ਇਟਲੀ : ਪਾਰਲੀਮੈਂਟ ‘ਚ ਬੱਚੇ ਨੂੰ ਕਰਵਾਈ ਬ੍ਰੇਸਟ ਫੀਡਿੰਗ, ਅਜਿਹਾ ਕਰਨ ਵਾਲੀ ਪਹਿਲੀ ਮਹਿਲਾ ਸੰਸਦ ਬਣੀ

ਇਟਲੀ ਦੀ ਸੰਸਦ ‘ਚ ਬੁੱਧਵਾਰ ਦਾ ਦਿਨ ਇਤਿਹਾਸ ‘ਚ ਦਰਜ ਹੋਇਆ ਹੈ। ਇੱਥੇ ਪਹਿਲੀ ਵਾਰ ਇੱਕ ਮਹਿਲਾ ਸੰਸਦ ਮੈਂਬਰ ਨੇ ਆਪਣੇ ਬੱਚੇ ਨੂੰ ਬ੍ਰੇਸਟ ਫੀਡਿੰਗ ਕਾਰਵਾਈ। ਮੀਡੀਆ ਰਿਪੋਰਟਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਮਹਿਲਾ ਸੰਸਦ ਮੈਂਬਰ ਗਿਲਡਾ ਸਪੋਰਟੀਲੋ ਨੇ ਆਪਣੇ ਬੇਟੇ ਫੈਡਰਿਕੋ ਨੂੰ ਬ੍ਰੇਸਟ ਫੀਡਿੰਗ ਕਰਾਈ। ਇਸ ਦੌਰਾਨ ਬਾਕੀ ਸੰਸਦ ਮੈਂਬਰਾਂ ਨੇ ਤਾੜੀਆਂ ਮਾਰ ਕੇ ਉਨ੍ਹਾਂ ਦਾ ਹੌਸਲਾ ਵਧਾਇਆ ਅਤੇ ਫੈਸਲੇ ਦਾ ਸਵਾਗਤ ਕੀਤਾ।

ਹੁਣ ਸਾਂਸਦ ਦੇ ਇਸ ਫੈਸਲੇ ਦੀ ਇਟਲੀ ਵਿਚ ਕਾਫੀ ਤਾਰੀਫ ਹੋ ਰਹੀ ਹੈ। ਬ੍ਰੇਸਟ ਫੀਡਿੰਗ ਦੀ ਗੱਲ ਕਰੀਏ ਤਾਂ ਦੂਜੇ ਦੇਸ਼ਾਂ ਵਿਚ ਇਸ ਘਟਨਾ ਨੂੰ ਆਮ ਮੰਨਿਆ ਜਾਵੇਗਾ ਪਰ ਇਟਲੀ ਵਰਗੇ ਮਰਦ ਪ੍ਰਧਾਨ ਦੇਸ਼ ਵਿਚ ਇਸ ਨੂੰ ਇਕ ਵੱਡੀ ਘਟਨਾ ਵਜੋਂ ਦੇਖਿਆ ਜਾ ਰਿਹਾ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਸੰਸਦ ਦੇ ਹੇਠਲੇ ਸਦਨ ‘ਚ ਪਹਿਲੀ ਵਾਰ ਕਿਸੇ ਮੈਂਬਰ ਨੇ ਅਜਿਹਾ ਕੀਤਾ ਹੈ।

ਇਸ ਦੌਰਾਨ ਜਿਓਰਜੀਓ ਮੂਲੇ ਨੇ ਸੰਸਦੀ ਸੈਸ਼ਨ ਦੀ ਪ੍ਰਧਾਨਗੀ ਕੀਤੀ। ਉਨ੍ਹਾਂ ਕਿਹਾ ਕਿ ਅਜਿਹਾ ਪਹਿਲੀ ਵਾਰ ਹੋਇਆ ਹੈ, ਜਦੋਂ ਸਾਰੀਆਂ ਪਾਰਟੀਆਂ ਦੇ ਸਹਿਯੋਗ ਨਾਲ ਕਿਸੇ ਸੰਸਦ ਮੈਂਬਰ ਨੇ ਆਪਣੇ ਬੱਚੇ ਨੂੰ ਬ੍ਰੇਸਟ ਫੀਡਿੰਗ ਕਰਵਾਇਆ ਹੋਵੇ। ਰਿਪੋਰਟ ਮੁਤਾਬਕ ਇਟਲੀ ‘ਚ ਨਵੰਬਰ 2022 ‘ਚ ਸੰਸਦ ਦੀਆਂ ਮਹਿਲਾ ਮੈਂਬਰਾਂ ਨੂੰ ਆਪਣੇ ਬੱਚੇ ਦੇ ਨਾਲ ਘਰ ‘ਚ ਦਾਖਲ ਹੋਣ ਅਤੇ ਬ੍ਰੇਸਟ ਫੀਡਿੰਗ ਦੀ ਇਜਾਜ਼ਤ ਦਿੱਤੀ ਗਈ ਸੀ।

ਇਹ ਵੀ ਪੜ੍ਹੋ : ਰੇਲਵੇ ਵੱਲੋਂ ਯਾਤਰੀਆਂ ਨੂੰ ਰਾਹਤ, ਦਰਭੰਗਾ-ਅਜਮੇਰ ਤੇ ਜੈਨਗਰ-ਅੰਮ੍ਰਿਤਸਰ ਵਿਚਾਲੇ ਚੱਲਣਗੀਆਂ ਸਪੈਸ਼ਲ ਟਰੇਨਾਂ

ਦੱਸ ਦੇਈਏ ਕਿ ਸਦਨ ਵਿੱਚ ਆਪਣੇ ਬੱਚੇ ਨੂੰ ਬ੍ਰੇਸਟ ਫੀਡਿੰਗ ਵਾਲੀ ਗਿਲਡਾ ਸਪੋਰਟੀਲੋ ਖੱਬੇਪੱਖੀ ਫਾਈਵ ਸਟਾਰ ਮੂਵਮੈਂਟ ਪਾਰਟੀ ਦੀ ਸੰਸਦ ਮੈਂਬਰ ਹੈ। ਉਨ੍ਹਾਂ ਕਿਹਾ ਕਿ ਕੰਮ ਕਾਰਨ ਕਈ ਔਰਤਾਂ ਸਮੇਂ ਤੋਂ ਪਹਿਲਾਂ ਆਪਣੇ ਬੱਚੇ ਨੂੰ ਬ੍ਰੇਸਟ ਫੀਡਿੰਗ ਕਰਵਾਉਣਾ ਬੰਦ ਕਰ ਦਿੰਦੀਆਂ ਹਨ। ਹਾਲਾਂਕਿ ਉਨ੍ਹਾਂ ਨੂੰ ਮਜਬੂਰੀ ‘ਚ ਅਜਿਹਾ ਕਰਨਾ ਪੈਂਦਾ ਹੈ। ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ, ਅਕਤੂਬਰ 2022 ਵਿੱਚ, ਇਟਲੀ ਵਿੱਚ ਪਹਿਲੀ ਵਾਰ ਇੱਕ ਔਰਤ ਪ੍ਰਧਾਨ ਮੰਤਰੀ ਬਣੀ ਅਤੇ ਜਾਰਜੀਆ ਮੇਲੋਨੀ ਨੇ ਅਹੁਦਾ ਸੰਭਾਲਿਆ।

ਵੀਡੀਓ ਲਈ ਕਲਿੱਕ ਕਰੋ -:

“ਦੌੜ ‘ਚ ਤੂਫਾਨ ਵਾਂਗ ਧੱਕ ਪਾਉਣ ਵਾਲਾ athlete, ਈ-ਰਿਕਸ਼ਾ ਚਲਾਉਣ ਲਈ ਹੋਇਆ ਮਜ਼ਬੂਰ, CM Mann ਤੱਕ ਪਹੁੰਚਾ ਦਿਓ”