Assam Assembly elections: ਕਾਂਗਰਸ ਨੇ ਸ਼ਨੀਵਾਰ ਨੂੰ ਅਸਾਮ ਵਿਧਾਨ ਸਭਾ ਚੋਣਾਂ ਲਈ ਆਪਣੇ 40 ਉਮੀਦਵਾਰਾਂ ਦੀ ਪਹਿਲੀ ਸੂਚੀ ਜਾਰੀ ਕੀਤੀ। ਅਸਾਮ ਦੀ 126 ਮੈਂਬਰੀ ਵਿਧਾਨ ਸਭਾ ਲਈ ਚੋਣਾਂ ਤਿੰਨ ਪੜਾਵਾਂ ਵਿੱਚ ਹੋਣੀਆਂ ਹਨ। ਚੋਣ ਕਮਿਸ਼ਨ ਦੇ ਐਲਾਨ ਅਨੁਸਾਰ ਅਸਾਮ ਦੀ 15 ਵੀਂ ਅਸੈਂਬਲੀ ਵਿੱਚ ਵੋਟ ਪਾਉਣ ਦੀ ਪ੍ਰਕਿਰਿਆ 27 ਮਾਰਚ ਤੋਂ ਸ਼ੁਰੂ ਹੋਵੇਗੀ। ਚੋਣ ਪ੍ਰਕਿਰਿਆ 2 ਮਈ ਨੂੰ ਨਤੀਜਿਆਂ ਦੇ ਐਲਾਨ ਨਾਲ ਸਮਾਪਤ ਹੋਵੇਗੀ। ਅਸਾਮ ਵਿਚ ਵਿਰੋਧੀ ਧਿਰ ਦੇ ਨੇਤਾ ਦੇਬਬ੍ਰਤ ਸਾਕੀਆ ਨਜੀਰਾ ਤੋਂ ਚੋਣ ਲੜਨਗੇ। ਇਹ ਉਸ ਦਾ ਰਵਾਇਤੀ ਵਿਧਾਨ ਸਭਾ ਹਲਕਾ ਹੈ। ਸਾਬਕਾ ਮੰਤਰੀ ਰਕੀਬੁਲ ਹੁਸੈਨ ਸਮਗੁਰੀ ਤੋਂ ਚੋਣ ਲੜਨਗੇ। ਅਸਾਮ ਪ੍ਰਦੇਸ਼ ਕਾਂਗਰਸ ਕਮੇਟੀ ਦੇ ਪ੍ਰਧਾਨ ਰਿਪਨ ਬੋਰਾ ਗੋਹਪੁਰ ਸੀਟ ਤੋਂ ਅਤੇ ਸਾਬਕਾ ਮੰਤਰੀ ਬਿਸਮਿਤਾ ਗੋਗੋਈ ਖਟਾਈ ਸੀਟ ਤੋਂ ਚੋਣ ਲੜਨਗੇ। ਆਸਾਮ ਕਾਂਗਰਸ ਦੇ ਸਾਬਕਾ ਪ੍ਰਧਾਨ ਅੰਜਨ ਦੱਤਾ ਦੀ ਬੇਟੀ ਅੰਗਕਿਤਾ ਨੂੰ ਅਮਗੁਰੀ ਸੀਟ ਤੋਂ ਟਿਕਟ ਦਿੱਤੀ ਗਈ ਹੈ।
ਮੌਜੂਦਾ ਅਸਾਮ ਦੀ ਅਸੈਂਬਲੀ ਦਾ ਕਾਰਜਕਾਲ 31 ਮਈ ਨੂੰ ਖਤਮ ਹੋਵੇਗਾ। ਵੋਟਿੰਗ ਦੇ ਪਹਿਲੇ ਪੜਾਅ ਲਈ ਨੋਟੀਫਿਕੇਸ਼ਨ 2 ਮਾਰਚ ਨੂੰ ਕੀਤਾ ਗਿਆ ਸੀ। ਇਸ ਪੜਾਅ ਦੀਆਂ 47 ਸੀਟਾਂ ਹਨ, ਜੋ ਕਿ 12 ਜ਼ਿਲ੍ਹਿਆਂ ਵਿਚ ਹਨ। ਨਾਮਜ਼ਦਗੀ ਦੀ ਆਖਰੀ ਤਰੀਕ 9 ਮਾਰਚ ਹੈ ਅਤੇ ਵੋਟਿੰਗ 27 ਮਾਰਚ ਨੂੰ ਹੋਵੇਗੀ। ਦੂਜੇ ਪੜਾਅ ਵਿੱਚ 13 ਜ਼ਿਲ੍ਹਿਆਂ ਦੀਆਂ 39 ਸੀਟਾਂ ਲਈ ਵੋਟਿੰਗ 1 ਅਪ੍ਰੈਲ ਨੂੰ ਹੋਵੇਗੀ। ਤੀਜੇ ਪੜਾਅ ਵਿੱਚ, 12 ਜ਼ਿਲ੍ਹਿਆਂ ਦੀਆਂ 41 ਵਿਧਾਨ ਸਭਾ ਸੀਟਾਂ ਲਈ 6 ਅਪ੍ਰੈਲ ਨੂੰ ਵੋਟਿੰਗ ਹੋਵੇਗੀ।
ਦੇਖੋ ਵੀਡੀਓ : ਕਿਸਾਨਾਂ ਨੇ KMP ਰੋਡ ਤੇ ਹੀ ਲਾ ਲਈ ਮਹਿਫ਼ਿਲ, ਢੋਲ ‘ਤੇ ਢੋਲ ‘ਤੇ ਗਾ ਕੇ ਬੰਨ੍ਹੇ ਨਜ਼ਾਰੇ
