ। ਐਤਵਾਰ ਦੁਪਹਿਰ ਨੂੰ ਉਹ ਲੋਕ ਕਾਰ ਵਿਚ ਅੰਮ੍ਰਿਤਸਰ ਪਰਤ ਰਹੇ ਸਨ।
ਇਹ ਵੀ ਪੜ੍ਹੋ : ਯੂਪੀ ‘ਚ ਮਰਡਰ ਦੀ ਸਨਸਨੀਖੇਜ ਵਾਰਦਾਤ, ਪਤਨੀ ਦਾ ਕ.ਤਲ ਕਰ ਲਾ.ਸ਼ ਕੋਲ ਸੌਂ ਗਿਆ ਪਤੀ
ਪਿੰਡ ਨੌਸ਼ਹਿਰਾ ਕੋਲ ਅਚਾਨਕ ਚਾਲਕ ਨੇ ਕਾਰ ਤੋਂ ਕੰਟਰੋਲ ਗੁਆ ਦਿੱਤਾ ਜਿਸ ਦੇ ਚੱਲਦੇ ਕਾਰ ਪਲਟ ਗਈ। ਹਾਦਸੇ ਵਿਚ 10 ਮਹੀਨੇ ਦੇ ਪਵਿਤਜੋਤ ਪੁੱਤਰ ਪ੍ਰਿੰਸ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ ਜਦੋਂ ਕਿ ਉਸ ਸਣੇ ਪ੍ਰਿੰਸ ਤੇ ਸਹਿਜਪ੍ਰੀਤ ਸਿੰਘ ਜ਼ਖਮੀ ਹੋ ਗਏ। ਇਸ ਤੋਂ ਇਲਾਵਾ ਬੱਚੇ ਲਵਦੀਪ ਪੁੱਤਰ ਮਨਦੀਪ ਤੇ ਨਮਰਤਾ ਪੁੱਤਰੀ ਮਨਦੀਪ ਨੂੰ ਵੀ ਸੱਟਾਂ ਲੱਗੀਆਂ ਹਨ। ਹਾਦਸੇ ਵਿਚ ਮ੍ਰਿਤਕ ਪਵਿਤਜੋਤ ਦੀ ਮਾਂ ਹਰਮੀਤ ਕੌਰ ਨੂੰ ਉਸ ਦੀ ਮੌਤ ਬਾਰੇ ਫਿਲਹਾਲ ਜਾਣਕਾਰੀ ਨਹੀਂ ਦਿੱਤੀ ਗਈ। ਪਵਿਤਜੋਤ ਤੇ ਸਹਿਜਪ੍ਰੀਤ ਜੁੜਵਾਂ ਭਰਾ ਹਨ।
ਵੀਡੀਓ ਲਈ ਕਲਿੱਕ ਕਰੋ -:
“ਪੰਜਾਬ ਦੀ ਆਹ ਕੁੜੀ ਨੇ ਬੁਲਟ ‘ਤੇ ਘੁੰਮਿਆ ਸਾਰਾ ‘India’, ਹੁਣ ਬੁਲਟ ‘ਤੇ ਚੱਲੀ ਐ ਇੰਗਲੈਂਡ ! “
