ਤੁਸੀਂ ਬਚਪਨ ਤੋਂ ਹੀ ਆਪਣੀਆਂ ਦਾਦੀਆਂ ਤੋਂ ਸੁਣਦੇ ਆ ਰਹੇ ਹੋਵੋਗੇ ਕਿ ਘਿਓ ਖਾਣ ਨਾਲ ਹੱਡੀਆਂ ਮਜ਼ਬੂਤ ਅਤੇ ਤਾਕਤਵਰ ਹੁੰਦੀਆਂ ਹਨ ਅਤੇ ਪਹਿਲੇ ਸਮਿਆਂ ‘ਚ ਘਿਓ ਦੀ ਬਹੁਤ ਵਰਤੋਂ ਹੁੰਦੀ ਸੀ ਪਰ ਅੱਜ ਦੇ ਬੱਚੇ ਘਿਓ ਨੂੰ ਦੇਖ ਕੇ ਨੱਕ-ਮੂੰਹ ਵੱਟ ਲੈਂਦੇ ਹਨ। ਪਰ ਬੱਚਿਆਂ ਦੇ ਸੰਪੂਰਨ ਅਤੇ ਸਹੀ ਵਿਕਾਸ ਲਈ ਘਿਓ ਬਹੁਤ ਫਾਇਦੇਮੰਦ ਹੁੰਦਾ ਹੈ ਅਤੇ ਮਾਹਿਰਾਂ ਦਾ ਵੀ ਮੰਨਣਾ ਹੈ ਕਿ ਘਿਓ ਖਾਣ ਨਾਲ ਸਾਡੀਆਂ ਹੱਡੀਆਂ ਮਜ਼ਬੂਤ ਹੁੰਦੀਆਂ ਹਨ।
ਆਯੁਰਵੇਦ ਮਾਹਿਰਾਂ ਦਾ ਕਹਿਣਾ ਹੈ ਕਿ ਆਯੁਰਵੇਦ ਵਿੱਚ ਘਿਓ ਨੂੰ ਇੱਕ ਦਵਾਈ ਮੰਨਿਆ ਗਿਆ ਹੈ ਜਿਸ ਦੇ ਬਹੁਤ ਸਾਰੇ ਫਾਇਦੇ ਹਨ ਅਤੇ ਹਰ ਉਮਰ ਦੇ ਲੋਕਾਂ ਨੂੰ ਘਿਓ ਦਾ ਸੇਵਨ ਕਰਨਾ ਚਾਹੀਦਾ ਹੈ। ਮਜ਼ਬੂਤ ਹੱਡੀਆਂ ਅਤੇ ਮਜ਼ਬੂਤੀ ਲਈ ਤੁਸੀਂ ਰੋਜ਼ਾਨਾ ਦੋ ਚੱਮਚ ਘਿਓ ਦਾ ਸੇਵਨ ਕਰ ਸਕਦੇ ਹੋ, ਇਸ ਨੂੰ ਸਬਜ਼ੀ ਜਾਂ ਰੋਟੀ ਦੇ ਨਾਲ ਮਿਲਾ ਕੇ ਖਾ ਸਕਦੇ ਹੋ।
ਘਿਓ ਖਾਣ ਦੇ ਫਾਇਦੇ
- ਆਯੁਰਵੇਦ ਮਾਹਕਾਂ ਮੁਤਾਬਕ ਘਿਓ ਵਿਟਾਮਿਨ ਡੀ ਦਾ ਇੱਕ ਵਧੀਆ ਸਰੋਤ ਹੈ ਜੋ ਸਰੀਰ ਵਿੱਚ ਕੈਲਸ਼ੀਅਮ ਨੂੰ ਸੋਖ ਲੈਂਦਾ ਹੈ। ਜਿਸ ਨਾਲ ਹੱਡੀਆਂ ਮਜ਼ਬੂਤ ਹੁੰਦੀਆਂ ਹਨ ਅਤੇ ਹੱਡੀਆਂ ਨੂੰ ਮਜ਼ਬੂਤੀ ਮਿਲਦੀ ਹੈ। ਇਸ ਲਈ ਮਜ਼ਬੂਤ ਹੱਡੀਆਂ ਲਈ ਘਿਓ ਦਾ ਸੇਵਨ ਕਰਨਾ ਜ਼ਰੂਰੀ ਹੈ।
- ਘਿਓ ਵਿੱਚ ਵਿਟਾਮਿਨ ਡੀ, ਓਮੇਗਾ-3 ਫੈਟੀ ਐਸਿਡ, ਵਿਟਾਮਿਨ ਏ, ਈ ਅਤੇ ਕੇ ਪਾਇਆ ਜਾਂਦਾ ਹੈ, ਇਹ ਸਾਰੇ ਪੋਸ਼ਕ ਤੱਤ ਹੱਡੀਆਂ ਲਈ ਵੀ ਫਾਇਦੇਮੰਦ ਹੁੰਦੇ ਹਨ।
- ਘਿਓ ਖਾਣ ਨਾਲ ਨਾ ਸਿਰਫ਼ ਹੱਡੀਆਂ ਮਜ਼ਬੂਤ ਹੁੰਦੀਆਂ ਹਨ, ਸਗੋਂ ਘਿਓ ਹੱਡੀਆਂ ਦੇ ਟੁੱਟਣ ਅਤੇ ਲਚਕੀਲੇਪਣ ਲਈ ਵੀ ਜ਼ਿੰਮੇਵਾਰ ਹੁੰਦਾ ਹੈ। ਘਿਓ ਹੱਡੀਆਂ ਦੇ ਜੋੜਾਂ ਵਿੱਚ ਲਚਕਤਾ ਲਿਆਉਂਦਾ ਹੈ ਜੋ ਮਾਸਪੇਸ਼ੀਆਂ ਵਿੱਚ ਖਿਚਾਅ ਨੂੰ ਰੋਕਦਾ ਹੈ।
- ਹੱਡੀਆਂ ਅਤੇ ਮਾਸਪੇਸ਼ੀਆਂ ਵਿੱਚ ਹੋਣ ਵਾਲੇ ਦਰਦ ਅਤੇ ਸੋਜ ਤੋਂ ਵੀ ਘਿਓ ਰਾਹਤ ਦਿਵਾਉਂਦਾ ਹੈ। ਇਸ ਲਈ ਪੁਰਾਣੇ ਸਮਿਆਂ ਵਿੱਚ, ਦੇਸੀ ਘਿਓ ਨੂੰ ਤਾਕਤ ਵਧਾਉਣ ਅਤੇ ਸਿਹਤਮੰਦ ਰਹਿਣ ਲਈ ਇੱਕ ਵਧੀਆ ਫਾਰਮੂਲਾ ਮੰਨਿਆ ਜਾਂਦਾ ਸੀ।
ਇਹ ਵੀ ਪੜ੍ਹੋ : Whatsapp DP ਦਾ ਹੁਣ ਕੋਈ ਨਹੀਂ ਲੈ ਸਕੇਗਾ ਸਕ੍ਰੀਨਸ਼ਾਟ, ਕੰਪਨੀ ਨੇ ਰੋਲ ਆਊਟ ਕੀਤਾ ਨਵਾਂ ਪ੍ਰਾਈਵੇਸੀ ਫੀਚਰ
ਘਿਓ ਦੇ ਹੋਰ ਫਾਇਦੇ
- ਹੱਡੀਆਂ ਨੂੰ ਮਜ਼ਬੂਤ ਕਰਨ ਦੇ ਨਾਲ-ਨਾਲ ਘਿਓ ਚਮੜੀ ਲਈ ਵੀ ਬਹੁਤ ਫਾਇਦੇਮੰਦ ਹੁੰਦਾ ਹੈ, ਇਹ ਚਮੜੀ ਦੀ ਖੁਸ਼ਕੀ ਨੂੰ ਦੂਰ ਕਰਦਾ ਹੈ ਅਤੇ ਚਮੜੀ ਨੂੰ ਨਮੀ ਵਾਲਾ ਰੱਖਦਾ ਹੈ।
- ਨਾਲ ਹੀ ਘਿਓ ਦੀ ਵਰਤੋਂ ਨਾਲ ਵਾਲਾਂ ਦੀ ਚਮਕ ਵੀ ਵਧਦੀ ਹੈ ਅਤੇ ਵਾਲ ਸੁੱਕੇ ਦਿਖਾਈ ਨਹੀਂ ਦਿੰਦੇ।
- ਘਿਓ ਸਰੀਰ ਨੂੰ ਤਾਕਤ ਦਿੰਦਾ ਹੈ, ਇਹ ਵਿਅਕਤੀ ਦੀ ਰੋਗ ਰੋਕੂ ਸਮਰੱਥਾ ਨੂੰ ਵਧਾਉਂਦਾ ਹੈ, ਜਿਸ ਨਾਲ ਉਹ ਬੀਮਾਰ ਘੱਟ ਹੁੰਦਾ ਹੈ ਅਤੇ ਸੰਕਰਮਣ ਤੋਂ ਬਚਾਉਂਦਾ ਹੈ।
- ਅੱਖਾਂ ਦੀ ਸਿਹਤ ਲਈ ਵੀ ਘਿਓ ਬਹੁਤ ਫਾਇਦੇਮੰਦ ਮੰਨਿਆ ਜਾਂਦਾ ਹੈ, ਘਿਓ ਖਾਣ ਨਾਲ ਅੱਖਾਂ ਦੀ ਰੋਸ਼ਨੀ ਤੇਜ਼ ਰਹਿੰਦੀ ਹੈ ਅਤੇ ਅੱਖਾਂ ਨਾਲ ਜੁੜੀਆਂ ਸਮੱਸਿਆਵਾਂ ਦਾ ਖਤਰਾ ਵੀ ਘੱਟ ਹੁੰਦਾ ਹੈ।
ਘਿਓ ਕਿਵੇਂ ਖਾਣਾ ਚਾਹੀਦਾ ਹੈ?
ਘਿਓ ਨੂੰ ਸਿੱਧਾ ਖਾਣ ਦੀ ਬਜਾਏ ਤੁਸੀਂ ਇਸ ਨੂੰ ਸਬਜ਼ੀ ਜਾਂ ਰੋਟੀ ਨਾਲ ਖਾ ਸਕਦੇ ਹੋ, ਪਰ ਯਾਦ ਰੱਖੋ ਕਿ ਰੋਜ਼ਾਨਾ ਦੋ ਚੱਮਚ ਤੋਂ ਵੱਧ ਘਿਓ ਦੀ ਵਰਤੋਂ ਨਾ ਕਰੋ। ਇਸ ਲਈ ਅਗਲੀ ਵਾਰ ਜੇਕਰ ਕੋਈ ਤੁਹਾਨੂੰ ਘਿਓ ਖਾਣ ਲਈ ਕਹੇ ਤਾਂ ਬਿਨਾਂ ਨੱਕ-ਮੂੰਹ ਵੱਟਣ ਦੀ ਬਜਾਏ ਇਸ ਦਾ ਸਵਾਦ ਲਓ ਕਿਉਂਕਿ ਇਹ ਸਾਡੀ ਸਿਹਤ ਲਈ ਬਹੁਤ ਜ਼ਰੂਰੀ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
