ਹਿਮਾਚਲ ਵਿਚ ਹੋਲੀ ਵਾਲੇ ਦਿਨ ਵੱਡਾ ਹਾਦਸਾ ਹੋਇਆ ਹੈ। ਕਾਰ ਹਾਦਸੇ ਵਿਚ 4 ਨੌਜਵਾਨਾਂ ਦੀ ਮੌਤ ਹੋ ਗਈ ਹੈ। ਸਿਮਲਾ ਦੇ ਨੇਰੂਵਾ ਵਿਚ ਘਟਨਾ ਸਾਹਮਣੇ ਆਈ ਹੈ। ਕਾਰ ਵਿਚ ਕੁੱਲ ਚਾਰ ਨੌਜਵਾਨ ਸਵਾਰ ਸਨ ਤੇ ਚਾਰਾਂ ਦੀ ਮੌਕੇ ‘ਤੇ ਮੌਤ ਹੋ ਗਈ। ਪੁਲਿਸ ਹਾਦਸੇ ਦੀ ਜਾਂਚ ਕਰ ਰਹੀ ਹੈ।
ਸ਼ਿਮਲਾ ਦੇ ਚੌਪਾਲ ਦੇ ਨੇਰਵਾ ਬਾਜ਼ਾਰ ਵਿਚ 4 ਕਿਲੋਮੀਟਰ ਦੀ ਦੂਰੀ ‘ਤੇ ਇਕ ਆਲਟੋ ਕਾਰ ਹਾਦਸੇ ਦਾ ਸ਼ਿਕਾਰ ਹੋ ਗਈ। ਦਲਟਾਨਾਲਾ ਵਿਚ ਇਹ ਘਟਨਾ ਵਾਪਰੀ। ਆਲਟੋ ਵਿਚ 4 ਲੋਕ ਸਵਾਰ ਸਨ ਜੋ ਕਿ ਭਰਟਰੂੰ ਤੋਂ ਨੇਰੂਵਾ ਵੱਲ ਆ ਰਹੇ ਸਨ।ਸਵੇਰੇ 10.30 ਵਜੇ ਇਹ ਗੱਡੀ ਕੇਦੀ-ਨੇਰੂਵਾ ਮਾਰਗ ‘ਤੇ 200 ਮੀਟਰ ਖੱਡ ਵਿਚ ਜਾ ਡਿੱਗੀ।
ਗੱਡੀ ਵਿਚ ਸਵਾਰ ਚਾਰੋਂ ਨੌਜਵਾਨਾਂ ਨੂੰ ਨੇਰਵਾ ਹਸਪਤਾਲ ਪਹੁੰਚਾਇਆ ਗਿਆ ਪਰ ਉਦੋਂ ਤੱਕ ਉਨ੍ਹਾਂ ਦੀ ਮੌਤ ਹੋ ਚੁੱਕੀ ਸੀ। ਮ੍ਰਿਤਕਾ ਦੀ ਪਚਾਣ ਲੱਕੀ (23) ਪੁੱਤਰ ਨਾਰਾਇਣ ਸਿੰਘ ਠਾਕੁਰ ਪਿੰਡ ਕਨਾਹਲ ਡਾਕਘਰ ਕੇਦੀ ਤਹਿਸੀਲ ਨੇਰੂਵਾ ਜ਼ਿਲ੍ਹਾ ਸ਼ਿਮਲਾ ਵਜੋਂ ਹੋਈ ਹੈ।ਲੱਕੀ ਭਾਰਤੀ ਫੌਜ ਵਿਚ ਤਾਇਨਾਤ ਸੀ। ਇਸ ਤੋਂ ਇਲਾਵਾ ਕਾਲਜ ਵਿਦਿਆਰਥੀ ਅਕਸ਼ੈ (23) ਪੁੱਤਰ ਓਮ ਪ੍ਰਕਾਸ਼ ਨਾਨਟਾ, ਭਰਟੰਰੂ ਡਾਕਘਰ ਪਬਾਹਨ ਤਹਿਸੀਲ ਨੇਰੂਵਾ ਜ਼ਿਲ੍ਹਾ ਸ਼ਿਮਲਾ, ਰਿਤਿਕ (18) ਪੁੱਤਰ ਸੰਤ ਰਾਮ ਸ਼ਰਮਾ ਪਿੰਡ ਤੇ ਡਾਕਘਰ ਪਬਾਹਨ ਤਹਿਸੀਲ ਨੇਰੂਵਾ ਜ਼ਿਲ੍ਹਾ ਸ਼ਿਮਲਾ ਦੀ ਮੌਤ ਹੋ ਗਈ। ਦੋਵੇਂ ਨੇਰਵਾ ਸਕੂਲ ਵਿਚ ਪੜ੍ਹਦੇ ਸਨ। ਚਾਰੋਂ ਮ੍ਰਿਤਕ ਨੌਜਵਾਨਾਂ ਨੂੰ ਪੋਸਟਮਾਰਟਮ ਲਈ ਸਿਵਲ ਹਸਪਤਾਲ ਨੇਰੂਵਾ ਲਿਆਂਦਾ ਗਿਆ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“ਪੰਜਾਬ ਦੀ ਆਹ ਕੁੜੀ ਨੇ ਬੁਲਟ ‘ਤੇ ਘੁੰਮਿਆ ਸਾਰਾ ‘India’, ਹੁਣ ਬੁਲਟ ‘ਤੇ ਚੱਲੀ ਐ ਇੰਗਲੈਂਡ ! “
