ਇੰਡੋਨੇਸ਼ੀਆ ਦੇ ਮਾਊਂਟ ਰੁਆਂਗ ‘ਚ 17 ਅਪ੍ਰੈਲ ਤੋਂ ਲਗਾਤਾਰ ਜਵਾਲਾਮੁਖੀ ਫਟਣ ਦੀ ਘਟਨਾ ਵਾਪਰ ਰਹੀ ਹੈ। ਜਵਾਲਾਮੁਖੀ ਨੂੰ ਦੇਖਣ ਲਈ ਦੂਰ-ਦੂਰ ਤੋਂ ਸੈਲਾਨੀ ਆ ਰਹੇ ਹਨ। ਇਸ ਦੌਰਾਨ ਸੋਮਵਾਰ (22 ਅਪ੍ਰੈਲ) ਨੂੰ ਜਵਾਲਾਮੁਖੀ ਨੂੰ ਦੇਖਦੇ ਹੋਏ ਇਕ ਚੀਨੀ ਔਰਤ ਦੀ ਮੌਤ ਹੋ ਗਈ।
ਰਿਪੋਰਟ ਮੁਤਾਬਕ ਚੀਨੀ ਔਰਤ ਸੂਰਜ ਚੜ੍ਹਨ ਵੇਲੇ ਜਵਾਲਾਮੁਖੀ ਨੂੰ ਦੇਖਣ ਲਈ ਇਜੇਨ ਕ੍ਰੇਟਰ ਦੇ ਕੰਢੇ ‘ਤੇ ਚੜ੍ਹੀ ਸੀ। ਇਜੇਨ ਕ੍ਰੇਟਰ ਇੱਕ ਪਹਾੜ ਹੈ, ਜਿੱਥੋਂ ਜਵਾਲਾਮੁਖੀ ਸਾਫ਼ ਦਿਖਾਈ ਦਿੰਦਾ ਹੈ। ਇਸ ਪਹਾੜ ਨੂੰ ਦੁਨੀਆ ਭਰ ‘ਚ ‘ਬਲੂ ਫਾਇਰ’ ਦੇ ਨਾਂ ਨਾਲ ਜਾਣਿਆ ਜਾਂਦਾ ਹੈ।
ਪੁਲਿਸ ਮੁਤਾਬਕ 31 ਸਾਲਾ ਔਰਤ ਦਾ ਨਾਂ ਹੁਆਂਗ ਲਿਹੋਂਗ ਸੀ ਜੋ ਚੀਨ ਤੋਂ ਇੰਡੋਨੇਸ਼ੀਆ ਘੁੰਮਣ ਆਈ ਸੀ। ਉਹ ਜਵਾਲਾਮੁਖੀ ਦੀਆਂ ਕੁਝ ਫੋਟੋਆਂ ਖਿੱਚ ਕਰ ਰਹੀ ਸੀ, ਜਦੋਂ ਉਸ ਦਾ ਪੈਰ ਉਸੇ ਦੇ ਕੱਪੜਿਆਂ ਵਿਚ ਫਸ ਗਿਆ। ਉਹ ਆਪਣੇ ਕੱਪੜੇ ਠੀਕ ਕਰ ਰਹੀ ਸੀ ਕਿ ਉਸ ਦਾ ਸੰਤੁਲਨ ਵਿਗੜ ਗਿਆ ਅਤੇ ਉਹ ਚੱਟਾਨ ਤੋਂ ਡਿੱਗ ਗਈ।
ਹੁਆਂਗ ਲਿਹੋਂਗ ਆਪਣੇ ਪਤੀ ਝਾਂਗ ਯੋਂਗ ਨਾਲ ਆਈ ਸੀ। ਸ਼ੁਰੂਆਤੀ ਜਾਂਚ ਤੋਂ ਪਤਾ ਲੱਗਾ ਹੈ ਕਿ ਹੁਆਂਗ ਦੀ ਮੌਤ ਇਜੇਨ ਕ੍ਰੇਟਰ ਪਹਾੜ ਤੋਂ 75 ਮੀਟਰ ਦੀ ਉਚਾਈ ਤੋਂ ਡਿੱਗਣ ਨਾਲ ਹੋਈ ਸੀ। ਉਸ ਦੇ ਨਾਲ ਆਏ ਟੂਰ ਗਾਈਡ ਨੇ ਦੱਸਿਆ ਕਿ ਉਸ ਨੇ ਔਰਤ ਨੂੰ ਕਈ ਵਾਰ ਚਿਤਾਵਨੀ ਦਿੱਤੀ ਸੀ ਅਤੇ ਪਹਾੜ ਦੇ ਕੰਢੇ ਤੋਂ 2 ਤੋਂ 3 ਮੀਟਰ ਦੀ ਦੂਰੀ ਬਣਾਈ ਰੱਖਣ ਲਈ ਵੀ ਕਿਹਾ ਸੀ, ਪਰ ਔਰਤ ਨੇ ਉਸਦੀ ਇੱਕ ਨਾ ਸੁਣੀ।
ਉਹ ਇੱਕ ਦਰੱਖਤ ਕੋਲ ਜਾ ਕੇ ਫੋਟੋਆਂ ਖਿੱਚਣ ਲੱਗੀ। ਫਿਰ ਉਸ ਦੀ ਲੱਤ ਉਸ ਦੇ ਕੱਪੜਿਆਂ ਵਿੱਚ ਫਸ ਗਈ ਅਤੇ ਉਹ ਡਿੱਗ ਗਈ। ਹੁਣ ਤੱਕ ਇਸ ਗੱਲ ਦਾ ਖੁਲਾਸਾ ਨਹੀਂ ਹੋਇਆ ਹੈ ਕਿ ਔਰਤ ਨੇ ਸਕਰਟ ਪਹਿਨੀ ਹੋਈ ਸੀ ਜਾਂ ਲੰਬੀ ਡਰੈੱਸ।
ਇਹ ਵੀ ਪੜ੍ਹੋ : ‘ਮੇਰੀ ਮਾਂ ਦਾ ਮੰਗਲਸੂਤਰ ਦੇਸ਼ ਲਈ ਕੁਰਬਾਨ ਹੋਇਆ…’, ਪ੍ਰਿਯੰਕਾ ਗਾਂਧੀ ਨੇ ਸੁਣਾਈਆਂ ਖਰੀਆਂ-ਖਰੀਆਂ
ਦੱਸ ਦੇਈਏ ਕਿ ਇੰਡੋਨੇਸ਼ੀਆ ਵਿੱਚ ਆਫ਼ਤ ਕੇਂਦਰ ਅਲਰਟ ਮੋਡ ‘ਤੇ ਹੈ। ਆਫ਼ਤ ਪ੍ਰਬੰਧਨ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਮਾਊਂਟ ਰੁਆਂਗ ਨੇੜੇ ਹਾਲ ਹੀ ਵਿੱਚ ਦੋ ਭੂਚਾਲ ਆਏ ਸਨ। ਇਸਦੇ ਕਾਰਨ, ਟੈਕਟੋਨਿਕ ਪਲੇਟਾਂ ਅਸਥਿਰ ਹੋ ਗਈਆਂ, ਜਿਸ ਕਾਰਨ ਜਵਾਲਾਮੁਖੀ ਫਟਿਆ।
ਅਧਿਕਾਰੀਆਂ ਨੇ ਦੱਸਿਆ ਕਿ ਲੋਕਾਂ ਨੂੰ ਬਚਾਉਣ ਲਈ 20 ਬਚਾਅ ਕਰਮਚਾਰੀ ਤਾਇਨਾਤ ਕੀਤੇ ਗਏ ਹਨ। ਇੰਡੋਨੇਸ਼ੀਆ ਦੀ ਜਵਾਲਾਮੁਖੀ ਏਜੰਸੀ ਨੇ ਖਤਰੇ ਨੂੰ ਦੇਖਦੇ ਹੋਏ ਲੈਵਲ 4 ਦੀ ਚਿਤਾਵਨੀ ਜਾਰੀ ਕੀਤੀ ਸੀ। ਇਸ ਤੋਂ ਇਲਾਵਾ ਜਵਾਲਾਮੁਖੀ ਦੇ ਨੇੜੇ 6 ਕਿਲੋਮੀਟਰ ਖੇਤਰ ਨੂੰ ਵਿਸ਼ੇਸ਼ ਜ਼ੋਨ ਐਲਾਨਿਆ ਗਿਆ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
