ਜਨਤਕ ਖੇਤਰ ਦੇ ਇੰਡੀਅਨ ਓਵਰਸੀਜ਼ ਬੈਂਕ (IOB) ਦੇ ਗਾਹਕਾਂ ਨੂੰ ਵੱਡਾ ਝਟਕਾ ਲੱਗਾ ਹੈ। ਬੈਂਕ ਨੇ ਫਿਕਸਡ ਡਿਪਾਜ਼ਿਟ (FD) ‘ਤੇ ਵਿਆਜ ਦਰਾਂ ‘ਚ ਕਟੌਤੀ ਕੀਤੀ ਹੈ। ਇਹ ਜਾਣਕਾਰੀ ਦਿੰਦੇ ਹੋਏ ਬੈਂਕ ਨੇ ਕਿਹਾ ਕਿ 2 ਕਰੋੜ ਰੁਪਏ ਤੋਂ ਘੱਟ ਦੀ ਐੱਫ.ਡੀ ‘ਤੇ ਵਿਆਜ ਦਰ ‘ਚ 40 ਆਧਾਰ ਅੰਕ ਦੀ ਕਟੌਤੀ ਕੀਤੀ ਗਈ ਹੈ। ਨਵੀਆਂ ਦਰਾਂ ਅੱਜ ਯਾਨੀ 11 ਅਪ੍ਰੈਲ 2022 ਤੋਂ ਲਾਗੂ ਹੋ ਗਈਆਂ ਹਨ।
7 ਦਿਨਾਂ ਤੋਂ 45 ਦਿਨਾਂ ਤੱਕ ਦੀ ਮਿਆਦ ਪੂਰੀ ਹੋਣ ਵਾਲੀ ਜਮ੍ਹਾਂ ਰਕਮ ਪਹਿਲਾਂ 3.40 ਫ਼ੀਸਦ ਵਿਆਜ ਦਰ ‘ਤੇ ਉਪਲਬਧ ਸੀ, ਜੋ ਹੁਣ ਸਿਰਫ 3 ਫ਼ੀਸਦ ‘ਤੇ ਉਪਲਬਧ ਹੋਵੇਗੀ। ਪਹਿਲਾਂ 46 ਤੋਂ 90 ਦਿਨਾਂ ‘ਚ ਮੈਚਿਓਰ ਹੋਣ ਵਾਲੀ ਡਿਪਾਜ਼ਿਟ ‘ਤੇ ਵਿਆਜ ਦਰ 3.90 ਫੀਸਦੀ ਸੀ, ਪਰ ਹੁਣ ਇਹ 3.50 ਫੀਸਦੀ ਹੋਵੇਗੀ। 91 ਤੋਂ 179 ਦਿਨਾਂ ‘ਚ ਮਿਆਦ ਪੂਰੀ ਹੋਣ ਵਾਲੀ ਜਮ੍ਹਾ ‘ਤੇ ਵਿਆਜ ਦਰ ਪਹਿਲਾਂ 4.4 ਫੀਸਦੀ ਸੀ, ਜੋ ਹੁਣ ਵਧ ਕੇ 4 ਫੀਸਦੀ ਹੋ ਗਈ ਹੈ। 180 ਦਿਨਾਂ ਤੋਂ ਲੈ ਕੇ 1 ਸਾਲ ਤੋਂ ਘੱਟ ਦੀ ਮਿਆਦ ਵਾਲੀ ਜਮ੍ਹਾ ‘ਤੇ ਵਿਆਜ ਦਰ 4.90 ਫੀਸਦੀ ਸੀ, ਪਰ ਹੁਣ ਇਹ 4.5 ਫੀਸਦੀ ਹੋਵੇਗੀ। ਹਾਲਾਂਕਿ, ਬੈਂਕ ਨੇ 1 ਸਾਲ ਤੋਂ ਲੈ ਕੇ 2 ਸਾਲ ਤੋਂ ਘੱਟ ਦੇ ਕਾਰਜਕਾਲ ਵਾਲੀ FD ‘ਤੇ ਵਿਆਜ ਦਰਾਂ ਵਿੱਚ ਕੋਈ ਬਦਲਾਅ ਨਹੀਂ ਕੀਤਾ ਹੈ। ਇਸ ‘ਤੇ 5.15 ਫੀਸਦੀ ਦੀ ਵਿਆਜ ਦਰ ਹੋਵੇਗੀ। ਹਾਲਾਂਕਿ, 2 ਸਾਲ ਤੋਂ 3 ਸਾਲ ਤੋਂ ਘੱਟ ਦੀ FD ‘ਤੇ 5.2 ਫੀਸਦੀ ਅਤੇ 3 ਸਾਲ ਤੋਂ ਵੱਧ ਦੀ FD ‘ਤੇ 5.45 ਫੀਸਦੀ ਦੀ ਵਿਆਜ ਦਰਾਂ ‘ਚ ਕੋਈ ਬਦਲਾਅ ਨਹੀਂ ਹੈ।
ਇਸ ਤੋਂ ਪਹਿਲਾਂ ਪੰਜਾਬ ਨੈਸ਼ਨਲ ਬੈਂਕ (PNB) ਵੀ ਬਚਤ ਖਾਤੇ ‘ਤੇ ਵਿਆਜ ਘਟਾ ਚੁੱਕਾ ਹੈ। ਬੈਂਕ ਨੇ 10 ਲੱਖ ਰੁਪਏ ਤੋਂ ਘੱਟ ਬੈਲੇਂਸ ਵਾਲੇ ਬਚਤ ਖਾਤਿਆਂ ‘ਤੇ ਵਿਆਜ ਦਰ 2.75 ਫੀਸਦੀ ਤੋਂ ਘਟਾ ਕੇ 2.7 ਫੀਸਦੀ ਸਾਲਾਨਾ ਕਰ ਦਿੱਤੀ ਹੈ। ਇਸ ਦੇ ਨਾਲ ਹੀ 10 ਲੱਖ ਤੋਂ 500 ਕਰੋੜ ਰੁਪਏ ਦੇ ਬਕਾਏ ‘ਤੇ 2.75 ਫੀਸਦੀ ਵਿਆਜ ਦਰ ਰੱਖੀ ਗਈ ਹੈ। ਇਹ ਨਵੀਂ ਦਰ 4 ਅਪ੍ਰੈਲ 2022 ਤੋਂ ਲਾਗੂ ਹੋ ਗਈ ਹੈ।
p>ਵੀਡੀਓ ਲਈ ਕਲਿੱਕ ਕਰੋ -:
“PTC ਦੇ MD ਨੂੰ ਤਿੱਖੇ ਸਵਾਲ, ਇੱਕਲਾ ਪੀਟੀਸੀ ਹੀ ਕਿਉਂ ਕਰਦੈ ਸ਼੍ਰੀ ਦਰਬਾਰ ਸਾਹਿਬ ਤੋਂ ਗੁਰਬਾਣੀ ਦਾ ਪ੍ਰਸਾਰਣ ?”
