ਕਈ ਲੋਕ ਆਟੇ ਨੂੰ ਗੁੰਨਣ ਤੋਂ ਬਾਅਦ ਫਰਿੱਜ ‘ਚ ਰੱਖ ਦਿੰਦੇ ਹਨ। ਆਟੇ ਨੂੰ ਖਰਾਬ ਹੋਣ ਤੋਂ ਬਚਾਉਣ ਲਈ ਫਰਿੱਜ ਨੂੰ ਸਭ ਤੋਂ ਵਧੀਆ ਵਿਕਲਪ ਮੰਨਿਆ ਜਾਂਦਾ ਹੈ। ਇਸ ਨੂੰ ਅਸੀਂ 3-4 ਦਿਨਾਂ ਤੱਕ ਸਟੋਰ ਕਰ ਸਕਦੇ ਹਾਂ ਪਰ ਫਰਿੱਜ ‘ਚ ਰੱਖਣ ਨਾਲ ਵੀ ਕਈ ਵਾਰ ਆਟਾ ਜਲਦੀ ਖਰਾਬ ਹੋ ਜਾਂਦਾ ਹੈ। ਅਜਿਹੇ ‘ਚ ਆਟੇ ਨੂੰ ਸਟੋਰ ਕਰਦੇ ਸਮੇਂ ਕੁਝ ਚੀਜ਼ਾਂ ਦੀ ਵਰਤੋਂ ਕਰਕੇ ਤੁਸੀਂ ਇਸ ਨੂੰ ਲੰਬੇ ਸਮੇਂ ਤੱਕ ਤਾਜ਼ਾ ਅਤੇ ਨਰਮ ਰੱਖ ਸਕਦੇ ਹੋ।
ਹਾਲਾਂਕਿ ਸਾਨੂੰ ਸਲਾਹ ਦਿੱਤੀ ਜਾਂਦੀ ਹੈ ਕਿ ਖਾਣ-ਪੀਣ ਦੀਆਂ ਵਸਤੂਆਂ ਨੂੰ ਫਰਿੱਜ ‘ਚ ਜ਼ਿਆਦਾ ਦੇਰ ਤੱਕ ਸਟੋਰ ਨਹੀਂ ਕਰਨਾ ਚਾਹੀਦਾ, ਪਰ ਲੋਕਾਂ ਦੀ ਰੋਜ਼ਾਨਾ ਦੀ ਜ਼ਿੰਦਗੀ ‘ਚ ਅਜਿਹਾ ਸੰਭਵ ਨਹੀਂ ਹੈ। ਜੇਕਰ ਕੋਈ ਕੰਮਕਾਜੀ ਪਰਿਵਾਰ ਹੈ ਤਾਂ ਲੋਕ ਖਾਣ-ਪੀਣ ਦੀਆਂ ਹੋਰ ਚੀਜ਼ਾਂ ਤਿਆਰ ਕਰਕੇ ਫਰੀਜ਼ਰ ਵਿੱਚ ਰੱਖ ਲੈਂਦੇ ਹਨ। ਲੋਕ ਵਾਰ-ਵਾਰ ਰਸੋਈ ਵਿਚ ਜਾਣਾ ਪਸੰਦ ਨਹੀਂ ਕਰਦੇ, ਇਸ ਲਈ ਉਹ ਖਾਣਾ ਇਕ ਵਾਰ ਹੀ ਪਕਾ ਕੇ ਇਕ ਪਾਸੇ ਰੱਖ ਦਿੰਦੇ ਹਨ। ਇਸ ਲਈ ਅਜਿਹੀ ਸਥਿਤੀ ‘ਚ ਅਸੀਂ ਭੋਜਨ ਨੂੰ ਫਰਿੱਜ ‘ਚ ਰੱਖਣ ਦੀ ਆਪਣੀ ਆਦਤ ‘ਚ ਕੁਝ ਬਦਲਾਅ ਕਰਕੇ ਇਸ ਨੂੰ ਖਰਾਬ ਹੋਣ ਤੋਂ ਬਚਾ ਸਕਦੇ ਹਾਂ।
ਇਹ ਆਸਾਨ ਸੁਝਾਅ ਕੀ ਹਨ?
– ਜਦੋਂ ਵੀ ਤੁਸੀਂ ਫਰਿੱਜ ਵਿੱਚ ਆਟਾ ਰੱਖੋ, ਇਸਨੂੰ ਏਅਰ ਟਾਈਟ ਕੰਟੇਨਰ ਵਿੱਚ ਬੰਦ ਕਰਕੇ ਰੱਖੋ। ਇਸ ਸਥਿਤੀ ਵਿੱਚ ਤੁਹਾਡਾ ਗੁੰਨਿਆ ਹੋਇਆ ਆਟਾ ਤਾਜ਼ਾ ਰਹੇਗਾ।
-ਤੁਸੀਂ ਇਸ ਨੂੰ ਐਲੂਮੀਨੀਅਮ ਫੁਆਇਲ ਨਾਲ ਵੀ ਚੰਗੀ ਤਰ੍ਹਾਂ ਪੈਕ ਕਰ ਸਕਦੇ ਹੋ ਅਤੇ ਇਸ ਨੂੰ ਏਅਰ ਟਾਈਟ ਕੰਟੇਨਰ ਵਿਚ ਬੰਦ ਕਰਕੇ ਰੱਖ ਸਕਦੇ ਹੋ। ਇਹ ਕਿਸੇ ਵੀ ਬੈਕਟੀਰੀਆ ਨੂੰ ਵਧਣ ਤੋਂ ਰੋਕੇਗਾ ਅਤੇ ਤੁਹਾਡਾ ਆਟਾ ਤਾਜ਼ਾ ਰਹੇਗਾ।
ਇਹ ਵੀ ਪੜ੍ਹੋ : 5 ਸਾਲਾਂ ਤੱਕ ਬਿਨਾਂ ਕਿਰਾਏ ਦੇ ਹੋਟਲ ‘ਚ ਰਿਹਾ ਬੰਦਾ, ਫਿਰ ਖੁਦ ਨੂੰ ਦੱਸਣ ਲੱਗਾ ਮਾਲਕ!
ਇਸ ਤੋਂ ਇਲਾਵਾ ਜਦੋਂ ਵੀ ਆਟੇ ਨੂੰ ਗੁੰਨ੍ਹੋ ਤਾਂ ਕੋਸੇ ਪਾਣੀ ਦੀ ਵਰਤੋਂ ਕਰੋ। ਇਸ ਤਰ੍ਹਾਂ ਆਟਾ ਨਰਮ ਰਹੇਗਾ ਅਤੇ ਇਸ ਵਿਚ ਮੌਜੂਦ ਬੈਕਟੀਰੀਆ ਵੀ ਮਰ ਜਾਣਗੇ। ਜਦੋਂ ਤੁਸੀਂ ਇਸ ਆਟੇ ਨੂੰ ਫਰਿੱਜ ਵਿੱਚ ਰੱਖਦੇ ਹੋ, ਤਾਂ ਉੱਲੀ ਨਹੀਂ ਬਣੇਗੀ।
-ਤੁਸੀਂ ਆਟੇ ਨੂੰ ਸਵੇਰ ਤੱਕ ਫਰਿੱਜ ‘ਚ ਰੱਖਣ ਲਈ ਥੋੜ੍ਹਾ ਜਿਹਾ ਨਮਕ ਵੀ ਪਾ ਸਕਦੇ ਹੋ। ਕਈ ਪੈਕ ਕੀਤੀਆਂ ਵਸਤੂਆਂ ਵਿੱਚ ਨਮਕ ਮਿਲਾ ਦਿੱਤਾ ਜਾਂਦਾ ਹੈ ਤਾਂ ਜੋ ਇਸ ਵਿੱਚ ਕੋਈ ਬੈਕਟੀਰੀਆ ਨਾ ਪਣਪੇ।
– ਤੁਸੀਂ ਫਰਿੱਜ ‘ਚ ਰੱਖਣ ਤੋਂ ਪਹਿਲਾਂ ਗੁੰਨੇ ਹੋਏ ਆਟੇ ‘ਤੇ ਤੇਲ ਵੀ ਲਗਾ ਸਕਦੇ ਹੋ। ਇਸ ਕਾਰਨ ਆਟਾ ਨਾ ਤਾਂ ਸੁੱਕਦਾ ਹੈ ਅਤੇ ਨਾ ਹੀ ਸਖ਼ਤ ਹੁੰਦਾ ਹੈ।
