ਜਲੰਧਰ : ਨਸ਼ਾ ਤਸਕਰਾਂ ਆਪਣੀਆਂ ਹਰਕਤਾਂ ਤੋਂ ਬਾਜ ਨਹੀਂ ਆਉਂਦੇ ਅਤੇ ਪੁਲਿਸ ਨੂੰ ਚਕਮਾ ਦੇਣ ਲਈ ਨਵੇਂ-ਨਵੇਂ ਜੁਗਾੜ ਲਾ ਲੈਂਦੇ ਹਨ। ਫਿਲੌਰ ਵਿੱਚ ਸਥਿਤ ਗੰਨਾ ਪਿੰਡ ਵਿੱਚ ਤਸਕਰਾਂ ਨੇ ਤਹਿਖਾਨੇ ਬਣਾ ਕੇ ਸ਼ਰਾਬ ਲੁਕਾਈ ਹੋਈ ਸੀ। ਪੁਲਿਸ ਨੇ ਛਾਪਾ ਮਾਰਿਆ ਤਾਂ ਕਿਹਾ ਕਿ ਇਹ ਚੂਹਿਆਂ ਨੇ ਬਿੱਲ ਬਣਾਈ ਹੋਈ ਹੈ। ਜਦੋਂ ਪੁਲਿਸ ਨੂੰ ਕਿਸੇ ਹੋਰ ਘਰ ਵਿੱਚ ਇਸੇ ਤਰ੍ਹਾਂ ਦੇ ਸੁਰਾਖ ਮਿਲੇ ਤਾਂ ਉਨ੍ਹਾਂ ਨੂੰ ਸ਼ੱਕ ਹੋਇਆ।
ਸਾਮਾਨ ਨੂੰ ਹਟਾ ਕੇ ਤਲਾਸ਼ੀ ਲਈ ਗਈ ਤਾਂ ਅੰਦਰ ਤਹਿਸ਼ਾਨੇ ਬਣਾ ਕੇ ਸ਼ਰਾਬ ਲੁਕੋਈ ਹੋਈ ਸੀ। ਪੁਲਿਸ ਨੇ ਛਾਣਬੀਣ ਕੀਤੀ ਤਾਂ ਦੋ ਮਹਿਲਾ ਤਸਕਰਾਂ ਕੁਲਵਿੰਦਰ ਕੌਰ ਉਰਫ ਬਿੱਲੀ ਅਤੇ ਸੁਰਜੀਤ ਕੌਰ ਉਰਫ ਭੋਲੀ ਦੇ ਘਰੋਂ 400 ਲੀਟਰ ਨਾਜਾਇਜ਼ ਸ਼ਰਾਬ ਬਰਾਮਦ ਹੋਈ। ਪੁਲਿਸ ਨੇ ਦੋਵਾਂ ਔਰਤਾਂ ਨੂੰ ਗ੍ਰਿਫਤਾਰ ਕਰ ਲਿਆ ਅਤੇ ਉਨ੍ਹਾਂ ਦੇ ਖਿਲਾਫ ਆਬਕਾਰੀ ਐਕਟ ਦੇ ਤਹਿਤ ਮਾਮਲਾ ਦਰਜ ਕਰ ਲਿਆ ਹੈ।
ਫਿਲੌਰ ਦੇ ਡੀਐਸਪੀ ਹਰਨੀਲ ਸਿੰਘ ਅਤੇ ਐਸਐਚਓ ਸੰਜੀਵ ਕਪੂਰ ਦੀ ਅਗਵਾਈ ਵਿੱਚ ਪੁਲਿਸ ਨੇ ਗੰਨਾ ਪਿੰਡ ਨੂੰ ਸਾਰੇ ਪਾਸਿਓਂ ਘੇਰ ਲਿਆ। ਜਿਸ ਤੋਂ ਬਾਅਦ ਪੁਲਿਸ ਦਾ ਸਰਚ ਆਪਰੇਸ਼ਨ 3 ਘੰਟੇ ਤੱਕ ਚੱਲਿਆ। ਜਦੋਂ ਪੁਲਿਸ ਕੁਲਵਿੰਦਰ ਕੌਰ ਬਿੱਲੀ ਦੇ ਘਰ ਅੰਦਰ ਗਈ ਤਾਂ ਉਨ੍ਹਾਂ ਨੂੰ ਉੱਥੇ ਟੋਏ ਮਿਲੇ। ਜਿਨ੍ਹਾਂ ਦੇ ਆਕਾਰ ਚੂਹਿਆਂ ਦੇ ਬਿੱਲਾਂ ਵਰਗੇ ਸਨ। ਜਦੋਂ ਪੁਲਿਸ ਵੱਲੋਂ ਪੁੱਛਿਆ ਗਿਆ ਤਾਂ ਉਨ੍ਹਾਂ ਕਿਹਾ ਕਿ ਇਹ ਚੂਹਿਆਂ ਬਿੱਲ ਹਨ। ਇਸ ਤੋਂ ਪਹਿਲਾਂ ਪੁਲਿਸ ਨੂੰ ਭੋਲੀ ਦੇ ਘਰ ਵਿੱਚ ਵੀ ਅਜਿਹਾ ਹੀ ਇੱਕ ਸੁਰਾਖ ਮਿਲਿਆ ਸੀ। ਉਸਨੇ ਵੀ ਇਸਨੂੰ ਚੂਹਿਆਂ ਦੇ ਬਿੱਲ ਹੀ ਕਿਹਾ ਸੀ।
ਪੁਲਿਸ ਨੇ ਦੇਖਿਆ ਕਿ ਦੋਵਾਂ ਦੇ ਘਰ ਇੱਟਾਂ ਦੇ ਬਣੇ ਹੋਏ ਸਨ। ਅਜਿਹੀ ਸਥਿਤੀ ਵਿੱਚ ਚੂਹਿਆਂ ਨੇ ਦੋਵਾਂ ਦੇ ਘਰ ਵਿੱਚ ਟੋਏ ਕਿਵੇਂ ਬਣਾ ਦਿੱਤੇ। ਉਹ ਵੀ ਦੋਵੇਂ ਇੱਕੋ ਆਕਾਰ ਦੇ ਹਨ। ਇਸ ਤੋਂ ਬਾਅਦ ਪੁਲਿਸ ਨੇ ਟੋਏ ਪੁੱਟਣੇ ਸ਼ੁਰੂ ਕਰ ਦਿੱਤੇ। ਕੁਝ ਦੇਰ ਬਾਅਦ ਅੰਦਰੋਂ ਸ਼ਰਾਬ ਦੀਆਂ ਬੋਤਲਾਂ ਬਾਹਰ ਆਉਣ ਲੱਗੀਆਂ।ਬੇਸਮੈਂਟ ਬੈੱਡ ਦੇ ਹੇਠਾਂ ਬਣੀ ਹੋਈ ਸੀ, ਇਸ ਤੋਂ ਬਾਅਦ ਪੁਲਿਸ ਨੇ ਉਨ੍ਹਾਂ ਦੇ ਉੱਪਰ ਲੱਗੇ ਬੈੱਡ ਹਟਾ ਦਿੱਤੇ ਅਤੇ ਤਲਾਸ਼ੀ ਲਈ ਤਾਂ ਅੰਦਰ ਸਾਰਾ ਤਹਿਖਾਨਾ ਬੇਨਕਾਬ ਹੋ ਗਿਆ। ਨਾਜਾਇਜ਼ ਸ਼ਰਾਬ ਨਾਲ ਭਰੀਆਂ ਬੋਤਲਾਂ ਕੋਠੜੀ ਦੇ ਮੋਰੀ ਦੇ ਅੰਦਰੋਂ ਬਾਹਰ ਆਉਣ ਲੱਗੀਆਂ। ਉਥੋਂ ਨਿਕਲੀ ਸ਼ਰਾਬ ਦੀਆਂ ਬੋਤਲਾਂ ਨਾਲ ਪੁਲਿਸ ਦੇ ਦੋ ਡਰੱਮ ਭਰ ਗਏ। ਜਿਸ ਤੋਂ ਬਾਅਦ ਸ਼ਰਾਬ ਜ਼ਬਤ ਕਰਕੇ ਦੋਹਾਂ ਮਹਿਲਾ ਤਸਕਰਾਂ ਨੂੰ ਗ੍ਰਿਫਤਾਰ ਕਰ ਲਿਆ।
ਫਿਲੌਰ ਥਾਣੇ ਦੇ ਐਸਐਚਓ ਇੰਸਪੈਕਟਰ ਸੰਜੀਵ ਕਪੂਰ ਨੇ ਦੱਸਿਆ ਕਿ ਕੁਲਵਿੰਦਰ ਬਿੱਲੀ ਅਤੇ ਭੋਲੀ ਪੱਕੀਆਂ ਨਸ਼ਾ ਤਸਕਰ ਹਨ। ਉਹ ਕਈ ਵਾਰ ਫੜੀਆਂ ਜਾ ਚੁੱਕੀਆਂ ਹਨ, ਫਿਰ ਵੀ ਉਹ ਜੇਲ੍ਹ ਤੋਂ ਰਿਹਾਅ ਹੁੰਦੇ ਹੀ ਦੁਬਾਰਾ ਤਸਕਰੀ ਸ਼ੁਰੂ ਕਰ ਦਿੰਦੀਆਂ ਹਨ। ਕੁਲਵਿੰਦਰ ਬਿੱਲੀ ਦੇ ਖਿਲਾਫ 12 ਸਾਲਾਂ ਵਿੱਚ ਸ਼ਰਾਬ ਅਤੇ ਹੋਰ ਤਸਕਰੀ ਦੇ 23 ਮਾਮਲੇ ਦਰਜ ਕੀਤੇ ਗਏ ਹਨ। ਉਹ ਕਈ ਵਾਰ ਜੇਲ੍ਹ ਵੀ ਜਾ ਚੁੱਕੀ ਹੈ। ਇਸ ਦੇ ਨਾਲ ਹੀ ਭੋਲੀ ਦੇ ਖਿਲਾਫ 15 ਮਾਮਲੇ ਵੀ ਦਰਜ ਹਨ। ਉਹ 3 ਦਿਨ ਪਹਿਲਾਂ ਜੇਲ੍ਹ ਤੋਂ ਬਾਹਰ ਆਈ ਸੀ ਅਤੇ ਫਿਰ ਤਸਕਰੀ ਸ਼ੁਰੂ ਕਰ ਦਿੱਤੀ ਸੀ।
ਇਹ ਵੀ ਪੜ੍ਹੋ : PUNJAB ROADWAYS STRIKE : ਲੁਧਿਆਣਾ ਬੱਸ ਅੱਡੇ ‘ਤੇ ਪ੍ਰਾਈਵੇਟ ਬੱਸਾਂ ਦਾ ਦਾਖਲਾ ਬੰਦ, ਠੇਕਾ ਮੁਲਾਜ਼ਮਾਂ ਦਾ ਸੰਘਰਸ਼ ਤੇਜ਼
