ਕ੍ਰਿਕਟ ਪ੍ਰਤੀ ਲੋਕਾਂ ਦਾ ਜਨੂੰਨ ਤਾਂ ਆਮ ਵੇਖਣ ਨੂੰ ਮਿਲ ਜਾਂਦਾ ਹੈ ਪਰ ਹਾਲ ਹੀ ਵਿੱਚ ਇੱਕ ਹੈਰਾਨੀਜਨਕ ਮਾਮਲਾ ਸਾਹਮਣੇ ਆਇਆ ਹੈ, ਜਿਥੇ ਵਿਰਾਟ ਕੋਹਲੀ ਦੇ ਇੱਕ ਫੈਨ ਨੇ ਰੋਹਿਤ ਸ਼ਰਮਾ ਦੇ ਪ੍ਰਸ਼ੰਸਕ ਦਾ ਸਿਰਫ ਇਸ ਗੱਲ ‘ਤੇ ਕਤਲ ਕਰ ਦਿੱਤਾ ਕਿਉਂਕਿ ਉਸ ਨੇ ਆਰਸੀਬੀ ਦਾ ਮਜ਼ਾਕ ਉਡਾ ਦਿੱਤਾ ਸੀ। ਮੀਡੀਆ ਰਿਪੋਰਟਾਂ ਮੁਤਾਬਕ ਮਾਮਲਾ ਤਾਮਿਲਨਾਡੂ ਦੇ ਅਰਿਆਲਪੁਰ ਜ਼ਿਲ੍ਹੇ ਦਾ ਹੈ।
ਰੋਹਿਤ ਸ਼ਰਮਾ ਦੇ ਫੈਨ ਦੇ ਕਤਲ ਦੀ ਖਬਰ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਇਸ ਦੇ ਵਾਇਰਲ ਹੋਣ ਤੋਂ ਬਾਅਦ ਟਵਿੱਟਰ ‘ਤੇ ਕੋਹਲੀ ਨੂੰ ਗ੍ਰਿਫਤਾਰ ਕਰਨ ਦੀ ਮੰਗ ਕੀਤੀ ਗਈ। ਰਿਪੋਰਟਾਂ ਮੁਤਾਬਕ ਪੀ ਵਿਗਨੇਸ਼ ਦਾ ਅਰੀਅਲਪੁਰ ਜ਼ਿਲ੍ਹੇ ‘ਚ ਕਤਲ ਕਰ ਦਿੱਤਾ ਗਿਆ ਹੈ। ਉਹ ਰੋਹਿਤ ਅਤੇ ਮੁੰਬਈ ਇੰਡੀਅਨਜ਼ ਦਾ ਪ੍ਰਸ਼ੰਸਕ ਹੈ। ਕੋਹਲੀ ਅਤੇ ਰਾਇਲ ਚੈਲੰਜਰਜ਼ ਦੇ ਪ੍ਰਸ਼ੰਸਕ ਐੱਸ. ਇਸ ਧਰਮਰਾਜ ‘ਤੇ ਉਸ ਦੇ ਕਤਲ ਦਾ ਦੋਸ਼ ਹੈ।
ਖ਼ਬਰ ਮੁਤਾਬਕ 11 ਅਕਤੂਬਰ ਨੂੰ ਧਰਮਰਾਜ ਅਤੇ ਵਿਗਨੇਸ਼ ਮਲੂਰ ਨੇੜੇ ਸਿਡਕੋ ਇੰਡਸਟਰੀਅਲ ਅਸਟੇਟ ‘ਚ ਗਏ ਸਨ। ਇੱਥੇ ਦੋਵਾਂ ਨੇ ਵਾਈਨ ਪਾਰਟੀ ਕੀਤੀ। ਇਸ ਪਾਰਟੀ ਦੌਰਾਨ ਦੋਵਾਂ ਵਿਚਾਲੇ ਕ੍ਰਿਕਟ ਨੂੰ ਲੈ ਕੇ ਬਹਿਸ ਸ਼ੁਰੂ ਹੋ ਗਈ। ਇਸ ਦੌਰਾਨ ਵਿਗਨੇਸ਼ ਨੇ ਆਰਸੀਬੀ ਦਾ ਮਜ਼ਾਕ ਉਡਾਇਆ। ਇਸ ਗੱਲ ਦਾ ਧਰਮਰਾਜ ਨੂੰ ਇੰਨਾ ਬੁਰਾ ਲੱਗਾ ਕਿ ਉਸ ਨੇ ਉਸ ਨੂੰ ਕ੍ਰਿਕਟ ਬੈਟ ਨਾਲ ਕੁੱਟ ਕੇ ਮਾਰ ਦਿੱਤਾ। ਪੁਲਿਸ ਨੇ ਧਰਮਰਾਜ ਨੂੰ ਹਿਰਾਸਤ ਵਿੱਚ ਲੈ ਲਿਆ ਹੈ।
ਇਹ ਵੀ ਪੜ੍ਹੋ : ATM ਨਾਲ ਖੁੱਲ੍ਹੀ ਕਿਸਮਤ, ‘ਡਬਲ ਧਮਾਕੇ’ ਨਾਲ ਕਰ ‘ਤਾ ਮਾਲਾਮਾਲ, ਲੋਕਾਂ ਦੀ ਲੱਗੀ ਭੀੜ
ਰੋਹਿਤ ਦੇ ਫੈਨ ਦੇ ਕਤਲ ਦੀ ਖਬਰ ਤੋਂ ਬਾਅਦ ਸੋਸ਼ਲ ਮੀਡੀਆ ‘ਤੇ ਕਈ ਤਰ੍ਹਾਂ ਦੀਆਂ ਪ੍ਰਤੀਕਿਰਿਆਵਾਂ ਦੇਖਣ ਨੂੰ ਮਿਲ ਰਹੀਆਂ ਹਨ। ਟਵਿਟਰ ‘ਤੇ ਕੁਝ ਲੋਕਾਂ ਨੇ ਕੋਹਲੀ ਦੀ ਗ੍ਰਿਫਤਾਰੀ ਦੀ ਮੰਗ ਕੀਤੀ ਹੈ। ਟਵਿਟਰ ‘ਤੇ ‘ਅਰੇਸਟ ਕੋਹਲੀ’ ਹੈਸ਼ਟੈਗ ਟ੍ਰੈਂਡ ਕਰਨ ਲੱਗਾ। ਦੂਜੇ ਪਾਸੇ ਕੋਹਲੀ ਦੇ ਪ੍ਰਸ਼ੰਸਕਾਂ ਨੇ ਇਸ ਹੈਸ਼ਟੈਗ ਨੂੰ ਬੇਕਾਰ ਕਰਾਰ ਦਿੱਤਾ ਹੈ। ਕੋਹਲੀ ਦੇ ਪ੍ਰਸ਼ੰਸਕਾਂ ਨੇ ਲਿਖਿਆ ਕਿ ਇਸ ਹੈਸ਼ਟੈਗ ਨੂੰ ਟਰੈਂਡ ਕਰਨ ਵਾਲਿਆਂ ਨੂੰ ਸੋਚਣਾ ਚਾਹੀਦਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“ਮੂਸੇਵਾਲਾ ਦੀ ਮੌਤ ਤੇ ਰੋਇਆ ਸੀ ਪੂਰਾ ਕਸ਼ਮੀਰ ! ਇਹਨਾਂ ਦੇ ਦਿਲਾਂ ‘ਚ ਪੰਜਾਬੀਆਂ ਪ੍ਰਤੀ ਪਿਆਰ ਦੇਖ ਹੋ ਜਾਓਂਗੇ ਹੈਰਾਨ ! “
