ਹੈਦਰਾਬਾਦ ਦੇ ਬਾਗ ਅੰਬਰਪੇਟ ਇਲਾਕੇ ‘ਚ ਦਿਲ ਦਹਿਲਾ ਦੇਣ ਵਾਲੀ ਘਟਨਾ ਸਾਹਮਣੇ ਆਈ ਹੈ। ਇਥੇ ਬੀਤੇ ਐਤਵਾਰ ਨੂੰ ਆਵਾਰਾ ਕੁੱਤਿਆਂ ਨੇ ਸੜਕ ‘ਤੇ ਜਾ ਰਹੇ 4 ਸਾਲਾ ਮਾਸੂਮ ਬੱਚੇ ਨੂੰ ਨੋਚ-ਨੋਚ ਕੇ ਮਾਰ ਦਿੱਤਾ। 6 ਕੁੱਤਿਆਂ ਨੇ ਮਾਸੂਮ ਨੂੰ ਮਰਨ ਤੱਕ ਰਗੜਿਆ। ਇਸ ‘ਤੋਂ ਬਾਅਦ ਕੁੱਤੇ ਉਸ ਨੂੰ ਖੜੀ ਕਾਰ ਹੇਠਾਂ ਖਿੱਚ ਕੇ ਲੈ ਗਏ। ਇਹ ਸਾਰੀ ਘਟਨਾ ਉੱਥੇ ਲੱਗੇ CCTV ਵਿੱਚ ਕੈਦ ਹੋ ਗਈ ਹੈ।
ਸੂਚਨਾ ਮੁਤਾਬਕ ਜਿਸ ਮਾਸੂਮ ਨੂੰ ਕੁੱਤਿਆਂ ਨੇ ਆਪਣਾ ਸ਼ਿਕਾਰ ਬਣਾਇਆ, ਉਸ ਦਾ ਨਾਂ ਪ੍ਰਦੀਪ ਸੀ। ਉਹ ਗੰਗਾਧਰ ਦਾ ਪੁੱਤਰ ਸੀ, ਜੋ ਏਰੂਕੁਲਾ ਕਸਬੇ ਵਿੱਚ ਰਹਿੰਦਾ ਸੀ।ਗੰਗਾਧਰ ਚਾਰ ਸਾਲ ਪਹਿਲਾਂ ਆਪਣੀ ਪਤਨੀ ਅਤੇ ਦੋ ਬੱਚਿਆਂ ਨਾਲ ਕੰਮ ਲਈ ਹੈਦਰਾਬਾਦ ਆਇਆ ਸੀ। ਉਹ ਅੰਬਰਪੇਟ ਵਿੱਚ ਇੱਕ ਕਾਰ ਸੇਵਾ ਕੇਂਦਰ ਵਿੱਚ ਸੁਰੱਖਿਆ ਗਾਰਡ ਵੱਜੋਂ ਤਾਇਨਾਤ ਹੈ। ਗੰਗਾਧਰ ਐਤਵਾਰ ਨੂੰ ਕੰਮ ‘ਤੇ ਪ੍ਰਦੀਪ ਨੂੰ ਆਪਣੇ ਨਾਲ ਲੈ ਕੇ ਆਇਆ ਸੀ। ਪੁੱਤਰ ਨੂੰ ਕੈਬਿਨ ਵਿੱਚ ਛੱਡ ਕੇ ਗੰਗਾਧਰ ਕੰਮ ਲਈ ਬਾਹਰ ਚਲਾ ਗਿਆ।
ਜਾਣਕਾਰੀ ਅਨੁਸਾਰ ਥੋੜ੍ਹੀ ਦੇਰ ਬਾਅਦ ਜਦੋਂ ਪ੍ਰਦੀਪ ਕੈਬਿਨ ‘ਚੋਂ ਬਾਹਰ ਨਿਕਲ ਕੇ ਪਾਰਕਿੰਗ ‘ਚ ਇਕੱਲਾ ਘੁੰਮ ਰਿਹਾ ਸੀ ਤਾਂ ਉਸ ‘ਤੇ 3 ਆਵਾਰਾ ਕੁੱਤਿਆਂ ਨੇ ਹਮਲਾ ਕਰ ਦਿੱਤਾ। ਮਾਸੂਮ ਪ੍ਰਦੀਪ ਦੇ ਠਾਂ ਡਿੱਗਣ ਤੋਂ ਬਾਅਦ 3 ਹੋਰ ਛੋਟੇ ਕੁੱਤੇ ਆ ਗਏ। ਇਨ੍ਹਾਂ ਕੁੱਤਿਆਂ ਨੇ ਪ੍ਰਦੀਪ ਨੂੰ ਨੋਚਣਾ ਸ਼ੁਰੂ ਕਰ ਦਿੱਤਾ। ਕੁੱਤਿਆਂ ਦੇ ਹਮਲੇ ਤੋਂ ਘਬਰਾ ਕੇ ਮਾਸੂਮ ਨੇ ਰੋਣਾ ਸ਼ੁਰੂ ਕਰ ਦਿੱਤਾ ਪਰ ਕੋਈ ਵੀ ਉਸ ਦੀ ਮਦਦ ਲਈ ਨਹੀਂ ਆਇਆ। ਕੁੱਤੇ ਉਸ ਨੂੰ ਗਰਦਨ ਅਤੇ ਲੱਤਾਂ ਤੋਂ ਖਿੱਚਣ ਲੱਗੇ।
ਇਹ ਵੀ ਪੜ੍ਹੋ : ਮੋਗਾ ‘ਚ ਪੁਰਾਣੇ ਟਾਇਰਾਂ ਦੇ ਗੋਦਾਮ ‘ਚ ਲੱਗੀ ਭਿਆਨਕ ਅੱਗ, ਫਾਇਰ ਬ੍ਰਿਗੇਡ ਨੇ ਪਾਇਆ ਕਾਬੂ
ਇਸ ਹਮਲੇ ਕਾਰਨ ਮਾਸੂਮ ਬੇਹੋਸ਼ ਹੋ ਗਿਆ। ਘਟਨਾ ‘ਤੋਂ ਬਾਅਦ ਜਦੋਂ ਲੋਕਾਂ ਨੇ ਬੱਚੇ ਦੀ ਤਲਾਸ਼ ਕੀਤੀ ‘ਤਾਂ ਖੂਨ ਨਾਲ ਲੱਥਪੱਥ 4 ਸਾਲਾਂ ਮਾਸੂਮ ਬੇਹੋਸ਼ ਡਿੱਗਿਆ ਮਿਲਿਆ। ਉਸ ਨੂੰ ਤੁਰੰਤ ਨੇੜੇ ਦੇ ਹਸਪਤਾਲ ‘ਚ ਭਰਤੀ ਕਰਵਾਇਆ ਗਿਆ। ਪਰ ਇਲਾਜ਼ ਦੌਰਾਨ ਬੱਚੇ ਦੀ ਮੌਤ ਹੋ ਗਈ। ਪੁਲਿਸ ਨੇ ਘਟਨਾ ਸਬੰਧੀ ਮਾਮਲਾ ਦਰਜ਼ ਕਰ ਲਿਆ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“ਪੰਜਾਬ ਦੀ ਆਹ ਕੁੜੀ ਨੇ ਬੁਲਟ ‘ਤੇ ਘੁੰਮਿਆ ਸਾਰਾ ‘India’, ਹੁਣ ਬੁਲਟ ‘ਤੇ ਚੱਲੀ ਐ ਇੰਗਲੈਂਡ ! “
