ਬਾਲੀਵੁੱਡ ‘ਚ ਆਪਣੀ ਬੋਲਡਨੈੱਸ ਲਈ ਜਾਣੀ ਜਾਣ ਵਾਲੀ ਪ੍ਰਤਿਭਾਸ਼ਾਲੀ ਅਭਿਨੇਤਰੀ ਸਵਰਾ ਭਾਸਕਰ ਵਿਆਹ ਦੇ ਬੰਧਨ ‘ਚ ਬੱਝ ਗਈ ਹੈ। ਉਸ ਨੇ ਇਸ ਸਾਲ 6 ਜਨਵਰੀ ਨੂੰ ਸਮਾਜਵਾਦੀ ਪਾਰਟੀ ਦੇ ਨੇਤਾ ਫਹਾਦ ਅਹਿਮਦ ਨਾਲ ਕੋਰਟ ਮੈਰਿਜ ਕੀਤੀ ਸੀ। ਫਹਾਦ ਸਵਰਾ ਤੋਂ 4 ਸਾਲ ਛੋਟਾ ਹੈ।
ਹਾਲ ਹੀ ‘ਚ ਅਦਾਕਾਰਾ ਨੇ ਇਕ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ ‘ਚ ਉਹ ਆਪਣੇ ਅਤੇ ਪਤੀ ਫਹਾਦ ਅਹਿਮਦ ਦੀ ਪੂਰੀ ਲਵ ਸਟੋਰੀ ਦੱਸਦੀ ਨਜ਼ਰ ਆ ਰਹੀ ਹੈ। ਸੋਸ਼ਲ ਮੀਡੀਆ ‘ਤੇ ਅਟਕਲਾਂ ਲਗਾਈਆਂ ਜਾ ਰਹੀਆਂ ਹਨ ਕਿ ਸਵਰਾ ਵਿਆਹ ਦੇ ਬਹਾਨੇ ਸਮਾਜਵਾਦੀ ਪਾਰਟੀ ‘ਚ ਸ਼ਾਮਲ ਹੋਵੇਗੀ।
ਦੱਸ ਦੇਈਏ ਕਿ ਫਹਾਦ ਅਹਿਮਦ ਮਹਾਰਾਸ਼ਟਰ ਅਤੇ ਮੁੰਬਈ ਵਿੱਚ ਸਮਾਜਵਾਦੀ ਪਾਰਟੀ ਦੇ ਯੂਥ ਵਿੰਗ ਦੇ ਸੂਬਾ ਪ੍ਰਧਾਨ ਹਨ। ਫਹਾਦ ਨੇ ਅਲੀਗੜ੍ਹ ਮੁਸਲਿਮ ਯੂਨੀਵਰਸਿਟੀ (AMU) ਤੋਂ ਪੜ੍ਹਾਈ ਕੀਤੀ ਹੈ। ਉਸ ਨੇ ਟਾਟਾ ਇੰਸਟੀਚਿਊਟ ਆਫ ਸੋਸ਼ਲ ਸਾਇੰਸ ਤੋਂ ਐਮਫਿਲ ਕੀਤੀ ਅਤੇ ਫਿਰ Ph.D. ਵੀ ਕੀਤੀ। ਉਸ ਨੂੰ ਸਮਾਜਵਾਦੀ ਪਾਰਟੀ ਦੇ ਸਭ ਤੋਂ ਪੜ੍ਹੇ-ਲਿਖੇ ਨੇਤਾਵਾਂ ਵਿੱਚੋਂ ਇੱਕ ਮੰਨਿਆ ਜਾਂਦਾ ਹੈ।
ਅੱਜ ਯਾਨੀ 16 ਫਰਵਰੀ ਨੂੰ ਬਾਲੀਵੁੱਡ ਅਦਾਕਾਰਾ ਨੇ ਆਪਣੇ ਟਵਿੱਟਰ ‘ਤੇ ਇੱਕ ਵੀਡੀਓ ਪੋਸਟ ਕੀਤੀ ਹੈ। ਵੀਡੀਓ ਪੋਸਟ ਹੁੰਦੇ ਹੀ ਇਸ ‘ਤੇ ਕਮੈਂਟਸ ਦਾ ਹੜ੍ਹ ਆ ਗਿਆ। ਸਵਰਾ ਭਾਸਕਰ ਨੇ ਇਸ ਵੀਡੀਓ ਰਾਹੀਂ ਆਪਣੇ ਵਿਆਹ ਦੀ ਜਾਣਕਾਰੀ ਦਿੱਤੀ ਹੈ।
ਸਵਰਾ ਭਾਸਕਰ ਨੇ 6 ਜਨਵਰੀ ਨੂੰ ਸਮਾਜਵਾਦੀ ਪਾਰਟੀ ਦੇ ਨੌਜਵਾਨ ਨੇਤਾ ਫਹਾਦ ਅਹਿਮਦ ਨਾਲ ਗੁਪਚੁਪ ਢੰਗ ਨਾਲ ਵਿਆਹ ਕਰ ਲਿਆ। ਖਾਸ ਗੱਲ ਇਹ ਹੈ ਕਿ ਕਰੀਬ 15 ਦਿਨ ਪਹਿਲਾਂ ਫਹਾਦ ਅਹਿਮਦ ਦੀ ਫੋਟੋ ਪੋਸਟ ਕਰਦੇ ਹੋਏ ਸਵਰਾ ਭਾਸਕਰ ਨੇ ਉਸ ਨੂੰ ਭਰਾ ਕਹਿ ਕੇ ਵਿਆਹ ਦੀ ਸਲਾਹ ਦਿੱਤੀ ਸੀ।
ਸਵਰਾ ਭਾਸਕਰ ਨੇ 2 ਫਰਵਰੀ ਨੂੰ ਆਪਣੇ ਪਤੀ ਫਹਾਦ ਦੇ ਜਨਮਦਿਨ ‘ਤੇ ਫਹਾਦ ਨਾਲ ਆਪਣੀ ਇਕ ਤਸਵੀਰ ਪੋਸਟ ਕਰਦੇ ਹੋਏ ਲਿਖਿਆ ਸੀ ਕਿ ‘ਜਨਮਦਿਨ ਮੁਬਾਰਕ ਫਹਾਦ ਮੀਆਂ! ਭਰਾ ਦਾ ਕਾਨਫੀਡੈਂਸ ਬਰਕਰਾਰ ਰਹੇ। ਖੁਸ਼ ਰਹੋ, ਆਬਾਦ ਰਹੋ, ਉਮਰ ਹੋ ਰਹੀ ਹੈ ਹੁਣ ਵਿਆਹ ਕਰ ਲਓ।’ ਅਕਸਰ ਆਪਣੇ ਬਿਆਨਾਂ ਨੂੰ ਲੈ ਕੇ ਸੁਰਖੀਆਂ ‘ਚ ਰਹਿਣ ਵਾਲੀ ਸਵਰਾ ਭਾਸਕਰ ਨੂੰ ਵਿਆਹ ‘ਤੇ ਸ਼ੁਭਕਾਮਨਾਵਾਂ ਮਿਲਣੀਆਂ ਸ਼ੁਰੂ ਹੋ ਗਈਆਂ ਹਨ।
ਸਵਰਾ ਭਾਸਕਰ ਬਾਲੀਵੁਡ ਦੀਆਂ ਕੁਝ ਅਦਕਾਰਾ ਵਿੱਚ ਸ਼ਾਮਲ ਹੈ ਜੋ ਸਮਾਜਿਕ ਚੇਤਨਾ ਨਾਲ ਭਰੀ ਰਹਿੰਦੀ ਹੈ। ਅਕਸਰ ਦੇਸ਼ ਦੇ ਸਾਰੇ ਸਿਸੀ ਮੁੱਦਿਆਂ ‘ਤੇ ਵੀ ਸਵਰਾ ਆਪਣੇ ਵਿਚਾਰ ਰਖਦੀ ਰਹੀ ਹੈ। ਸਵਰਾ ਨੇ ਸਰਕਾਰ ਦੇ ਖਇਲਾਫ ਕਈ ਵਾਰ ਖੁੱਲ੍ਹ ਕੇ ਪ੍ਰੋਟੈਸਟ ਵੀ ਕੀਤਾ ਹੈ। ਪ੍ਰੋਟੈਸਟ ਦੌਰਾਨ ਹੀ ਸਵਰਾ ਦੀ ਮੁਲਾਕਾਤ ਫਹਾਦ ਨਾਲ ਹੋਈ ਸੀ।
ਇਹ ਵੀ ਪੜ੍ਹੋ : ਗੁਰਦਾਸਪੁਰ : PAK ਨੇ ਗੁਬਾਰਿਆਂ ਨਾਲ ਬੰਨ੍ਹ ਕੇ ਭੇਜੀ ਕਰੋੜਾਂ ਦੀ ਹੈਰੋਇਨ, ਤਸਕਰੀ ਦਾ ਲੱਭਿਆ ਨਵਾਂ ਤਰੀਕਾ
ਸਮਾਜਵਾਦੀ ਪਾਰਟੀ ਦੀ ਯੂਥ ਵਿੰਗ ਸਮਾਜਵਾਦੀ ਯੁਵਜਨ ਸਭਾ ਦੇ ਮਹਾਰਾਸ਼ਟਰ ਸੂਬਾ ਪ੍ਰਧਾਨ ਫਵਾਹਦ ਅਹਿਮਦ ਅਤੇ ਸਵਰਾ ਨੇ 16 ਜਨਵਰੀ ਨੂੰ ਕੋਰਟ ਮੈਰਿਜ ਕੀਤੀ ਹੈ। ਸਵਰਾ ਦੇ ਵੀਡੀਓ ਵਿੱਚ ਦੋਵੇਂ ਮੈਰਿਜ ਰਜਿਸਟਰਾਰ ਦੇ ਆਫਿਸ ਦੇ ਬਾਹਰ ਦਿਖਾਈ ਦਿੱਤੇ ਹਨ। ਇਸ ਦੇ ਨਾਲ ਹੀ ਸਵਰਾ ਦੀਆਂ ਇਨ੍ਹਾਂ ਤਸਵੀਰਾਂ ਵਿੱਚ ਕਈ ਵਾਰ ਉਹ ਖੁਦ ਵੀ ਫਹਾਦ ਦੇ ਨਾਲ ਪ੍ਰੋਟੈਸਟ ਵਿੱਚ ਹਿੱਸਾ ਲੈਂਦੀ ਨਜ਼ਰ ਆ ਰਹੀ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
