ਏਅਰਲਾਈਨ ਸਪਾਈਸਜੈੱਟ ਨੇ ਆਪਣੀ ਕਾਰਗੋ ਅਤੇ ਲੌਜਿਸਟਿਕ ਡਿਵੀਜ਼ਨ, ਸਪਾਈਸਐਕਸਪ੍ਰੈਸ, ਇੱਕ ਵੱਖਰੀ ਯੂਨਿਟ ਬਣਾਉਣ ਦਾ ਕੰਮ ਪੂਰਾ ਕਰ ਲਿਆ ਹੈ। ਇਹ ਕੰਪਨੀ ਲਈ ਸੁਤੰਤਰ ਤੌਰ ‘ਤੇ ਫੰਡ ਇਕੱਠਾ ਕਰਨ ਦਾ ਰਾਹ ਪੱਧਰਾ ਕਰਦਾ ਹੈ। ਸਪਾਈਸਜੈੱਟ ਨੇ ਆਪਣੇ ਕਾਰਗੋ ਕਾਰੋਬਾਰ ਦੇ ਵਾਧੇ ਦੇ ਨਾਲ-ਨਾਲ ਆਪਣੇ ਗਾਹਕਾਂ ਨੂੰ ਬਿਹਤਰ ਸੇਵਾ ਪ੍ਰਦਾਨ ਕਰਨ ਲਈ ਅਜਿਹਾ ਕੀਤਾ ਹੈ। ਇਹ ਸੇਪਰੇਸ਼ਨ 1 ਅਪ੍ਰੈਲ ਤੋਂ ਲਾਗੂ ਹੋ ਗਿਆ ਹੈ। ਇਸ ਦੇ ਸ਼ੇਅਰਾਂ ‘ਚ ਵੀ 3 ਫੀਸਦੀ ਤੋਂ ਜ਼ਿਆਦਾ ਦਾ ਵਾਧਾ ਦੇਖਣ ਨੂੰ ਮਿਲ ਰਿਹਾ ਹੈ।
ਸਪਾਈਸਐਕਸਪ੍ਰੈਸ ਅਤੇ ਲੌਜਿਸਟਿਕਸ ਪ੍ਰਾਈਵੇਟ ਲਿਮਿਟੇਡ ਸਪਾਈਸਜੈੱਟ ਲਿਮਿਟੇਡ ਦੀ ਇੱਕ ਸਹਾਇਕ ਕੰਪਨੀ ਹੈ ਜੋ ਕਾਰਗੋ ਅਤੇ ਡਿਲੀਵਰੀ ਸੇਵਾ ਵਿੱਚ ਲੱਗੀ ਹੋਈ ਹੈ। ਸਪਾਈਸਜੈੱਟ ਦੇ ਚੇਅਰਮੈਨ ਅਤੇ ਮੈਨੇਜਿੰਗ ਡਾਇਰੈਕਟਰ ਅਜੇ ਸਿੰਘ ਨੇ ਕਿਹਾ, “ਸਾਡੀ ਕਾਰਗੋ ਅਤੇ ਲੌਜਿਸਟਿਕ ਆਰਮ ਦਾ ਵੱਖ ਹੋਣਾ ਸਾਡੀ ਵਿਕਾਸ ਕਹਾਣੀ ਦਾ ਇੱਕ ਮਹੱਤਵਪੂਰਨ ਕਦਮ ਹੈ ਜੋ ਸਮੇਂ ਦੇ ਨਾਲ ਸਾਹਮਣੇ ਆਵੇਗਾ। ਸਪਾਈਸਐਕਸਪ੍ਰੈਸ ਕਾਰਗੋ ਅਤੇ ਲੌਜਿਸਟਿਕਸ ਕਾਰੋਬਾਰ ‘ਤੇ ਵਧੇਰੇ ਅਤੇ ਵੱਖਰਾ ਫੋਕਸ ਪ੍ਰਦਾਨ ਕਰੇਗਾ।
ਸਿੰਘ ਨੇ ਕਿਹਾ ਕਿ ਸਪਾਈਸ ਐਕਸਪ੍ਰੈਸ ਨੂੰ ਵੱਖ ਕਰਨ ਦਾ ਫੈਸਲਾ ਏਅਰਲਾਈਨ ਦੀ ਲੰਬੇ ਸਮੇਂ ਦੀ ਵਪਾਰਕ ਯੋਜਨਾ ਦੇ ਹਿੱਸੇ ਵਜੋਂ ਲਿਆ ਗਿਆ ਹੈ। ਇਸ ਨਾਲ ਲੌਜਿਸਟਿਕ ਕਾਰੋਬਾਰ ਦਾ ਮੁੱਲ ਵਧੇਗਾ। “ਸਪਾਈਸਜੈੱਟ ਅਤੇ ਸਪਾਈਸਐਕਸਪ੍ਰੈਸ ਦੋਵਾਂ ਵਿੱਚ ਵੱਡੀ ਸੰਭਾਵਨਾ ਹੈ। ਉਨ੍ਹਾਂ ਕਿਹਾ ਕਿ ਹੁਣ ਕਾਰੋਬਾਰ ਦੇ ਵਿਕਾਸ ਵਿੱਚ ਤੇਜ਼ੀ ਲਿਆਉਣ ਲਈ ਪੂੰਜੀ ਜੁਟਾਉਣ ਦਾ ਰਾਹ ਵੀ ਸਾਫ਼ ਹੋ ਗਿਆ ਹੈ।
ਇਹ ਵੀ ਪੜ੍ਹੋ : ਫ਼ਰੀਦਕੋਟ ‘ਚ ਤੇਜ਼ ਮੀਂਹ ਦਾ ਕਹਿਰ, ਕਿਸਾਨਾਂ ਦੀ ਪੁੱਤਾਂ ਵਾਂਗ ਪਾਲੀ ਫਸਲ ਤਬਾਹ
ਇਸ ਦੇ ਨਾਲ ਹੀ ਏਅਰਲਾਈਨ ਨੇ ਕਿਹਾ ਕਿ ਇਸ ਕਦਮ ਦੇ ਨਤੀਜੇ ਵਜੋਂ ਸਪਾਈਸਜੈੱਟ ਨੂੰ 2,555.77 ਕਰੋੜ ਰੁਪਏ ਦਾ ਇੱਕ ਵਾਰ ਫਾਇਦਾ ਹੋਵੇਗਾ ਅਤੇ ਇਸਦੀ ਨਕਾਰਾਤਮਕ ਸ਼ੁੱਧ ਕੀਮਤ ਵਿੱਚ ਕਾਫ਼ੀ ਕਮੀ ਆਵੇਗੀ। Hive Off ਇਸਦੀ ਬੈਲੇਂਸ ਸ਼ੀਟ ਨੂੰ ਵੀ ਮਜ਼ਬੂਤ ਕਰੇਗਾ। ਸਪਾਈਸਜੈੱਟ ਬੋਇੰਗ 737, ਕਿਊ-400 ਅਤੇ ਮਾਲ-ਵਾਹਕ ਜਹਾਜ਼ਾਂ ਦਾ ਫਲੀਟ ਚਲਾਉਂਦੀ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“ਪੰਜਾਬ ਦੀ ਆਹ ਕੁੜੀ ਨੇ ਬੁਲਟ ‘ਤੇ ਘੁੰਮਿਆ ਸਾਰਾ ‘India’, ਹੁਣ ਬੁਲਟ ‘ਤੇ ਚੱਲੀ ਐ ਇੰਗਲੈਂਡ ! “
