ਦੇਸ਼ ਦੇ ਦੂਜੇ ਸਭ ਤੋਂ ਵੱਡੇ ਬੈਂਕ ਪੰਜਾਬ ਨੈਸ਼ਨਲ ਬੈਂਕ (PNB) ਨੇ ਖਾਤਾਧਾਰਕਾਂ ਨੂੰ ਝਟਕਾ ਦਿੱਤਾ ਹੈ। ਬੈਂਕ ਨੇ ਬਚਤ ਖਾਤੇ ‘ਤੇ ਵਿਆਜ ਦਰਾਂ ‘ਚ ਕਟੌਤੀ ਕਰਨ ਦਾ ਫੈਸਲਾ ਕੀਤਾ ਹੈ। ਬੈਂਕ ਨੇ ਬਚਤ ਖਾਤੇ ਦੀ ਵਿਆਜ ਦਰਾਂ ਨੂੰ 2.90 ਤੋਂ ਘਟਾ ਕੇ 2.80% ਪ੍ਰਤੀ ਸਾਲ ਕਰਨ ਦਾ ਫੈਸਲਾ ਕੀਤਾ ਹੈ। ਨਵੀਆਂ ਦਰਾਂ 1 ਦਸੰਬਰ ਤੋਂ ਲਾਗੂ ਹੋਣਗੀਆਂ।
1 ਦਸੰਬਰ 2021 ਤੋਂ, ਬੱਚਤ ਖਾਤੇ ਵਿੱਚ 10 ਲੱਖ ਰੁਪਏ ਤੋਂ ਘੱਟ ਬਚਤ ਖਾਤੇ ਦੇ ਬਕਾਏ ਲਈ ਵਿਆਜ ਦਰ 2.80% ਪ੍ਰਤੀ ਸਾਲ ਹੋਵੇਗੀ। ਇਸ ਦੇ ਨਾਲ ਹੀ, 10 ਲੱਖ ਰੁਪਏ ਅਤੇ ਇਸ ਤੋਂ ਵੱਧ ਲਈ, ਸਾਲਾਨਾ ਵਿਆਜ ਦਰ 2.85% ਹੋਵੇਗੀ। ਹੁਣ ਤੱਕ ਜਮ੍ਹਾ ‘ਤੇ 2.90 ਫੀਸਦੀ ਸਾਲਾਨਾ ਵਿਆਜ ਦਿੱਤਾ ਜਾ ਰਿਹਾ ਹੈ।
“ਪੇਂਡੂ ਤਰੀਕੇ ਨਾਲ ਬਣਾਉ ਸਰੋਂ ਦਾ ਸਾਗ “ ਵੀਡੀਓ
ਇਨਕਮ ਟੈਕਸ ਐਕਟ ਦੇ ਸੈਕਸ਼ਨ 80TTA ਦੇ ਤਹਿਤ, ਬੈਂਕ ਦੇ ਬਚਤ ਖਾਤੇ ਦੇ ਮਾਮਲੇ ਵਿੱਚ ਵਿਆਜ ਤੋਂ 10,000 ਰੁਪਏ ਸਾਲਾਨਾ ਤੱਕ ਦੀ ਆਮਦਨ ਨੂੰ ਟੈਕਸ ਤੋਂ ਛੋਟ ਹੈ। ਇਸ ਦਾ ਲਾਭ 60 ਸਾਲ ਤੋਂ ਘੱਟ ਉਮਰ ਦੇ ਵਿਅਕਤੀ ਨੂੰ ਮਿਲਦਾ ਹੈ। ਜਦੋਂ ਕਿ ਸੀਨੀਅਰ ਸਿਟੀਜ਼ਨ ਲਈ ਇਹ ਛੋਟ 50 ਹਜ਼ਾਰ ਰੁਪਏ ਹੈ। ਜੇਕਰ ਆਮਦਨ ਇਸ ਤੋਂ ਵੱਧ ਹੈ ਤਾਂ TDS ਕੱਟਿਆ ਜਾਂਦਾ ਹੈ। ਜੇਕਰ ਵਿਆਜ ਦੀ ਆਮਦਨ ਨਿਰਧਾਰਤ ਛੋਟ ਸੀਮਾ ਤੋਂ ਵੱਧ ਜਾਂਦੀ ਹੈ ਤਾਂ ਬੈਂਕ ਦੁਆਰਾ 10% TDS ਕੱਟਿਆ ਜਾਂਦਾ ਹੈ।
