India 17 Raphael in March: ਹੁਣ ਜਿਹੜੇ ਲੋਕ ਭਾਰਤ ਵੱਲ ਨਜ਼ਰ ਮਾਰ ਰਹੇ ਹਨ ਉਨ੍ਹਾਂ ਨੂੰ ਵਧੇਰੇ ਸਾਵਧਾਨ ਰਹਿਣਾ ਚਾਹੀਦਾ ਹੈ ਕਿਉਂਕਿ ਭਾਰਤੀ ਹਵਾਈ ਸੈਨਾ ਦੀ ਤਾਕਤ ਵਧਣ ਜਾ ਰਹੀ ਹੈ। ਰਾਫੇਲ ਜਹਾਜ਼ ਭਾਰਤੀ ਹਵਾਈ ਸੈਨਾ ਦੀ ਤਾਕਤ ਵਧਾਏਗਾ। ਰਾਜ ਸਭਾ ਵਿੱਚ ਅੱਜ (ਸੋਮਵਾਰ ਨੂੰ) ਜਾਣਕਾਰੀ ਦਿੰਦੇ ਹੋਏ ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਨੇ ਕਿਹਾ ਕਿ ਮਾਰਚ ਤੱਕ ਭਾਰਤ ਕੋਲ ਕੁਲ 17 ਰਾਫੇਲ ਜਹਾਜ਼ ਹੋਣਗੇ।
ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਨੇ ਰਾਜ ਸਭਾ ਵਿੱਚ ਕਿਹਾ ਕਿ ਭਾਰਤ ਕੋਲ ਇਸ ਸਮੇਂ 11 ਰਾਫੇਲ ਜਹਾਜ਼ ਹਨ। ਮਾਰਚ ਤੱਕ ਭਾਰਤ ਕੋਲ ਕੁਲ 17 ਰਾਫੇਲ ਜਹਾਜ਼ ਹੋਣਗੇ। ਇਸ ਦੇ ਨਾਲ ਹੀ, ਅਪ੍ਰੈਲ 2022 ਤੱਕ, ਰਾਫੇਲ ਜਹਾਜ਼ਾਂ ਦਾ ਪੂਰਾ ਜੱਥਾ ਭਾਰਤ ਪਹੁੰਚ ਜਾਵੇਗਾ। ਦੱਸ ਦਈਏ ਕਿ ਅਗਲੇ ਮਹੀਨੇ ਮਾਰਚ ਵਿੱਚ 6 ਹੋਰ ਰਾਫੇਲ ਜਹਾਜ਼ ਫਰਾਂਸ ਤੋਂ ਭਾਰਤ ਪਹੁੰਚਣਗੇ ਅਤੇ ਭਾਰਤੀ ਹਵਾਈ ਸੈਨਾ ਨੂੰ ਮਜ਼ਬੂਤ ਕਰਨਗੇ। ਭਾਰਤ ਨੇ ਫਰਾਂਸ ਤੋਂ ਕੁਲ 36 ਰਾਫੇਲ ਖਰੀਦੇ ਹਨ।
