Refusal to give chicken: ਮਹਾਰਾਸ਼ਟਰ ਦੇ ਨਾਗਪੁਰ ਤੋਂ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਦੇਰ ਰਾਤ ਕੁਝ ਸ਼ਰਾਬੀ ਲੋਕਾਂ ਨੇ ਢਾਬੇ ਨੂੰ ਅੱਗ ਲਾ ਦਿੱਤੀ। ਢਾਬੇ ਵਾਲੇ ਵਿਅਕਤੀ ਦੀ ਗਲਤੀ ਸਿਰਫ ਇੰਨੀ ਸੀ ਕਿ ਉਸਨੇ ਸ਼ਰਾਬੀ ਲੋਕਾਂ ਨੂੰ ਚਿਕਨ ਦੇਣ ਤੋਂ ਇਨਕਾਰ ਕਰ ਦਿੱਤਾ, ਕਿਉਂਕਿ ਚਿਕਨ ਢਾਬੇ ਵਿੱਚ ਖਤਮ ਹੋ ਗਿਆ ਸੀ। ਫਿਲਹਾਲ ਪੁਲਿਸ ਨੇ ਮਾਮਲਾ ਦਰਜ ਕਰਕੇ ਦੋਸ਼ੀ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਦਰਅਸਲ, ਇਹ ਸਾਰਾ ਮਾਮਲਾ ਨਾਗਪੁਰ ਦੇ ਬੇਲਟਰੋਡੀ ਖੇਤਰ ਦਾ ਹੈ। ਜਿਥੇ ਐਤਵਾਰ ਰਾਤ ਨੂੰ 29 ਸਾਲਾ ਸ਼ੰਕਰ ਤਾਈਦਾ ਅਤੇ 19 ਸਾਲਾ ਸਾਗਰ ਪਟੇਲ ਖਾਣਾ ਖਾਣ ਲਈ ਸੜਕ ਕਿਨਾਰੇ ਢਾਬੇ ‘ਤੇ ਪਹੁੰਚੇ। ਦੋਵਾਂ ਨੇ ਢਾਬਾ ਮਾਲਕ ਤੋਂ ਚਿਕਨ ਮੰਗਵਾਇਆ, ਪਰ ਸਮਾਂ ਰਾਤ ਦੇ 1 ਵਜੇ ਸਨ ਅਤੇ ਢਾਬੇ ਵਿੱਚ ਚਿਕਨ ਖਤਮ ਹੋ ਗਿਆ ਸੀ। ਜਿਸ ਕਾਰਨ ਮਾਲਕ ਨੇ ਦੋਵਾਂ ਨੂੰ ਚਿਕਨ ਨਾ ਮਿਲ ਸਕਣ ਦੀ ਗੱਲ ਕਹੀ।
ਇਹ ਸੁਨ ਕੇ ਸ਼ੰਕਰ ਅਤੇ ਸਾਗਰ ਭੜਕ ਗਏ, ਅਤੇ ਉਨ੍ਹਾਂ ਨੇ ਢਾਬੇ ਨੂੰ ਅੱਗ ਲਗਾ ਦਿੱਤੀ। ਹਾਲਾਂਕਿ ਇਸ ਹਾਦਸੇ ਵਿੱਚ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ ਪਰ ਢਾਬੇ ਨੂੰ ਕਾਫੀ ਨੁਕਸਾਨ ਹੋਇਆ ਹੈ। ਫਿਲਹਾਲ ਇਸ ਘਟਨਾ ਤੋਂ ਬਾਅਦ ਢਾਬਾ ਮਾਲਕ ਦੀ ਸ਼ਿਕਾਇਤ ‘ਤੇ ਪੁਲਿਸ ਨੇ ਦੋਵਾਂ ਦੋਸ਼ੀਆਂ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਉਸ ਨੂੰ ਥਾਣੇ ਲਿਜਾਇਆ ਗਿਆ ਹੈ, ਜਿਥੇ ਉਸ ਤੋਂ ਪੁੱਛਗਿੱਛ ਕੀਤੀ ਜਾ ਰਹੀ ਹੈ।
ਦੇਖੋ ਵੀਡੀਓ : ਸਟੇਜ ਤੇ ਪਹੁੰਚੇ ਪਾਣੀ ਦੀਆਂ ਤੋਪਾਂ ਦਾ ਮੂੰਹ ਮੋੜਣ ਵਾਲੇ ਨਵਦੀਪ ਵੱਲੋਂ ਸੰਸਦ ਘੇਰਣ ਦਾ ਐਲਾਨ
