ਇੰਟਰਨੈਸ਼ਨਲ ਸ਼ੂਟਿੰਗ ਸਪੋਰਟਸ ਫੈਡਰੇਸ਼ਨ (ISSF) ਵਿਸ਼ਵ ਕੱਪ ਦੇ ਪੰਜਵੇਂ ਦਿਨ 50 ਮੀਟਰ ਰਾਈਫਲ 3 ਪੋਜੀਸ਼ਨ ਮਹਿਲਾ ਅਤੇ 25 ਮੀਟਰ ਰੈਪਿਡ ਫਾਇਰ ਪਿਸਟਲ ਪੁਰਸ਼ਾਂ ਦੇ ਮੁਕਾਬਲੇ ਹੋਏ। ਇਸ ਮੁਕਾਬਲੇ ਵਿੱਚ ਕੁੱਲ 38 ਖਿਡਾਰੀਆਂ ਨੇ ਭਾਗ ਲਿਆ। ਦੁਨੀਆ ਭਰ ਦੇ 68 ਖਿਡਾਰੀਆਂ ਸਮੇਤ ਨੌਂ ਭਾਰਤੀਆਂ ਨੇ ਐਤਵਾਰ ਨੂੰ ਦੋਵਾਂ ਗੇੜਾਂ ਵਿੱਚ ਸ਼ੂਟ ਕੀਤਾ। ਆਖਰੀ ਦਿਨ ਭਾਰਤ ਦੇ ਖਾਤੇ ‘ਚ ਕਾਂਸੀ ਦਾ ਤਮਗਾ ਆਇਆ। ਭਾਰਤ ਦੀ ਸਿਫ਼ਤ ਕੌਰ ਸਮਰਾ ਨੇ ਇਹ ਤਗ਼ਮਾ ਜਿੱਤਿਆ।
ਸਿਫ਼ਤ ਕੌਰ ਸਮਰਾ ਨੇ ਰੈਂਕਿੰਗ ਮੈਚ ਵਿੱਚ ਕੁੱਲ 403.9 ਅੰਕ ਬਣਾਏ। ਸਮਰਾ ਨੇ ਨਿਲਿੰਗ ਵਿੱਚ 102.2, ਪ੍ਰੋਨ ਵਿੱਚ 103.4 ਅਤੇ ਸਟੈਂਡਿੰਗ ਵਿੱਚ 198.3 ਸਕੋਰ ਕੀਤੇ। ਈਵੈਂਟ ਦੇ ਫਾਈਨਲ ਮੈਚ ਵਿੱਚ ਚੀਨ ਦੀ ਝਾਂਗ ਕਿਆਂਗਯੂ ਨੇ ਸੋਨ ਅਤੇ ਚੈੱਕ ਗਣਰਾਜ ਦੀ ਅਨੇਤਾ ਬਾਰਬਾਕੋਵਾ ਨੇ ਚਾਂਦੀ ਦਾ ਤਗ਼ਮਾ ਜਿੱਤਿਆ। ਮਨੂ ਭਾਕਰ ਨੇ ਸ਼ਨੀਵਾਰ ਨੂੰ 25 ਮੀਟਰ ਪਿਸਟਲ ਮਹਿਲਾ ਫਾਈਨਲ ‘ਚ ਭਾਰਤ ਨੂੰ ਕਾਂਸੀ ਦਾ ਤਮਗਾ ਦਿਵਾਇਆ।
ਇਹ ਵੀ ਪੜ੍ਹੋ : ਸਰਕਾਰ ਨੇ ਪਾਨ-ਮਸਾਲਾ ਅਤੇ ਹੋਰ ਤੰਬਾਕੂ ਉਤਪਾਦਾਂ ‘ਤੇ GST ਸੈੱਸ ਦੀ ਅਧਿਕਤਮ ਦਰ ਕੀਤੀ ਤੈਅ
ਵਿਸ਼ਵ ਕੱਪ ਵਿੱਚ ਭਾਰਤ ਦੇ ਮੈਡਲਾਂ ਦੀ ਗਿਣਤੀ 7 ਹੈ, ਜਿਸ ਵਿੱਚ 1 ਸੋਨ, 1 ਚਾਂਦੀ ਅਤੇ 5 ਕਾਂਸੀ ਦੇ ਤਗਮੇ ਸ਼ਾਮਲ ਹਨ। ਭਾਰਤ, 50 ਮੀਟਰ ਰਾਈਫਲ 3 ਪੁਜ਼ੀਸ਼ਨਾਂ ਔਰਤਾਂ ਅਤੇ 25 ਮੀਟਰ ਰੈਪਿਡ ਫਾਇਰ ਪਿਸਟਲ ਪੁਰਸ਼ਾਂ ਵਿੱਚ ਭਾਰਤ, ਸ਼੍ਰੀਲੰਕਾ, ਮੈਕਸੀਕੋ, ਕੋਰੀਆ, ਕਜ਼ਾਕਿਸਤਾਨ, ਬੰਗਲਾਦੇਸ਼, ਜਾਪਾਨ, ਹੰਗਰੀ, ਸਵਿਟਜ਼ਰਲੈਂਡ, ਅਮਰੀਕਾ, ਡੈਨਮਾਰਕ, ਚੈਕੀਆ, ਇਜ਼ਰਾਈਲ ਦੇ ਖਿਡਾਰੀਆਂ ਵਿੱਚ ਕੁੱਲ ਤਮਗਾ ਸੂਚੀ ਵਿੱਚ ਚੀਨ ਤੋਂ ਬਾਅਦ ਦੂਜੇ ਸਥਾਨ ‘ਤੇ ਰਿਹਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“ਪੰਜਾਬ ਦੀ ਆਹ ਕੁੜੀ ਨੇ ਬੁਲਟ ‘ਤੇ ਘੁੰਮਿਆ ਸਾਰਾ ‘India’, ਹੁਣ ਬੁਲਟ ‘ਤੇ ਚੱਲੀ ਐ ਇੰਗਲੈਂਡ ! “
