ਸ਼ਿਮਲਾ ਦੇ ਢਲੀ ‘ਚ ਬੁੱਧਵਾਰ ਸਵੇਰੇ 8 ਵਜੇ ਸੇਬਾਂ ਨਾਲ ਭਰਿਆ ਟਰੱਕ ਅਤੇ ਪਿਕਅੱਪ ਪਲਟ ਗਿਆ। ਇਸ ਹਾਦਸੇ ‘ਚ ਟਰੱਕ ‘ਚ ਸਵਾਰ 2 ਲੋਕਾਂ ਦੀ ਮੌਤ ਹੋ ਗਈ, ਜਦਕਿ ਟਰੱਕ ਅਤੇ ਪਿਕਅੱਪ ਚਾਲਕ ਜ਼ਖਮੀ ਹੋ ਗਏ। ਸਖਤ ਕੋਸ਼ਿਸ਼ਾਂ ਤੋਂ ਬਾਅਦ ਜ਼ਖਮੀਆਂ ਨੂੰ ਨੁਕਸਾਨੇ ਗਏ ਵਾਹਨਾਂ ਤੋਂ ਬਾਹਰ ਕੱਢਿਆ ਗਿਆ ਅਤੇ IGMC ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ। ਟਰੱਕ ਦੀ ਲਪੇਟ ਵਿੱਚ ਆਉਣ ਕਾਰਨ ਤਿੰਨ ਹੋਰ ਵਾਹਨ ਵੀ ਨੁਕਸਾਨੇ ਗਏ।
ਇਹ ਹਾਦਸਾ ਸ਼ਿਮਲਾ-ਕਿਨੌਰ ਰਾਸ਼ਟਰੀ ਰਾਜਮਾਰਗ-5 ‘ਤੇ ਮਸ਼ੋਬਰਾ ਬਾਈਫਰੈਕਸ਼ਨ ਨੇੜੇ ਉਸ ਸਮੇਂ ਵਾਪਰਿਆ ਜਦੋਂ ਟਰੱਕ ਸੇਬ ਲੈ ਕੇ ਰਾਮਪੁਰ ਤੋਂ ਸ਼ਿਮਲਾ ਵੱਲ ਆ ਰਿਹਾ ਸੀ। ਇਸ ਦੌਰਾਨ ਪਿਕਅੱਪ ਗੱਡੀ ਪੇਂਟ ਵਿੱਚ ਵਰਤੀ ਗਈ ਪੁੱਟੀ ਲੈ ਕੇ ਠਿਯੋਗ ਵੱਲ ਜਾ ਰਹੀ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਬੇਕਾਬੂ ਟਰੱਕ ਪਿਕਅੱਪ ਨੂੰ ਘਸੀਟਦਾ ਹੋਇਆ ਪਹਾੜੀ ਤੋਂ 20 ਮੀਟਰ ਹੇਠਾਂ ਪਲਟ ਗਿਆ ਅਤੇ ਸ਼ਿਮਲਾ-ਮਸ਼ੋਬਰਾ ਰੋਡ ‘ਤੇ ਜਾ ਡਿੱਗਿਆ।
ਇਹ ਵੀ ਪੜ੍ਹੋ : ਅਮਰੀਕਾ ‘ਚ ਛਾਇਆ ਹਨੇਰਾ: 10 ਲੱਖ ਘਰਾਂ ਤੇ ਅਦਾਰਿਆਂ ਦੀ ਬੱਤੀ ਗੁੱਲ, 1,000 ਤੋਂ ਵੱਧ ਉਡਾਣਾਂ ਰੱਦ
ਖੁਸ਼ਕਿਸਮਤੀ ਨਾਲ ਸ਼ਿਮਲਾ-ਮਸ਼ੋਬਰਾ ਰੋਡ ‘ਤੇ ਹਾਦਸੇ ਸਮੇਂ ਕੋਈ ਵੀ ਵਾਹਨ ਇਸ ਦੀ ਲਪੇਟ ‘ਚ ਨਹੀਂ ਆਇਆ। ਟਰੱਕ-ਪਿਕਅੱਪ ਪਲਟ ਜਾਣ ਕਾਰਨ ਮਸ਼ੋਬਰਾ ਰੋਡ ’ਤੇ ਲੰਮਾ ਜਾਮ ਲੱਗ ਗਿਆ।ਇਸ ਤੋਂ ਬਾਅਦ ਪੁਲਿਸ ਨੇ ਸੁੰਨੀ, ਤੱਤਪਾਨੀ, ਅਲਾਸਿੰਦੀ ਅਤੇ ਕਾਰਸੋਗ ਦੀਆਂ ਬੱਸਾਂ ਨੂੰ ਦੋ ਘੰਟੇ ਲਈ ਘਨਹੱਟੀ ਦੇ ਰਸਤੇ ਮੋੜ ਦਿੱਤਾ। ਹਾਲਾਂਕਿ 11 ਵਜੇ ਤੱਕ ਟਰੱਕ ਨੂੰ ਸੜਕ ਦੇ ਵਿਚਕਾਰੋਂ ਹਟਾ ਕੇ ਸਾਈਡ ‘ਤੇ ਲਿਜਾਇਆ ਗਿਆ। ਹੁਣ ਆਵਾਜਾਈ ਬਹਾਲ ਕਰ ਦਿੱਤੀ ਗਈ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “
