ਕੈਂਸਰ ਦਾ ਇਲਾਜ ਕਰਾ ਰਹੇ ਮਰੀਜਾਂ ਦੀ ਜੇਬ ‘ਤੇ ਖਰਚਾ ਹੋਰ ਵੀ ਵਧਣ ਵਾਲਾ ਹੈ। ਭਾਰਤ ਵਿੱਚ ਕੈਂਸਰ ਦੀਆਂ ਦਵਾਈਆਂ ਦੀਆਂ ਕੀਮਤਾਂ ਵਿੱਚ 50 ਪ੍ਰਤੀਸ਼ਤ ਦਾ ਵਾਧਾ ਕੀਤਾ ਗਿਆ ਹੈ। ਸਰਕਾਰ ਦੀ ਦਵਾਈ ਕੀਮਤ ਨਿਰਧਾਰਨ ਸੰਸਥਾ (ਨੈਸ਼ਨਲ ਫਾਰਮਾਸਿਊਟੀਕਲ ਪ੍ਰਾਈਸਿੰਗ ਅਥਾਰਟੀ) ਨੇ ਕੁਝ ਮੁੱਖ ਕੈਂਸਰ ਰੋਕੂ ਦਵਾਈਆਂ ਦੀਆਂ ਕੀਮਤਾਂ ਵਿੱਚ ਵਾਧੇ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।
ਐਨਪੀਪੀਏ ਨੇ ਕਿਹਾ ਕਿ ਦਵਾਈਆਂ ਦੀਆਂ ਕੀਮਤਾਂ ਵਧਾਉਣ ਦਾ ਇਹ ਫੈਸਲਾ ਪਲੈਟੀਨਮ-ਅਧਾਰਤ ਕੱਚੇ ਮਾਲ ਦੀ ਕੀਮਤ ਵਿੱਚ ਤੇਜ਼ੀ ਨਾਲ ਵਾਧੇ ਅਤੇ ਸਪਲਾਈ ਸੰਬੰਧੀ ਚਿੰਤਾਵਾਂ ਦੇ ਵਿਚਕਾਰ ਲਿਆ ਗਿਆ ਹੈ।
ਵਧੀਆਂ ਕੀਮਤਾਂ ਸਾਰੀਆਂ ਕੈਂਸਰ ਦਵਾਈਆਂ ‘ਤੇ ਲਾਗੂ ਨਹੀਂ ਹੋਣਗੀਆਂ, ਪਰ ਮੁੱਖ ਤੌਰ ‘ਤੇ ਦੋ ਦਵਾਈਆਂ ‘ਤੇ ਲਾਗੂ ਹੋਣਗੀਆਂ। ਇਨ੍ਹਾਂ ਵਿੱਚ ਕੈਂਸਰ ਦੇ ਇਲਾਜ ਵਿੱਚ ਵਰਤੀਆਂ ਜਾਣ ਵਾਲੀਆਂ ਦਵਾਈਆਂ, ਕਾਰਬੋਪਲਾਟਿਨ ਅਤੇ ਸਿਸਪਲੇਟਿਨ ਸ਼ਾਮਲ ਹਨ।
ਨਵੇਂ ਹੁਕਮਾਂ ਮੁਤਾਬਕ ਕਾਰਬੋਪਲਾਟਿਨ ਇੰਜੈਕਸ਼ਨ ਦੀ ਕੀਮਤ ਲਗਭਗ ₹60.49/ਮਿਲੀਲੀਟਰ ਤੋਂ ਵਧਾ ਕੇ ₹90.74/ਮਿਲੀਲੀਟਰ ਕਰ ਦਿੱਤੀ ਗਈ ਹੈ। ਸਿਸਪਲੇਟਿਨ ਇੰਜੈਕਸ਼ਨ ਦੀ ਕੀਮਤ ₹7.26/ਮਿਲੀਲੀਟਰ ਤੋਂ ਵਧਾ ਕੇ ₹10.89/ਮਿਲੀਲੀਟਰ ਕਰ ਦਿੱਤੀ ਗਈ ਹੈ। ਐਨਪੀਪੀਏ ਦਾ ਕਹਿਣਾ ਹੈ ਕਿ ਇਹ ਵਾਧਾ ਜ਼ਰੂਰੀ ਦਵਾਈਆਂ ਦੀ ਉਪਲਬਧਤਾ ਨੂੰ ਯਕੀਨੀ ਬਣਾਉਣ ਲਈ ਡੀਪੀਸੀਓ ਦੇ ਪੈਰਾ 19 ਦੇ ਅਨੁਸਾਰ ਕੀਤਾ ਗਿਆ ਸੀ। ਇਹ ਦਵਾਈਆਂ ਮੁੱਖ ਤੌਰ ‘ਤੇ ਅੰਡਕੋਸ਼, ਫੇਫੜੇ, ਬਲੈਡਰ ਅਤੇ ਟੈਸਟਿਕੂਲਰ ਕੈਂਸਰ ਦੇ ਇਲਾਜ ਲਈ ਵਰਤੀਆਂ ਜਾਂਦੀਆਂ ਹਨ। ਇਹਨਾਂ ਦੀ ਵਰਤੋਂ ਕਈ ਹੋਰ ਕੈਂਸਰਾਂ ਲਈ ਵੀ ਕੀਤੀ ਜਾਂਦੀ ਹੈ।
ਇਹ ਵੀ ਪੜ੍ਹੋ : ਪੰਜਾਬ ਕਾਂਗਰਸ ‘ਚ ਕਲੇਸ਼ ਵਿਚਾਲੇ ਹਾਈਕਮਾਨ ਨੇ ਨਿਯੁਕਤ ਕੀਤੇ 3 ਆਬਜ਼ਰਵਰ, ਪ੍ਰਧਾਨ ਨੂੰ ਸੌਂਪਣਗੇ ਰਿਪੋਰਟ
ਕੁਝ ਦਿਨ ਪਹਿਲਾਂ ਹੀ, ਫਾਰਮਾਸਿਊਟੀਕਲ ਕੰਪਨੀਆਂ ਨੇ ਚੇਤਾਵਨੀ ਦਿੱਤੀ ਸੀ ਕਿ ਵਧਦੀਆਂ ਲਾਗਤਾਂ ਉਤਪਾਦਨ ਨੂੰ ਪ੍ਰਭਾਵਿਤ ਕਰ ਸਕਦੀਆਂ ਹਨ ਅਤੇ ਬਾਜ਼ਾਰ ਦੀ ਕਮੀ ਦਾ ਕਾਰਨ ਬਣ ਸਕਦੀਆਂ ਹਨ। ਇਸ ਕਮੀ ਨੂੰ ਪੂਰਾ ਕਰਨ ਲਈ ਸਰਕਾਰ ਨੇ ਦਵਾਈਆਂ ਦੀ ਕਮੀ ਨੂੰ ਰੋਕਣ ਲਈ ਕੀਮਤਾਂ ਵਧਾਉਣ ਦਾ ਫੈਸਲਾ ਕੀਤਾ ਹੈ।
ਐਨਪੀਪੀਏ ਦਾ ਕਹਿਣਾ ਹੈ ਕਿ ਇਹ ਫੈਸਲਾ ਮਰੀਜ਼ਾਂ ਦੇ ਹਿੱਤਾਂ ਅਤੇ ਦਵਾਈਆਂ ਦੀ ਨਿਰੰਤਰ ਉਪਲਬਧਤਾ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਲਿਆ ਗਿਆ ਸੀ। ਪਲੈਟੀਨਮ ਦੀ ਘਾਟ ਕਾਰਨ ਇਹਨਾਂ ਦਵਾਈਆਂ ਦੀ ਸੰਭਾਵੀ ਕਮੀ ਦੀਆਂ ਪਿਛਲੀਆਂ ਰਿਪੋਰਟਾਂ ਸਾਹਮਣੇ ਆਈਆਂ ਹਨ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
