ਦੇਸ਼ ਵਿੱਚ 30 ਅਕਤੂਬਰ ਨੂੰ ਤਿੰਨ ਲੋਕ ਸਭਾ ਅਤੇ 29 ਵਿਧਾਨ ਸਭਾ ਸੀਟਾਂ ਲਈ ਹੋਈਆਂ ਉਪ ਚੋਣਾਂ ਦੀ ਗਿਣਤੀ ਸ਼ੁਰੂ ਹੋ ਗਈ ਹੈ। ਤਿੰਨ ਲੋਕ ਸਭਾ ਸੀਟਾਂ ਦਾਦਰਾ ਅਤੇ ਨਗਰ ਹਵੇਲੀ, ਹਿਮਾਚਲ ਪ੍ਰਦੇਸ਼ ਵਿੱਚ ਮੰਡੀ ਅਤੇ ਮੱਧ ਪ੍ਰਦੇਸ਼ ਵਿੱਚ ਖੰਡਵਾ ਹਨ। ਵਿਧਾਨ ਸਭਾ ਦੀ ਗੱਲ ਕਰੀਏ ਤਾਂ ਅਸਾਮ ਦੀਆਂ ਪੰਜ, ਬੰਗਾਲ ਦੀਆਂ ਚਾਰ, ਮੱਧ ਪ੍ਰਦੇਸ਼, ਮੇਘਾਲਿਆ ਅਤੇ ਹਿਮਾਚਲ ਦੀਆਂ ਤਿੰਨ-ਤਿੰਨ, ਰਾਜਸਥਾਨ, ਬਿਹਾਰ ਅਤੇ ਕਰਨਾਟਕ ਦੀਆਂ ਦੋ-ਦੋ, ਆਂਧਰਾ ਪ੍ਰਦੇਸ਼, ਹਰਿਆਣਾ, ਮਹਾਰਾਸ਼ਟਰ, ਮਿਜ਼ੋਰਮ ਅਤੇ ਤੇਲੰਗਾਨਾ ਦੀਆਂ ਇੱਕ-ਇੱਕ ਸੀਟਾਂ ਦੇ ਨਤੀਜੇ ਆਉਣ ਵਾਲੇ ਹਨ।
ਹਿਮਾਚਲ ਪ੍ਰਦੇਸ਼ ਵਿੱਚ ਕਾਂਗਰਸ ਨੇ ਇੱਕ ਵਾਰ ਫਿਰ ਲੀਡ ਲੈ ਲਈ ਹੈ। ਇੱਥੇ ਮੰਡੀ ਸੰਸਦੀ ਸੀਟ ‘ਤੇ ਕਾਂਗਰਸੀ ਨੇਤਾ ਵੀਰਭੱਦਰ ਸਿੰਘ ਦੀ ਪਤਨੀ ਪ੍ਰਤਿਭਾ ਸਿੰਘ ਇਕ ਵਾਰ ਫਿਰ ਭਾਜਪਾ ਦੇ ਬ੍ਰਿਗੇਡੀਅਰ ਕੁਸ਼ਲ ਚੰਦ ਠਾਕੁਰ ਤੋਂ ਅੱਗੇ ਚੱਲ ਰਹੀ ਹੈ। ਮੱਧ ਪ੍ਰਦੇਸ਼ ਉਪ ਚੋਣਾਂ ‘ਚ ਭਾਜਪਾ ਚਾਰ ਸੀਟਾਂ ‘ਤੇ ਅੱਗੇ ਚੱਲ ਰਹੀ ਹੈ। ਖੰਡਵਾ ਲੋਕ ਸਭਾ ਸੀਟ ਭਾਜਪਾ ਦੇ ਖਾਤੇ ‘ਚ ਜਾਂਦੀ ਨਜ਼ਰ ਆ ਰਹੀ ਹੈ। ਹਿਮਾਚਲ ਦੀ ਮੰਡੀ ਵਿੱਚ ਭਾਜਪਾ 301 ਵੋਟਾਂ ਨਾਲ ਅੱਗੇ ਹੈ। ਜਾਣਕਾਰੀ ਅਨੁਸਾਰ ਹੁਣ ਤੱਕ ਭਾਜਪਾ ਨੂੰ 85442 ਵੋਟਾਂ ਮਿਲੀਆਂ ਹਨ ਜਦਕਿ ਕਾਂਗਰਸ ਨੂੰ 85141 ਵੋਟਾਂ ਮਿਲੀਆਂ ਹਨ। ਨੋਟਾ ਵਿੱਚ 3,277 ਵੋਟਾਂ ਪਈਆਂ ਹਨ। ਬਿਹਾਰ ਦੇ ਕੁਸ਼ੇਸ਼ਵਰਸਥਾਨ ਵਿੱਚ ਵੀ ਆਰਜੇਡੀ ਦੂਜੇ ਗੇੜ ਵਿੱਚ 510 ਵੋਟਾਂ ਨਾਲ ਅੱਗੇ ਹੈ। ਜਦੋਂ ਕਿ ਤਾਰਾਪੁਰ ਵਿੱਚ ਜੇਡੀਯੂ ਪਹਿਲੇ ਦੌਰ ਵਿੱਚ ਅੱਗੇ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
Atta Burfi Recipe | ਦੁੱਧ ਅਤੇ ਖੋਏ ਤੋਂ ਬਿਨਾਂ ਆਟਾ ਬਰਫੀ | Wheat Flour Burfi | Diwali Special Desserts
