ਚੀਨ ‘ਚ ਕੋਰੋਨਾ ਦੀ ਨਵੀਂ ਲਹਿਰ ਆ ਗਈ ਹੈ। ਕੋਰੋਨਾ ਦੇ XBB ਵੇਰੀਐਂਟ ਤੋਂ ਬਚਣ ਲਈ ਚੀਨ ਤੇਜ਼ੀ ਨਾਲ ਵੈਕਸੀਨ ਬਣਾਉਣ ‘ਚ ਲੱਗਾ ਹੋਇਆ ਹੈ। ਨਵੀਂ ਲਹਿਰ ਦੇ ਕਾਰਨ, ਜੂਨ ਦੇ ਅੰਤ ਤੱਕ, ਚੀਨ ਵਿੱਚ ਹਰ ਹਫ਼ਤੇ ਕੋਰੋਨਾ ਦੇ 65 ਮਿਲੀਅਨ ਤੋਂ ਵੱਧ ਮਾਮਲੇ ਸਾਹਮਣੇ ਆ ਸਕਦੇ ਹਨ। ਇਹ ਦਾਅਵਾ ਚੀਨ ਦੇ ਮਹਾਂਮਾਰੀ ਵਿਗਿਆਨੀ ਝੋਂਗ ਨੈਨਸ਼ਨ ਨੇ ਗੁਆਂਗਡੋਂਗ ਸੂਬੇ ਦੇ ਗੁਆਂਗਜ਼ੂ ਵਿੱਚ ਚੱਲ ਰਹੇ 2023 ਗ੍ਰੇਟਰ ਬੇ ਏਰੀਆ ਸਾਇੰਸ ਫੋਰਮ ਵਿੱਚ ਕੀਤਾ ਹੈ।
ਝੋਂਗ ਨੈਨਸ਼ਨ ਨੇ ਦੱਸਿਆ ਕਿ ਚੀਨ ਇਸ ਵੇਰੀਐਂਟ ਨਾਲ ਨਜਿੱਠਣ ਲਈ 2 ਨਵੇਂ ਟੀਕਿਆਂ ‘ਤੇ ਕੰਮ ਕਰ ਰਿਹਾ ਹੈ। ਨੈਨਸ਼ਨ ਨੇ ਸਮਝਾਇਆ ਕਿ XBB ਓਮਿਕਰੋਨ ਦਾ ਇੱਕ ਰੂਪ ਹੈ। ਮਾਹਰ ਪਹਿਲਾਂ ਹੀ ਅਪ੍ਰੈਲ ਦੇ ਅਖੀਰ ਅਤੇ ਮਈ ਦੇ ਸ਼ੁਰੂ ਵਿੱਚ ਕੋਰੋਨਾ ਦੀ ਇੱਕ ਛੋਟੀ ਲਹਿਰ ਦੀ ਉਮੀਦ ਕਰ ਰਹੇ ਸਨ। ਅੰਦਾਜ਼ੇ ਮੁਤਾਬਕ ਮਈ ਦੇ ਅੰਤ ਤੱਕ ਚੀਨ ‘ਚ ਇਸ ਵੇਰੀਐਂਟ ਕਾਰਨ ਹਰ ਹਫਤੇ ਕਰੀਬ 4 ਕਰੋੜ ਕੇਸ ਆਉਣਗੇ। ਇਸ ਤੋਂ ਬਾਅਦ ਜੂਨ ‘ਚ ਮਾਮਲੇ ਸਿਖਰ ‘ਤੇ ਹੋਣਗੇ।
ਚਾਈਨਾ ਸੈਂਟਰ ਫਾਰ ਡਿਜ਼ੀਜ਼ ਕੰਟਰੋਲ ਐਂਡ ਪ੍ਰੀਵੈਂਸ਼ਨ ਦੇ ਅਨੁਸਾਰ, XBB ਮਿਊਟੈਂਟ ਦੀ ਲਾਗ ਦਰ ਫਰਵਰੀ ਵਿੱਚ 0.2% ਤੋਂ ਵਧ ਕੇ ਅਪ੍ਰੈਲ ਦੇ ਅਖੀਰ ਵਿੱਚ 74.4% ਅਤੇ ਫਿਰ ਮਈ ਦੇ ਸ਼ੁਰੂ ਵਿੱਚ 83.6% ਹੋ ਗਈ ਹੈ। ਨੈਨਸ਼ਨ ਨੇ ਕਿਹਾ- ਕੋਰੋਨਾ ਦੀ ਇਹ ਨਵੀਂ ਲਹਿਰ ਪਿਛਲੇ ਸਾਲ ਦੇ ਅੰਤ ‘ਚ ਆਈ ਲਹਿਰ ਨਾਲੋਂ ਜ਼ਿਆਦਾ ਖਤਰਨਾਕ ਹੋਵੇਗੀ ਅਤੇ ਇਨਫੈਕਸ਼ਨ ਵੀ ਤੇਜ਼ੀ ਨਾਲ ਫੈਲੇਗੀ। ਇਸ ਨੂੰ ਦੇਖਦੇ ਹੋਏ ਸਰਕਾਰ ਨੇ 2 ਨਵੇਂ ਟੀਕਿਆਂ ਨੂੰ ਮਨਜ਼ੂਰੀ ਦਿੱਤੀ ਹੈ। ਇਹ ਜਲਦੀ ਹੀ ਬਾਜ਼ਾਰ ‘ਚ ਉਪਲਬਧ ਹੋਣਗੇ। ਇਸ ਤੋਂ ਇਲਾਵਾ 3-4 ਹੋਰ ਟੀਕਿਆਂ ਦੀ ਜਾਂਚ ਚੱਲ ਰਹੀ ਹੈ।
ਇਹ ਵੀ ਪੜ੍ਹੋ : ਤਿਹਾੜ ਜੇਲ੍ਹ ਦੇ ਵਾਸ਼ਰੂਮ ‘ਚ ਡਿੱਗੇ ਸਤਿੰਦਰ ਜੈਨ, ਦੀਨਦਿਆਲ ਤੋਂ LNJP ਹਸਪਤਾਲ ‘ਚ ਕੀਤਾ ਸ਼ਿਫਟ
ਮਾਹਿਰਾਂ ਮੁਤਾਬਕ ਚੀਨ ਜ਼ਿਆਦਾ ਪ੍ਰਭਾਵੀ ਟੀਕੇ ਬਣਾਉਣ ‘ਚ ਦੂਜੇ ਦੇਸ਼ਾਂ ਤੋਂ ਅੱਗੇ ਹੈ। ਦੂਜੇ ਪਾਸੇ, WHO ਦੇ ਇੱਕ ਸਲਾਹਕਾਰ ਸਮੂਹ ਨੇ ਸਾਰੇ ਦੇਸ਼ਾਂ ਨੂੰ XBB ਵੇਰੀਐਂਟ ਦੇ ਅਨੁਸਾਰ ਕੋਰੋਨਾ ਦੀ ਬੂਸਟਰ ਵੈਕਸੀਨ ਤਿਆਰ ਕਰਨ ਦੀ ਸਲਾਹ ਦਿੱਤੀ ਹੈ। WHO ਨੇ ਕਿਹਾ- ਨਵੀਂ ਵੈਕਸੀਨ ਨੂੰ ਇਸ ਤਰ੍ਹਾਂ ਬਣਾਇਆ ਜਾਣਾ ਚਾਹੀਦਾ ਹੈ ਕਿ ਇਹ XBB.1.5 ਅਤੇ XBB.1.16 ਵੇਰੀਐਂਟਸ ਦਾ ਮੁਕਾਬਲਾ ਕਰਨ ਲਈ ਐਂਟੀਬਾਡੀਜ਼ ਬਣਾ ਸਕੇ।
ਪੇਕਿੰਗ ਯੂਨੀਵਰਸਿਟੀ ਫਸਟ ਹਸਪਤਾਲ ਦੇ ਮਾਹਿਰ ਵੈਂਗ ਗੁਆਂਗਫਾ ਨੇ ਦੱਸਿਆ ਕਿ ਇਸ ਲਹਿਰ ਨੂੰ ਲੈ ਕੇ ਜ਼ਿਆਦਾ ਚਿੰਤਾ ਨਹੀਂ ਹੈ। ਇਸ ਦੇ ਲੱਛਣ ਮਾਮੂਲੀ ਹੋਣਗੇ ਅਤੇ ਹਸਪਤਾਲਾਂ ਵਿੱਚ ਮਰੀਜ਼ਾਂ ਦੀ ਗਿਣਤੀ ਵਿੱਚ ਬਹੁਤਾ ਵਾਧਾ ਨਹੀਂ ਹੋਵੇਗਾ। ਹਾਲਾਂਕਿ, ਜਿਨ੍ਹਾਂ ਲੋਕਾਂ ਦੀ ਇਮਿਊਨਿਟੀ ਹਫ਼ਤਾ ਹੈ ਜਾਂ ਜੋ ਪਹਿਲਾਂ ਹੀ ਕਿਸੇ ਬਿਮਾਰੀ ਦਾ ਸਾਹਮਣਾ ਕਰ ਰਹੇ ਹਨ, ਉਨ੍ਹਾਂ ਨੂੰ ਸਾਵਧਾਨ ਰਹਿਣ ਦੀ ਲੋੜ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“ਦੌੜ ‘ਚ ਤੂਫਾਨ ਵਾਂਗ ਧੱਕ ਪਾਉਣ ਵਾਲਾ athlete, ਈ-ਰਿਕਸ਼ਾ ਚਲਾਉਣ ਲਈ ਹੋਇਆ ਮਜ਼ਬੂਰ, CM Mann ਤੱਕ ਪਹੁੰਚਾ ਦਿਓ”
