ਅਖਿਲ ਭਾਰਤੀ ਅਖਾੜਾ ਪ੍ਰੀਸ਼ਦ ਦੇ ਰਾਸ਼ਟਰੀ ਪ੍ਰਧਾਨ ਮਹੰਤ ਨਰੇਂਦਰ ਗਿਰੀ ਦਾ ਲਗਭਗ ਇੱਕ ਸਾਲ ਤੋਂ ਸੀਲ ਪਿਆ ਕਮਰਾ ਸੀਬੀਆਈ ਨੇ ਖੋਲ੍ਹ ਦਿੱਤਾ। ਹਾਲਾਂਕਿ ਬੰਦ ਕਮਰੇ ‘ਚੋਂ ਕੀ ਨਿਕਲਿਆ, ਇਸ ਬਾਰੇ ਅਧਿਕਾਰਤ ਜਾਣਕਾਰੀ ਨਹੀਂ ਮਿਲ ਸਕੀ ਪਰ ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਮੁਤਾਬਕ ਸੀ.ਬੀ.ਆਈ. ਨੂੰ ਸੀਲ ਕੀਤੇ ਕਮਰੇ ‘ਚੋਂ ਕਰੀਬ ਤਿੰਨ ਕਰੋੜ ਦੀ ਨਕਦੀ, 50 ਕਿਲੋ ਸੋਨਾ, ਜ਼ਮੀਨ ਦੇ ਕਾਗਜ਼, ਬਲਵੀਰ ਗਿਰੀ ਨੂੰ ਕੀਤੀ ਵਸੀਅਤ, ਮਹੰਤ ਦੇ ਗਹਿਣਿਆਂ ਦੀ ਮਾਲਾ, 13 ਕਾਰਤੂਸ ਤੇ ਕਰੀਬ 9 ਕੁਇੰਟਲ ਆਦਿ ਮਿਲੇ ਹਨ, ਜਿਨ੍ਹਾਂ ਨੂੰ ਮਹੰਤ ਬਲਵੀਰ ਗਿਰੀ ਨੂੰ ਸੌਂਪ ਦਿੱਤਾ ਗਿਆ ਹੈ।
ਦੱਸ ਦੇਈਏ ਕਿ ਮਹੰਤ ਨਰਿੰਦਰ ਗਿਰੀ ਦੀ ਪਿਛਲੇਸਾਲ 20 ਸਤੰਬਰ ਨੂੰ ਲਾਸ਼ ਫਾਹੇ ਨਾਲ ਲਟਕਦੀ ਹੋਈ ਮਿਲੀ ਸੀ। ਮਹੰਤ ਦੀ ਮੌਤ ਦੀ ਜਾਂਚ ਸੀਬੀਆਈ ਨੇ ਕੀਤੀ ਅਤੇ ਉਨ੍ਹਾਂ ਦੇ ਸ਼ਿਸ਼ ਰਹੇ ਆਨੰਦ ਗਿਰੀ ਤੇ ਮੰਦਰ ਦੇ ਪੁਜਾਰੀ ਆਧਾ ਪ੍ਰਸਾਦ ਤਿਵਾਰੀ ਤੇ ਉਸ ਦੇ ਪੁੱਤਰ ਨੂੰ ਮਹੰਤ ਦੀ ਖੁਦਕੁਸ਼ੀ ਦਾ ਜ਼ਿੰਮੇਵਾਰ ਠਹਿਰਾਇਆ ਸੀ।
ਇਲਾਹਾਬਾਦ ਹਾਈ ਕੋਰਟ ਦੇ ਨਿਰਦੇਸ਼ਾਂ ‘ਤੇ ਸੀਬੀਆਈ ਵੀਰਵਾਰ ਨੂੰ ਸ਼੍ਰੀਮਥ ਬਾਗਮਬਰੀ ਗੱਦੀ ਪਹੁੰਚੀ। ਉਥੇ ਮਹੰਤ ਨਰਿੰਦਰ ਗਿਰੀ ਦੇ ਉਸ ਕਮਰੇ ਨੂੰ ਖੋਲ੍ਹ ਕੇ ਸਬੂਤਾਂ ਦਾ ਸਰਵੇਖਣ ਕੀਤਾ ਗਿਆ। ਸੀਬੀਆਈ ਟੀਮ ਦੇ ਨਾਲ ਜ਼ਿਲ੍ਹਾ ਪ੍ਰਸ਼ਾਸਨ ਅਤੇ ਪੁਲਿਸ ਦੇ ਅਧਿਕਾਰੀ ਵੀ ਮੌਜੂਦ ਸਨ। ਸਾਰੀ ਕਾਰਵਾਈ ਦੌਰਾਨ ਸੀਬੀਆਈ ਦੀ ਟੀਮ ਨੇ ਸੁਰੱਖਿਆ ਦੇ ਪੁਖ਼ਤਾ ਇੰਤਜ਼ਾਮ ਰੱਖੇ ਹੋਏ ਸਨ। ਮੱਠ ਦਾ ਗੇਟ ਬੰਦ ਕਰ ਦਿੱਤਾ ਗਿਆ ਅਤੇ ਮੀਡੀਆ ਕਰਮਚਾਰੀਆਂ ਨੂੰ ਵੀ ਇਸ ਤੋਂ ਦੂਰ ਰੱਖਿਆ ਗਿਆ।
ਇਸ ਦੌਰਾਨ, ਮੱਠ ਵਿੱਚ ਆਵਾਜਾਈ ਦੀ ਸਖ਼ਤ ਮਨਾਹੀ ਸੀ। ਸੀਬੀਆਈ ਦੀ ਟੀਮ ਨੇ ਸਬੂਤ ਇਕੱਠੇ ਕਰਨ ਦੌਰਾਨ ਮੌਜੂਦ ਚੀਜ਼ਾਂ ਨੂੰ ਪਹਿਲਾਂ ਤਿਆਰ ਕੀਤੀ ਸੂਚੀ ਨਾਲ ਮਿਲਾਇਆ। ਸਬੂਤਾਂ ਨਾਲ ਕਿਸੇ ਤਰ੍ਹਾਂ ਦੀ ਛੇੜਛਾੜ ਕੀਤੇ ਜਾਣ ਦੀ ਵੀ ਜਾਂਚ ਕੀਤੀ ਜਾ ਰਹੀ ਸੀ। ਸੀਬੀਆਈ ਦੇ ਐਡੀਸ਼ਨਲ ਐਸਪੀ ਅਤੇ ਇੰਸਪੈਕਟਰ ਦੇ ਨਾਲ ਬੈਂਕ ਦੇ ਅਧਿਕਾਰੀ ਅਤੇ ਰਜਿਸਟਰਾਰ ਵੀ ਅੰਦਰ ਗਏ।
ਇਹ ਵੀ ਪੜ੍ਹੋ : LIT ‘ਤੇ ਵਿਜੀਲੈਂਸ ਦਾ ਐਕਸ਼ਨ, ਫਰਜ਼ੀ ਰਿਪੋਰਟ ਤਿਆਰ ਕਰਨ ਦੇ ਦੋਸ਼ ‘ਚ XEN, JE ਸਣੇ 4 ਗ੍ਰਿਫਤਾਰ
ਮੱਠ ਦੇ ਮੌਜੂਦਾ ਉੱਤਰਾਧਿਕਾਰੀ ਬਲਬੀਰ ਗਿਰੀ ਨੇ ਇਲਾਹਾਬਾਦ ਹਾਈ ਕੋਰਟ ਵਿੱਚ ਪਟੀਸ਼ਨ ਦਾਇਰ ਕਰਕੇ ਮਹੰਤ ਨਰਿੰਦਰ ਗਿਰੀ ਦਾ ਸਿਵਲ ਰੂਮ ਖੋਲ੍ਹਣ ਦੀ ਅਪੀਲ ਕੀਤੀ ਸੀ। ਇਸ ‘ਤੇ ਅਦਾਲਤ ਨੇ ਸੀ.ਬੀ.ਆਈ. ਨੂੰ ਨਿਰਦੇਸ਼ ਦਿੱਤੇ। ਸ਼੍ਰੀ ਮੱਠ ਪੁੱਜੀ ਸੀਬੀਆਈ ਦੀ ਟੀਮ ਰਾਤ ਕਰੀਬ ਅੱਠ ਵਜੇ ਤੱਕ ਅੰਦਰ ਹੀ ਰਹੀ।
ਮਾਹਿਰਾਂ ਦਾ ਮੰਨਣਾ ਹੈ ਕਿ ਅਖਿਲ ਭਾਰਤੀ ਅਖਾੜਾ ਪ੍ਰੀਸ਼ਦ ਦੇ ਰਾਸ਼ਟਰੀ ਪ੍ਰਧਾਨ ਮਹੰਤ ਨਰਿੰਦਰ ਗਿਰੀ ਕੋਲ ਕਰੋੜਾਂ ਦੀ ਚੱਲ ਅਤੇ ਅਚੱਲ ਜਾਇਦਾਦ ਹੈ। ਇਸ ਦੇ ਨਾਲ ਹੀ ਵੱਖ-ਵੱਖ ਥਾਵਾਂ ‘ਤੇ ਅਖਾੜਿਆਂ ਅਤੇ ਮੱਠਾਂ ਦੀਆਂ ਜਾਇਦਾਦਾਂ ਸਨ।
ਵੀਡੀਓ ਲਈ ਕਲਿੱਕ ਕਰੋ -:
“ਮੂਸੇਵਾਲਾ ਦੀ ਮੌਤ ਤੇ ਰੋਇਆ ਸੀ ਪੂਰਾ ਕਸ਼ਮੀਰ ! ਇਹਨਾਂ ਦੇ ਦਿਲਾਂ ‘ਚ ਪੰਜਾਬੀਆਂ ਪ੍ਰਤੀ ਪਿਆਰ ਦੇਖ ਹੋ ਜਾਓਂਗੇ ਹੈਰਾਨ ! “
