ਯੋਗੀ ਆਦਿੱਤਿਆਨਾਥ ਦੇ ਯੂਪੀ ਦੀ ਸੱਤਾ ਸੰਭਾਲਣ ਤੋਂ ਬਾਅਦ ਇੱਕ ਵਾਰ ਫਿਰ ਸ਼ਹਿਰਾਂ ਦੇ ਨਾਂ ਬਦਲਣ ਦੀ ਤਿਆਰੀ ਸ਼ੁਰੂ ਹੋ ਗਈ ਹੈ। ਇਹ ਮੁਸਲਿਮ ਨਾਵਾਂ ਵਾਲੇ ਸ਼ਹਿਰ ਹਨ ਅਤੇ ਇਨ੍ਹਾਂ ਵਿੱਚ ਲਗਭਗ 12 ਜ਼ਿਲ੍ਹੇ ਸ਼ਾਮਲ ਹਨ, ਪਰ ਫਿਲਹਾਲ 6 ਜ਼ਿਲ੍ਹੇ ਸ਼ੁਰੂ ਕੀਤੇ ਜਾਣੇ ਹਨ। ਇਸ ਸੂਚੀ ਵਿੱਚ ਪਹਿਲਾ ਨਾਂ ਅਲੀਗੜ੍ਹ ਤੋਂ ਬਾਅਦ ਫਰੂਖਾਬਾਦ, ਸੁਲਤਾਨਪੁਰ, ਬਦਾਊਨ, ਫਿਰੋਜ਼ਾਬਾਦ ਅਤੇ ਸ਼ਾਹਜਹਾਂਪੁਰ ਦਾ ਹੈ।
ਯੂਪੀ ਦੇ ਮੁੱਖ ਮੰਤਰੀ ਹੋਣ ਦੇ ਨਾਲ-ਨਾਲ ਯੋਗੀ ਆਦਿਤਿਆਨਾਥ ਗੋਰਖਪੁਰ ਦੇ ਮਸ਼ਹੂਰ ਗੋਰਖਨਾਥ ਮੰਦਰ ਦੇ ‘ਮਥਾਧੀਸ਼’ ਵੀ ਹਨ। ਗੋਰਖਪੁਰ ਦੇ ਸਾਂਸਦ ਦੇ ਤੌਰ ‘ਤੇ ਆਪਣੇ ਕਾਰਜਕਾਲ ਦੌਰਾਨ ਉਨ੍ਹਾਂ ਨੇ ਕਈ ਖੇਤਰਾਂ ਦੇ ਨਾਂ ਬਦਲੇ। ਇਸ ਵਿੱਚ ਉਰਦੂ ਬਾਜ਼ਾਰ ਨੂੰ ਹਿੰਦੀ ਬਾਜ਼ਾਰ, ਹਮਾਯੂੰਪੁਰ ਤੋਂ ਹਨੂੰਮਾਨ ਨਗਰ, ਮੀਨਾ ਬਾਜ਼ਾਰ ਨੂੰ ਮਾਇਆ ਬਾਜ਼ਾਰ ਅਤੇ ਅਲੀਨਗਰ ਨੂੰ ਆਰੀਆ ਨਗਰ ਵਿੱਚ ਤਬਦੀਲ ਕਰ ਦਿੱਤਾ ਗਿਆ। ਯੋਗੀ ਦੇ ਪਿਛਲੇ ਕਾਰਜਕਾਲ ਵਿੱਚ, ਮੁਗਲਸਰਾਏ ਰੇਲਵੇ ਸਟੇਸ਼ਨ ਦਾ ਨਾਮ ਪੰਡਿਤ ਦੀਨਦਿਆਲ ਉਪਾਧਿਆਏ ਦੇ ਨਾਮ ਤੇ ਰੱਖਿਆ ਗਿਆ ਸੀ, ਫਿਰ ਇਲਾਹਾਬਾਦ ਪ੍ਰਯਾਗਰਾਜ ਅਤੇ ਫੈਜ਼ਾਬਾਦ ਦਾ ਨਾਮ ਬਦਲ ਕੇ ਅਯੁੱਧਿਆ ਰੱਖਿਆ ਗਿਆ ਸੀ। ਸੂਤਰਾਂ ਅਨੁਸਾਰ ਕਰੀਬ 6 ਜ਼ਿਲ੍ਹੇ ਅਜਿਹੇ ਹਨ ਜਿਨ੍ਹਾਂ ‘ਤੇ ਅੰਦਰੂਨੀ ਸਹਿਮਤੀ ਬਣ ਚੁੱਕੀ ਹੈ ਤੇ ਮੋਹਰ ਲੱਗ ਚੁੱਕੀ ਹੈ। ਨਾਲ ਹੀ, ਹੋਰ ਠੋਸ ਇਤਿਹਾਸਕ ਸਬੂਤਾਂ ਵਾਲਾ ਪ੍ਰਸਤਾਵ ਆਉਣ ਵਾਲੇ ਵਿਧਾਨ ਸਭਾ ਸੈਸ਼ਨ ਵਿੱਚ ਪੇਸ਼ ਕਰਨ ਲਈ ਤਿਆਰ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“ਐਂਟੀ ਕਰੱਪਸ਼ਨ ਨੰਬਰ ‘ਤੇ ਪਹਿਲੀ ਸ਼ਿਕਾਇਤ, ਹੁਣ ਆਊ ਨਾਇਬ ਤਹਿਸੀਲਦਾਰ ਦੀ ਸ਼ਾਮਤ, ਦੇਖੋ ਕਿਵੇਂ ਲਈ ਰਿਸ਼ਵਤ”
