ਭਾਰਤ ਦੇ ਸੁਧੀਰ ਨੇ ਕਾਮਨਵੈਲਥ ਗੇਮਸ ਦੀ ਪੈਰਾ ਪਾਵਰ ਲਿਫਟਿੰਗ ਈਵੈਂਟ ਦੇ ਪੁਰਸ਼ ਹੈਵੀਵੇਟ ਫਾਈਨਲ ਵਿਚ ਨਵੇਂ ਰਿਕਾਰਡ ਨਾਲ ਗੋਲਡ ਮੈਡਲ ਜਿੱਤ ਕੇ ਇਤਿਹਾਸ ਰਚਿਆ। ਸੁਧੀਰ ਕਾਮਨਵੈਲਥ ਗੇਮਸ ਦੀ ਪੈਰਾ ਪਾਵਰ ਲਿਫਟਿੰਗ ਈਵੈਂਟ ਵਿਚ ਗੋਲਡ ਮੈਡਲ ਜਿੱਤਣ ਵਾਲੇ ਪਹਿਲੇ ਭਾਰਤੀ ਖਿਡਾਰੀ ਹਨ। ਉਨ੍ਹਾਂ ਨੇ ਆਪਣੀ ਦੂਜੀ ਕੋਸ਼ਿਸ਼ ਵਿਚ 212 ਕਿਲੋਗ੍ਰਾਮ ਭਾਰ ਚੁੱਕ ਕੇ ਰਿਕਾਰਡ 134.5 ਅੰਕ ਨਾਲ ਗੋਲਡ ਮੈਡਲ ਜਿੱਤਿਆ। ਸੁਧੀਰ ਹਾਲਾਂਕਿ ਆਪਣੀ ਅੰਤਿਮ ਕੋਸ਼ਿਸ਼ਵਿਚ 217 ਕਿਲੋਗ੍ਰਾਮ ਭਾਰ ਚੁੱਕਣ ਵਿਚ ਅਸਫਲ ਰਹੇ। ਨਾਈਜੀਰੀਆ ਦੇ ਇਕੇਚੁਕਵੂ ਕ੍ਰਿਸਟੀਅਨ ਉਬਿਚੁਕਵੂ ਨੇ 133.6 ਅੰਕ ਨਾਲ ਸਿਲਵਰ ਜਦੋਂ ਕਿ ਸਕਾਟਲੈਂਡ ਦੇ ਮਿਲੀ ਯੂਲੇ ਨੇ 130.9 ਅੰਕ ਨਾਲ ਕਾਂਸੇ ਦਾ ਤਮਗਾ ਜਿੱਤਿਆ।
ਪਾਵਰਲਿਫਟਿੰਗ ਵਿਚ ਭਾਰ ਚੁੱਕਣ ‘ਤੇ ਸਰੀਰ ਦੇ ਭਾਰ ਤੇ ਤਕਨੀਕ ਮੁਤਾਬਕ ਅੰਕ ਮਿਲਦੇ ਹਨ। ਬਰਾਬਰ ਭਾਰ ਚੁੱਕਣ ‘ਤੇ ਸਰੀਰਕ ਰੂਪ ਤੋਂ ਘੱਟ ਭਾਰ ਵਾਲੇ ਖਿਡਾਰੀ ਨੂੰ ਦੂਜੇ ਦੀ ਤੁਲਨਾ ਵਿਚ ਜ਼ਿਆਦਾ ਅੰਕ ਮਿਲਣਗੇ। ਇਸ ਤੋਂ ਪਹਿਲਾਂ ਮਨਪ੍ਰੀਤ ਕੌਰ ਤੇ ਸਕੀਨਾ ਖਾਤੂਨ ਮਹਿਲਾ ਲਾਈਟਵੇਟ ਫਾਈਨਲ ਵਿਚ ਕ੍ਰਮਵਾਰ ਚੌਥੇ ਤੇ ਪੰਜਵੇਂ ਸਥਾਨ ‘ਤੇ ਰਹਿੰਦੇ ਹੋਏ ਤਮਗੇ ਤੋਂ ਚੂਕ ਗਈ ਜਦੋਂ ਕਿ ਪੁਰਸ਼ ਲਾਈਟਵੇਟ ਫਾਈਨਲ ਵਿਚ ਪਰਮਜੀਤ ਕੁਮਾਰ ਤਿੰਨੋਂ ਕੋਸ਼ਿਸ਼ਾਂ ਵਿਚ ਅਸਫਲ ਰਹਿਣ ਦੇ ਬਾਅਦ ਆਖਰੀ ਸਥਾਨ ‘ਤੇ ਰਹੇ। ਮਨਪ੍ਰੀਤ ਨੇ ਆਪਣੀ ਪਹਿਲੀ ਕੋਸ਼ਿਸ਼ ਵਿਚ 87 ਤੇ ਦੂਜੀ ਕੋਸ਼ਿਸ਼ ਵਿਚ 88 ਕਿਲੋਗ੍ਰਾਮ ਭਾਰ ਚੁੱਕਿਆ ਪਰ ਤੀਜੀ ਕੋਸ਼ਿਸ਼ ਵਿਚ 90 ਕਿਲੋਗ੍ਰਾਮ ਭਾਰ ਚੁੱਕਣ ਵਿਚ ਅਸਫਲ ਹੀ। ਮਨਪ੍ਰੀਤ ਨੂੰ 89.6 ਅੰਕ ਮਿਲੇ।
ਇਹ ਵੀ ਪੜ੍ਹੋ : ਸਰਾਵਾਂ ‘ਤੇ GST ਸਬੰਧੀ ਕੇਂਦਰ ਨੇ ਦਿੱਤੀ ਸਫਾਈ, ਕਿਹਾ-‘ਨਾ ਕੋਈ ਟੈਕਸ ਲਗਾਇਆ ਤੇ ਨਾ ਹੀ SGPC ਨੂੰ ਨੋਟਿਸ ਭੇਜਿਆ’
ਦੂਜੇ ਪਾਸੇ ਸਕੀਨਾ ਪਹਿਲੀ ਕੋਸ਼ਿਸ਼ ਵਿੱਚ 90 ਕਿਲੋ ਭਾਰ ਚੁੱਕਣ ਵਿੱਚ ਨਾਕਾਮ ਰਹੀ ਪਰ ਉਸ ਨੇ ਦੂਜੀ ਕੋਸ਼ਿਸ਼ ਵਿੱਚ ਇਹ ਭਾਰ ਚੁੱਕਿਆ। ਉਸ ਦੀ 93 ਕਿਲੋਗ੍ਰਾਮ ਦੀ ਤੀਜੀ ਕੋਸ਼ਿਸ਼ ਅਸਫਲ ਰਹੀ। ਉਸ ਨੇ 87.5 ਅੰਕ ਪ੍ਰਾਪਤ ਕੀਤੇ ਹਨ। ਇੰਗਲੈਂਡ ਦੇ ਜੋ ਨਿਊਜ਼ਨ ਨੇ 101 ਕਿਲੋਗ੍ਰਾਮ ਦੀ ਸਰਵੋਤਮ ਕੋਸ਼ਿਸ਼ ਨਾਲ 102.2 ਅੰਕ ਲੈ ਕੇ ਸੋਨ ਤਮਗਾ ਜਿੱਤਿਆ। ਉਸ ਦੀ ਹਮਵਤਨ ਓਲੀਵੀਆ ਬਰੂਮ ਨੇ 111 ਕਿਲੋਗ੍ਰਾਮ ਦੇ ਸਰਵੋਤਮ ਯਤਨ ਨਾਲ 100 ਅੰਕ ਹਾਸਲ ਕਰਕੇ ਚਾਂਦੀ ਦਾ ਤਗਮਾ ਜਿੱਤਿਆ। ਕੀਨੀਆ ਦੀ ਹੈਲੇਨ ਵਾਵੀਰਾ ਕਰਿਯੁਕੀ ਨੇ 98.5 ਦੇ ਸਕੋਰ ਨਾਲ 97 ਕਿਲੋਗ੍ਰਾਮ ਦੀ ਸਰਵੋਤਮ ਕੋਸ਼ਿਸ਼ ਨਾਲ ਕਾਂਸੀ ਦਾ ਤਗਮਾ ਜਿੱਤਿਆ।
ਵੀਡੀਓ ਲਈ ਕਲਿੱਕ ਕਰੋ -:
“Fastway ਨੂੰ ਲਗਾ ਗਏ ਲੱਖਾਂ ਦਾ ਚੂਨਾ, ਭਰੋਸਾ ਜਿੱਤਣ ਤੋਂ ਬਾਅਦ ਸੁਣੋ ਕਿਵੇਂ ਕੀਤਾ Fraud, ਪਰ ਹੁਣ ਵਾਪਿਸ ਕਰਨਾ ਪੈਣਾ “
ਪੁਰਸ਼ਾਂ ਦੇ ਲਾਈਟਵੇਟ ਫਾਈਨਲ ਵਿੱਚ, ਪਰਮਜੀਤ ਆਪਣੀਆਂ ਤਿੰਨ ਕੋਸ਼ਿਸ਼ਾਂ ਵਿੱਚੋਂ ਕਿਸੇ ਵਿੱਚ ਵੀ 165 ਕਿਲੋਗ੍ਰਾਮ ਭਾਰ ਚੁੱਕਣ ਵਿੱਚ ਅਸਫਲ ਰਿਹਾ ਅਤੇ ਮੁਕਾਬਲੇ ਵਿੱਚੋਂ ਬਾਹਰ ਹੋ ਗਿਆ। ਮਲੇਸ਼ੀਆ ਦੇ ਬੋਨੀ ਬੁਨਿਆਉ ਗੁਸਟਿਨ ਨੇ ਰਾਸ਼ਟਰਮੰਡਲ ਖੇਡਾਂ ਵਿੱਚ ਰਿਕਾਰਡ 154.6 ਅੰਕਾਂ ਨਾਲ ਸੋਨ ਤਗ਼ਮਾ ਜਿੱਤਣ ਦੀ ਤੀਜੀ ਕੋਸ਼ਿਸ਼ ਵਿੱਚ 220 ਕਿਲੋਗ੍ਰਾਮ ਭਾਰ ਚੁੱਕਿਆ। ਇੰਗਲੈਂਡ ਦੇ ਮਾਰਕ ਸਵਾਨ ਨੇ 145.5 ਦੇ ਸਕੋਰ ਨਾਲ ਚਾਂਦੀ ਜਦਕਿ ਨਾਈਜੀਰੀਆ ਦੇ ਇਨੋਸੈਂਟ ਨਾਮਦੀ ਨੇ 132.5 ਦੇ ਸਕੋਰ ਨਾਲ ਕਾਂਸੀ ਤਮਗਾ ਜਿੱਤਿਆ। ਸਵਾਨ ਅਤੇ ਨਾਮਦੀ ਨੇ ਕ੍ਰਮਵਾਰ 202 ਕਿਲੋ ਅਤੇ 190 ਕਿਲੋਗ੍ਰਾਮ ਭਾਰ ਚੁੱਕਣ ਦੀ ਵਧੀਆ ਕੋਸ਼ਿਸ਼ ਕੀਤੀ।
