ਬਜਰੰਗ ਬਲ ‘ਤੇ ਪ੍ਰਤੀਬੰਧ ਲਗਾਉਣ ਦੇ ਕਾਂਗਰਸ ਦੇ ਘੋਸ਼ਣਾਪੱਤਰ ਦੇ ਵਾਅਦੇ ਨੂੰ ਲੈ ਕੇ ਪੀਐੱਮ ਮੋਦੀ ਲਗਾਤਾਰ ਹਮਲਾਵਰ ਹੈ। ਉਨ੍ਹਾਂ ਨੇ ਅੱਜ ਬੱਲਾਰੀ ਵਿਚ ਇਕ ਜਨਸਭਾ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਕਾਂਗਰਸ ਦੇ ਘੋਸ਼ਣਾ ਪੱਤਰ ਵਿਚ ਬਹੁਤ ਸਾਰੇ ਝੂਠੇ ਵਾਅਦੇ ਹਨ। ਕਾਂਗਰਸ ਦਾ ਘੋਸ਼ਣਾ ਪੱਤਰ ਮਤਲਬ ਤਾਲਾਬੰਦੀ ਤੇ ਤੁਸ਼ਟੀਕਰਨ ਦਾ ਬੰਡਲ ਹੈ। ਹੁਣ ਤਾਂ ਕਾਂਗਰਸ ਦੀ ਹਾਲਤ ਇੰਨੀ ਬੁਰੀ ਹੈ ਕਿ ਉਨ੍ਹਾਂ ਦੇ ਪੈਰ ਕੰਪ ਰਹੇ ਹਨ ਤੇ ਇਸ ਲਈ ਕਾਂਗਰਸ ਨੂੰ ਮੇਰੇ ਜੈ ਬਜਰੰਗ ਬਲੀ ਬੋਲਣ ‘ਤੇ ਵੀ ਇਤਰਾਜ਼ ਹੋਣ ਲੱਗੀ ਹੈ, ਪੀਐੱਮ ਮੋਦੀ ਨੇ ਫਿਲਮ ‘ਦ ਕੇਰਲਾ ਸਟੋਰੀ’ ਦਾ ਵੀ ਜ਼ਿਕਰ ਕੀਤਾ।
ਉਨ੍ਹਾਂ ਕਿਹਾ ਕਿ ਮੈਂ ਇਹ ਦੇਖ ਕੇ ਹੈਰਾਨ ਹਾਂ ਕਿ ਆਪਣੀ ਵੋਟ ਬੈਂਕ ਦੇ ਖਾਤਰ ਕਾਂਗਰਸ ਨੇ ਅੱਤਵਾਦ ਦੇ ਸਾਹਮਣੇ ਗੋਡੇ ਟੇਕ ਦਿੱਤੇ ਹਨ। ਅਜਿਹੇ ਪਾਰਟੀ ਕੀ ਕਦੇ ਵੀ ਕਰਨਾਟਕ ਦੀ ਰੱਖਿਆ ਕਰ ਸਕਦੀ ਹੈ। ਅੱਤਵਾਦ ਦੇ ਮਾਹੌਲ ਵਿਚ ਇਥੋਂ ਦੇ ਉਦਯੋਗ, ਆਈਡੀ ਇੰਡਸਟਰੀ, ਖੇਤੀ, ਕਿਸਾਨੀ ਤੇ ਗੌਰਵਮਈ ਸੰਸਕ੍ਰਿਤੀ ਸਾਰਾ ਕੁਝ ਤਬਾਹ ਹੋ ਜਾਵੇਗੀ। ਬੀਤੇ ਕੁਝ ਸਾਲਾਂ ਵਿਚ ਅੱਤਵਾਦ ਦਾ ਇਕ ਹੋਰ ਭਿਆਨਕ ਰੂਪ ਪੈਦਾ ਹੋ ਗਿਆ ਹੈ। ਬੰਬ, ਬੰਦੂਕ ਤੇ ਪਿਸਤੌਲ ਦੀ ਆਵਾਜ਼ ਦਾ ਸੁਣਾਈ ਦਿੰਦੀ ਹੈ ਪਰ ਸਮਾਜ ਨੂੰ ਅੰਦਰੋਂ ਖੋਖਲਾ ਕਰਨ ਦੀ ਅੱਤਵਾਦੀ ਸਾਜਿਸ਼ ਦੀ ਕੋਈ ਆਵਾਜ਼ ਨਹੀਂ ਹੁੰਦੀ।
ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਅਜਿਹੀ ਹੀ ਅੱਤਵਾਦੀ ਸਾਜਿਸ਼ ‘ਤੇ ਬਣੀ ਫਿਲਮ ‘ਦਿ ਕੇਰਲਾ ਸਟੋਰੀ’ ਦੀ ਇਨ੍ਹੀਂ ਦਿਨੀਂ ਕਾਫੀ ਚਰਚਾ ਹੈ। ਕਹਿੰਦੇ ਹਨ ਕੇਰਲਾ ਸਟੋਰੀ ਸਿਰਫ ਇਕ ਸੂਬੇ ਵਿਚ ਹੋਈ ਅੱਤਵਾਦੀ ਸਾਜਿਸ਼ਾਂ ‘ਤੇ ਆਧਾਰਿਤ ਹੈ। ਦੇਸ਼ ਦਾ ਇੰਨਾ ਖੂਬਸੂਰਤ ਸੂਬਾ, ਜਿਥੋਂ ਦੇ ਲੋਕ ਇੰਨੇ ਮਿਹਨਤੀ ਤੇ ਪ੍ਰਤਿਭਾਵਾਨ ਹੁੰਦੇ ਹਨ, ਉਸ ਕੇਰਲਾ ਵਿਚ ਚੱਲ ਰਹੀ ਅੱਤਵਾਦੀ ਸਾਜਿਸ਼ ਦਾ ਖੁਲਾਸਾ ਇਸ ਫਿਲਮ ਵਿਚ ਕੀਤਾ ਗਿਆ ਹੈ। ਇਸ ਸਿਨੇਮਾ ਦਾ ਵੀ ਕਾਂਗਰਸ ਨੇ ਵਿਰੋਧ ਕੀਤਾ। ਇੰਨਾ ਹੀ ਨਹੀਂ, ਅਜਿਹੀ ਅੱਤਵਾਦੀ ਪ੍ਰਵਿਰਤੀ ਵਾਲਿਆਂ ਤੋਂ ਕਾਂਗਰਸ ਪਿਛਲੇ ਦਰਵਾਜ਼ੇ ਤੋਂ ਸਿਆਸੀ ਸੌਦੇਬਾਜ਼ੀ ਤੱਕ ਕਰ ਰਹੀ ਹੈ।
ਇਹ ਵੀ ਪੜ੍ਹੋ : ਫਿਰੋਜ਼ਪੁਰ : ਸਕੂਲ ਟੀਚਰ ਨੂੰ ਤੇਜ਼ ਰਫਤਾਰ ਕਾਰ ਨੇ ਮਾਰੀ ਟੱਕਰ, ਮੌ.ਤ, 3 ਬੱਚਿਆਂ ਦੀ ਮਾਂ ਸੀ ਜਸਵੰਤ ਕੌਰ
PM ਮੋਦੀ ਨੇ ਕਿਹਾ ਕਿ ਕੱਲ੍ਹ ਇਥੇ ਇੰਨੇ ਮੀਂਹ ਦੇ ਬਾਅਦ, ਇੰਨੀਆਂ ਮੁਸ਼ਕਲਾਂ ਸੀ ਇਸ ਦੇ ਬਾਵਜੂਦ ਇਹ ਲੋਕ ਭਾਜਪਾ ਨੂੰ ਆਸ਼ੀਰਵਾਦ ਦੇਣ ਆਇਆ ਹੈ। ਇਹ ਦਰਸਾਉਂਦਾ ਹੈ ਕਿ ਚੋਣਾਂ ਦੇ ਨਤੀਜੇ ਕੀ ਹਨ। ਕਰਨਾਟਕ ਨੂੰ ਦੇਸ਼ ਦਾ ਨੰਬਰ ਵਨ ਸੂਬਾ ਬਣਾਉਣ ਲਈ ਸੁਰੱਖਿਆ ਵਿਵਸਥਾ, ਲਾਅ ਐਂਡ ਆਰਡਰ ਸਭ ਤੋਂ ਮੁੱਖ ਲੋੜ ਹੈ। ਕਰਨਾਟਕ ਦਾ ਅੱਤਵਾਦ ਤੋਂ ਮੁਕਤ ਰਹਿਣਾ ਵੀ ਓਨਾ ਹੀ ਜ਼ਰੂਰੀ ਹੈ। ਭਾਜਪਾ ਹਮੇਸ਼ਾ ਤੋਂ ਅੱਤਵਾਦ ਦੇ ਖਿਲਾਫ ਸਖਤ ਰਹੀ ਹੈ। ਜਦੋਂ ਵੀ ਅੱਤਵਾਦ ‘ਤੇ ਕਾਰਵਾਈ ਹੁੰਦੀ ਹੈ ਤਾਂ ਕਾਂਗਰਸ ਦੇ ਪੇਟ ਵਿਚ ਦਰਦ ਹੋਣ ਲੱਗਦਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“12 ਵੀ ਪਾਸ ਜੱਟ ਨੇ SHARE MARKET ‘ਚ ਪਾਈ ਧੱਕ , ਇੱਕ ਦਿਨ ‘ਚ ਕਮਾ ਲੈਂਦਾ ਲੱਖਾਂ ਰੁਪਏ ! “
