ਕਰਨਾਟਕ ਵਿਧਾਨ ਸਭਾ ਚੋਣਾਂ ਦੇ ਪ੍ਰਚਾਰ ਲਈ ਅੱਜ ਬੈਂਗਲੁਰੂ ‘ਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ 10 ਕਿਲੋਮੀਟਰ ਲੰਬਾ ਮੈਗਾ ਰੋਡ ਸ਼ੋਅ ਸ਼ੁਰੂ ਹੋ ਗਿਆ ਹੈ। ਇਹ ਮੈਗਾ ਰੋਡ ਸ਼ੋਅ ਕੈਂਪੇਗੌੜਾ ਸਟੈਚੂ ਤੋਂ ਸ਼ੁਰੂ ਹੋ ਕੇ ਟ੍ਰਿਨਿਟੀ ਸਰਕਲ ਅਤੇ ਐਮਜੀ ਰੋਡ ਤੱਕ ਜਾਵੇਗਾ। ਲੋਕ ਮੋਦੀ ਦੇ ਨਾਅਰੇ ਲਗਾ ਰਹੇ ਹਨ। ਇਸ ਤੋਂ ਬਾਅਦ ਦੁਪਹਿਰ ਇੱਕ ਵਜੇ ਉਹ ਸ਼ਿਵਮੋਗਾ ਵਿੱਚ ਇੱਕ ਜਨ ਸਭਾ ਨੂੰ ਵੀ ਸੰਬੋਧਨ ਕਰਨਗੇ, ਇੱਕ ਸ਼ਿਵਮੋਗਾ ਗ੍ਰਾਮੀਣ ਅਤੇ ਦੂਜੀ ਨੰਜਨਗੁੜ ਵਿੱਚ।
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਸ਼ਿਵ ਦੇ ਦਰਸ਼ਨ ਨਾਲ ਕਰਨਾਟਕ ਚੋਣ ਪ੍ਰਚਾਰ ਦੀ ਸਮਾਪਤੀ ਕਰਨਗੇ। ਉਹ ਸ਼ਾਮ 4.45 ਵਜੇ ਮੈਸੂਰ ਦੇ ਨੰਜਾਨਗੁਡੂ ਸਥਿਤ ਸ਼੍ਰੀ ਕੰਥੇਸ਼ਵਰ ਮੰਦਰ ‘ਚ ਮੱਥਾ ਟੇਕਣਗੇ। ਪਿਛਲੇ ਦਿਨ, PM ਮੋਦੀ ਨੇ ਸ਼ਹਿਰ ਵਿੱਚ 26 ਕਿਲੋਮੀਟਰ ਦਾ ਰੋਡ ਸ਼ੋਅ ਕੀਤਾ ਅਤੇ ਦੱਖਣੀ ਬੈਂਗਲੁਰੂ ਦੇ ਜ਼ਿਆਦਾਤਰ ਹਿੱਸਿਆਂ ਨੂੰ ਕਵਰ ਕੀਤਾ। ਰੋਡ ਸ਼ੋਅ ਨੂੰ ਪੂਰਾ ਕਰਨ ਵਿੱਚ ਕਰੀਬ ਸਾਢੇ ਤਿੰਨ ਘੰਟੇ ਲੱਗੇ।
ਇਹ ਵੀ ਪੜ੍ਹੋ : ਜੰਤਰ ਮੰਤਰ ‘ਤੇ ਖਾਪਾਂ ਦੀ ਮਹਾਪੰਚਾਇਤ ਅੱਜ, ਬ੍ਰਿਜਭੂਸ਼ਣ ਬੋਲੇ-‘ਦੋਸ਼ੀ ਪਾਇਆ ਗਿਆ ਤਾਂ ਹੱਤਿਆ ਕਰ ਦੇਣਾ
ਪ੍ਰਧਾਨ ਮੰਤਰੀ ਦੇ ਰੋਡ ਸ਼ੋਅ ਨੂੰ ਦੇਖਦੇ ਹੋਏ ਬੈਂਗਲੁਰੂ ‘ਚ ਸੁਰੱਖਿਆ ਸਖਤ ਕਰ ਦਿੱਤੀ ਗਈ ਹੈ। ਦੱਸ ਦੇਈਏ ਕਿ 224 ਮੈਂਬਰੀ ਕਰਨਾਟਕ ਵਿਧਾਨ ਸਭਾ ਲਈ 10 ਮਈ ਨੂੰ ਵੋਟਾਂ ਪੈਣਗੀਆਂ ਅਤੇ ਵੋਟਾਂ ਦੀ ਗਿਣਤੀ 13 ਮਈ ਨੂੰ ਹੋਵੇਗੀ। ਇਸ ਤੋਂ ਪਹਿਲਾਂ ਸਾਰੀਆਂ ਸਿਆਸੀ ਪਾਰਟੀਆਂ ਚੋਣ ਪ੍ਰਚਾਰ ਵਿੱਚ ਜੁਟੀਆਂ ਹੋਈਆਂ ਹਨ। 8 ਮਈ ਦੀ ਸ਼ਾਮ ਚੋਣ ਪ੍ਰਚਾਰ ਦਾ ਆਖਰੀ ਦਿਨ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“12 ਵੀ ਪਾਸ ਜੱਟ ਨੇ SHARE MARKET ‘ਚ ਪਾਈ ਧੱਕ , ਇੱਕ ਦਿਨ ‘ਚ ਕਮਾ ਲੈਂਦਾ ਲੱਖਾਂ ਰੁਪਏ ! “
