ਇਟਲੀ ਦਾ ਮਾਊਂਟ ਏਟਨਾ ਜਵਾਲਾਮੁਖੀ, ਜੋ ਯੂਰਪ ਦਾ ਸਭ ਤੋਂ ਲੰਮਾ ਅਤੇ ਸਭ ਤੋਂ ਵੱਧ ਸਰਗਰਮ ਹੈ, ਇੱਕ ਵਾਰ ਫਿਰ ਫਟ ਗਿਆ ਹੈ। ਇਸ ਤੋਂ ਨਿਕਲਣ ਵਾਲੀ ਸੁਆਹ ਕਈ ਕਿਲੋਮੀਟਰ ਤੱਕ ਫੈਲ ਚੁੱਕੀ ਹੈ। ਇਸ ਕਾਰਨ ਸਿਸਲੀ ਸ਼ਹਿਰ ਦੇ ਕੈਟਾਨੀਆ ਹਵਾਈ ਅੱਡੇ ਨੂੰ ਬੰਦ ਕਰ ਦਿੱਤਾ ਗਿਆ। ਇੱਥੇ ਆਉਣ ਵਾਲੀਆਂ ਫਲਾਈਟਾਂ ਜਾਂ ਤਾਂ ਰੱਦ ਕਰ ਦਿੱਤੀਆਂ ਗਈਆਂ ਹਨ ਜਾਂ ਡਾਇਵਰਟ ਕੀਤੀਆਂ ਗਈਆਂ ਹਨ।
ਇਸ ਤੋਂ ਇਲਾਵਾ ਸੜਕਾਂ ‘ਤੇ ਪਈ ਸੁਆਹ ਕਾਰਨ ਪ੍ਰਸ਼ਾਸਨ ਨੇ 48 ਘੰਟਿਆਂ ਲਈ ਮੋਟਰਸਾਈਕਲ ਅਤੇ ਸਾਈਕਲ ਚਲਾਉਣ ‘ਤੇ ਪਾਬੰਦੀ ਲਗਾ ਦਿੱਤੀ ਹੈ। ਕਾਰਾਂ ਦੀ ਵਰਤੋਂ ਕਰਨ ਵਾਲੇ ਲੋਕਾਂ ਨੂੰ ਵੀ ਵੱਧ ਤੋਂ ਵੱਧ 30 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫਤਾਰ ਬਰਕਰਾਰ ਰੱਖਣ ਦਾ ਹੁਕਮ ਦਿੱਤਾ ਗਿਆ ਹੈ। ਫਲਾਈਟ ਰਾਹੀਂ ਯਾਤਰਾ ਕਰਨ ਵਾਲੇ ਯਾਤਰੀਆਂ ਨੂੰ ਪਾਬੰਦੀਆਂ ਹਟਣ ਤੋਂ ਬਾਅਦ ਵੀ ਸਥਿਤੀ ਦੀ ਜਾਂਚ ਕਰਨ ਤੋਂ ਬਾਅਦ ਹੀ ਹਵਾਈ ਅੱਡੇ ਲਈ ਰਵਾਨਾ ਹੋਣ ਦੀ ਸਲਾਹ ਦਿੱਤੀ ਗਈ ਹੈ।
ਪਿਛਲੇ ਹਫ਼ਤੇ ਦੇ ਸ਼ੁਰੂ ਵਿੱਚ ਜਵਾਲਾਮੁਖੀ ਫਟਣ ਦੇ ਸੰਕੇਤ ਮਿਲੇ ਸਨ, ਜਦੋਂ ਏਟਨਾ ਵਿੱਚੋਂ ਗੈਸ ਦੀਆਂ ਰਿੰਗਾਂ ਨਿਕਲਣੀਆਂ ਸ਼ੁਰੂ ਹੋ ਗਈਆਂ ਸਨ। ਏਟਨਾ ਯੂਰਪ ਦਾ ਸਭ ਤੋਂ ਸਰਗਰਮ ਜੁਆਲਾਮੁਖੀ ਹੈ, ਜੋ ਮਈ ਦੇ ਆਖਰੀ ਹਫ਼ਤੇ ਵਿੱਚ ਫਟਿਆ ਸੀ। ਉਦੋਂ ਵੀ ਜ਼ਿਆਦਾਤਰ ਹਵਾਈ ਅੱਡੇ ਬੰਦ ਸਨ। ਵਿਗਿਆਨੀਆਂ ਮੁਤਾਬਕ ਉਸ ਸਮੇਂ ਮਾਊਂਟ ਏਟਨਾ ਦਾ ਉੱਤਰ-ਪੂਰਬੀ ਕ੍ਰੇਟਰ ਪਿਛਲੇ 40 ਸਾਲਾਂ ਤੋਂ ਸਭ ਤੋਂ ਉੱਚਾ ਸੀ।
ਇਹ ਵੀ ਪੜ੍ਹੋ : ਰੂਸ ‘ਚ ਵੱਡਾ ਹਾਦਸਾ, ਗੈਸ ਸਟੇਸ਼ਨ ‘ਚ ਭਿਆਨਕ ਧਮਾਕਾ, 30 ਮੌ.ਤਾਂ, 100 ਤੋਂ ਵੱਧ ਜ਼ਖਮੀ
ਮਾਊਂਟ ਏਟਨਾ ਦੇ ਉੱਤਰ-ਪੂਰਬੀ ਖੱਡ ਦੀ ਉਚਾਈ 1981 ਵਿੱਚ ਸਭ ਤੋਂ ਵੱਧ 11,000 ਫੁੱਟ ਸੀ, ਜੋ ਕਿ 2018 ਤੱਕ ਘਟ ਕੇ 10,912 ਫੁੱਟ ਰਹਿ ਗਈ ਸੀ। ਇਸ ਤੋਂ ਪਹਿਲਾਂ ਅਗਸਤ 2021 ਵਿੱਚ ਵੀ ਇਹ ਜਵਾਲਾਮੁਖੀ ਫਟ ਗਿਆ ਸੀ। ਦੱਖਣ-ਪੂਰਬੀ ਕ੍ਰੇਟਰ ਫਟਣ ਤੋਂ ਪਹਿਲਾਂ ਛੇ ਮਹੀਨਿਆਂ ਤੋਂ ਲਗਾਤਾਰ ਵਧ ਰਿਹਾ ਹੈ। ਉਸ ਸਮੇਂ ਇਸ ਦੀ ਉਚਾਈ 11 ਹਜ਼ਾਰ ਫੁੱਟ ਤੋਂ ਵੀ ਵਧ ਗਈ ਸੀ। ਮਾਊਂਟ ਏਟਨਾ ਦਾ ਆਖਰੀ ਵੱਡਾ ਵਿਸਫੋਟ 1992 ਵਿੱਚ ਹੋਇਆ ਸੀ।
ਵੀਡੀਓ ਲਈ ਕਲਿੱਕ ਕਰੋ -:
“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “
