ਮੰਦੀ ਨੂੰ ਛਿੜੀ ਬਹਿਸ ਵਿਚਾਲੇ ਕੰਪਨੀਆਂ ਭਾਰਤ ਸਣੇ ਵਿਸ਼ਵ ਪੱਧਰ ‘ਤੇ ਕਰਮਚਾਰੀਆਂ ਦੀ ਛਾਂਟੀ ਕਰ ਰਹੀਆਂ ਹਨ। ਇਸ ਦੌਰਾਨ ਹੁਣ ਫੂਡ ਐਗਰੀਗੇਟਰ Zomato ਨੇ ਵੀ ਕਰਮਚਾਰੀਆਂ ਦੀ ਛਾਂਟੀ ਦਾ ਐਲਾਨ ਕੀਤਾ ਹੈ। Zomato ਵੱਲੋਂ ਦਿੱਤੀ ਗਈ ਜਾਣਕਾਰੀ ਮੁਤਾਬਕ ਕੰਪਨੀ ਆਪਣੇ 3 ਫੀਸਦੀ ਕਰਮਚਾਰੀਆਂ ਦੀ ਛਾਂਟੀ ਕਰੇਗੀ।
ਤੁਹਾਨੂੰ ਦੱਸ ਦੇਈਏ ਕਿ Zomato ਦੇ ਕਰੀਬ 3,800 ਕਰਮਚਾਰੀ ਹਨ। ਕੋਰੋਨਾ ਦੀ ਪਹਿਲੀ ਲਹਿਰ ਵਿੱਚ, ਜ਼ੋਮੈਟੋ ਨੇ ਆਪਣੇ 13% ਕਰਮਚਾਰੀਆਂ ਜਾਂ 500 ਤੋਂ ਵੱਧ ਕਰਮਚਾਰੀਆਂ ਨੂੰ ਨੌਕਰੀ ਤੋਂ ਕੱਢ ਦਿੱਤਾ ਹੈ।
Zomato ਵਿੱਚ ਛਾਂਟੀ ਦੀਆਂ ਤਾਜ਼ਾ ਖ਼ਬਰਾਂ ਅਜਿਹੇ ਸਮੇਂ ਵਿੱਚ ਆਈਆਂ ਹਨ ਜਦੋਂ ਕੰਪਨੀ ਦੀ ਮੈਨੇਜਮੈਂਟ ਵਿੱਚ ਲਗਾਤਾਰ ਅਸਤੀਫੇ ਜਾਰੀ ਹਨ। ਪਿਛਲੇ ਸ਼ੁੱਕਰਵਾਰ ਨੂੰ ਹੀ ਕੰਪਨੀ ਦੇ ਸਹਿ-ਸੰਸਥਾਪਕ ਮੋਹਿਤ ਗੁਪਤਾ ਨੇ ਆਪਣਾ ਅਹੁਦਾ ਛੱਡ ਦਿੱਤਾ ਸੀ। ਪਿਛਲੇ ਕੁਝ ਦਿਨਾਂ ਵਿੱਚ ਜ਼ੋਮੈਟੋ ਦੇ ਪ੍ਰਬੰਧਨ ਵਿੱਚ ਇਹ ਤੀਜਾ ਅਸਤੀਫਾ ਹੈ।
ਇਸ ਹਫਤੇ ਕੰਪਨੀ ਦੇ ਨਵੇਂ ਇਨਿਸ਼ਿਏਟਿਵ ਹੈੱਡ ਰਾਹੁਲ ਗੰਜੂ ਨੇ ਆਪਣੇ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ ਹੈ। ਇਸ ਤੋਂ ਇਲਾਵਾ ਇੰਟਰਸਿਟੀ ਲੀਜੈਂਡਸ ਸਰਵਿਸਿਜ਼ ਦੇ ਮੁਖੀ ਸਿਧਾਰਥ ਝਾਵਰ ਨੇ ਇਕ ਹਫ਼ਤਾ ਪਹਿਲਾਂ ਕੰਪਨੀ ਛੱਡ ਦਿੱਤੀ ਸੀ।
ਇਹ ਵੀ ਪੜ੍ਹੋ : ਡੋਲੀ ਵੇਲੇ ਲਾੜੇ ਨੇ ਕਰ ‘ਤੀ ‘ਕੁਆਰੇਪਨ’ ਦੇ ਟੈਸਟ ਦੀ ਡਿਮਾਂਡ, ਫਿਰ ਮੁੰਡੇ ਵਾਲਿਆਂ ਦੇ ਹੋਏ ਮੰਦੇ ਹਾਲ
ਜ਼ੋਮੈਟੋ ਦੇ ਸ਼ੇਅਰ ਵਿਕਰੀ ਦੇ ਦੌਰ ਵਿੱਚੋਂ ਲੰਘ ਰਹੇ ਹਨ। ਪਿਛਲੇ ਸ਼ੁੱਕਰਵਾਰ ਨੂੰ ਇਹ 67.15 ਰੁਪਏ ‘ਤੇ ਸੀ। ਸਟਾਕ ਪਿਛਲੇ ਦਿਨ ਦੇ ਮੁਕਾਬਲੇ 0.89% ਹੇਠਾਂ ਹੈ। ਸਟਾਕ 162 ਰੁਪਏ ਦੇ ਆਪਣੇ ਆਲ ਟਾਈਮ ਹਾਈ ਤੋਂ 50 ਫੀਸਦੀ ਤੋਂ ਜ਼ਿਆਦਾ ਡਿੱਗ ਗਿਆ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਗਲੋਬਲ ਪੱਧਰ ‘ਤੇ ਆਈਟੀ ਸਣੇ ਹੋਰ ਖੇਤਰਾਂ ਵਿੱਚ ਛਾਂਟੀ ਹੋ ਰਹੀ ਹੈ। ਪਿਛਲੇ ਦਿਨੀਂ ਫੇਸਬੁੱਕ ਦੀ ਮੂਲ ਕੰਪਨੀ – ਮੇਟਾ ਨੇ 11000 ਤੋਂ ਵੱਧ ਕਰਮਚਾਰੀਆਂ ਨੂੰ ਨੌਕਰੀ ਤੋਂ ਕੱਢਣ ਦੀ ਗੱਲ ਕੀਤੀ ਸੀ। ਇਸ ਤੋਂ ਇਲਾਵਾ ਐਮਾਜ਼ਾਨ, ਟਵਿੱਟਰ ਅਤੇ ਮਾਈਕ੍ਰੋਸਾਫਟ ਸਮੇਤ ਕਈ ਕੰਪਨੀਆਂ ਛਾਂਟੀ ਕਰ ਰਹੀਆਂ ਹਨ। ਭਾਰਤ ਵਿੱਚ ਬਾਈਜੂ ਅਤੇ ਯੂਨਾਅਕੈਡਮੀ ਵਰਗੇ ਸਟਾਰਟਅਪ ਨੇ ਵੀ ਛਾਂਟੀ ਦਾ ਐਲਾਨ ਕੀਤਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
