ਭਾਵੇਂ ਆਮ ਭਾਸ਼ਾ ਵਿੱਚ ਲੋਕ ਔਰਤਾਂ ਦੇ ਹਰ ਬੈਗ ਨੂੰ ਪਰਸ ਕਹਿੰਦੇ ਹਨ ਪਰ ਅਸਲ ਵਿੱਚ ਹਰ ਤਰ੍ਹਾਂ ਦੇ ਬੈਗ ਦੇ ਵੱਖ-ਵੱਖ ਨਾਂ ਹਨ। ਭਾਵੇਂ ਇਹ ਮੋਢੇ ‘ਤੇ ਪਹਿਨਿਆ ਹੋਇਆ ਬੈਗ ਹੋਵੇ ਜਾਂ ਹੱਥ ਵਿਚ ਲਿਆ ਪਰਸ, ਹਰ ਇਕ ਦਾ ਵੱਖਰਾ ਨਾਮ ਹੁੰਦਾ ਹੈ। ਹੁਣ ਤੱਕ ਤੁਸੀਂ ਕਈ ਤਰ੍ਹਾਂ ਦੇ ਪਰਸ ਬਾਰੇ ਪੜ੍ਹਿਆ ਅਤੇ ਸੁਣਿਆ ਹੋਵੇਗਾ, ਜੋ ਕਿ ਧਾਤ, ਚਮੜੇ, ਕੱਪੜੇ ਆਦਿ ਦੇ ਬਣੇ ਹੁੰਦੇ ਹਨ। ਪਰ ਕੀ ਤੁਸੀਂ ਕਦੇ ਅਜਿਹੇ ਪਰਸ ਬਾਰੇ ਸੁਣਿਆ ਹੈ ਜੋ 99 ਫੀਸਦੀ ਹਵਾ ਅਤੇ ਇੱਕ ਫੀਸਦੀ ਕੱਚ ਨਾਲ ਬਣਿਆ ਹੁੰਦਾ ਹੈ? ਜੇਕਰ ਨਹੀਂ ਤਾਂ ਇਨ੍ਹੀਂ ਦਿਨੀਂ ਇਕ ਅਜਿਹਾ ਹੀ ਪਰਸ ਲੋਕਾਂ ‘ਚ ਚਰਚਾ ‘ਚ ਹੈ।
ਇਸ ਪਰਸ ਨੂੰ ਕੋਪਰਨੀ ਬ੍ਰਾਂਡ ਕੰਪਨੀ ਨੇ ਪੈਰਿਸ ਫੈਸ਼ਨ ਵੀਕ ‘ਚ ਲਾਂਚ ਕੀਤਾ ਹੈ। ਇਸ ਨੂੰ ਇਸ ਤਰ੍ਹਾਂ ਬਣਾਉਣ ਲਈ ਧਰਤੀ ‘ਤੇ ਸਭ ਤੋਂ ਹਲਕੇ ਠੋਸ ਪਦਾਰਥ ਦੀ ਵਰਤੋਂ ਕੀਤੀ ਗਈ ਹੈ। ਜੋ ਹੁਣ ਪੂਰੀ ਤਰ੍ਹਾਂ ਪਾਰਦਰਸ਼ੀ ਪਰਸ ਵਾਂਗ ਦਿਖਾਈ ਦਿੰਦਾ ਹੈ। ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਇਹ ਬਹੁਤ ਹਲਕਾ ਹੈ ਪਰ ਇੰਨਾ ਮਜ਼ਬੂਤ ਹੈ ਕਿ ਇਹ ਆਪਣੇ ਵਜ਼ਨ ਤੋਂ 4000 ਗੁਣਾ ਜ਼ਿਆਦਾ ਭਾਰ ਚੁੱਕ ਸਕਦਾ ਹੈ। ਹਾਲਾਂਕਿ ਇਹ ਆਸਾਨ ਲੱਗਦਾ ਹੈ, ਪਰ ਇਸ ਪਰਸ ਨੂੰ ਬਣਾਉਣਾ ਕਾਫੀ ਮੁਸ਼ਕਲ ਹੈ।
ਇਸ ਨੂੰ ਬਣਾਉਣ ਲਈ ਕੋਪਰਨੀ ਬ੍ਰਾਂਡ ਨੇ ਅਮਰੀਕੀ ਯੂਨੀਵਰਸਿਟੀ ਆਫ ਸਾਈਪ੍ਰਸ ਦੇ ਵਿਜ਼ੂਅਲ ਆਰਟਿਸਟ ਅਤੇ ਖੋਜਕਰਤਾ ਇਓਨਿਸ ਮਾਈਕਲੌਡਿਸ ਦੀ ਮਦਦ ਲਈ ਹੈ। ਇਸ ਨੂੰ ਬਣਾਉਣ ਤੋਂ ਪਹਿਲਾਂ, 15 ਪ੍ਰੋਟੋਟਾਈਪ ਬਣਾਏ ਗਏ ਸਨ ਅਤੇ ਆਖਰਕਾਰ ਇਸ ਕਿਸਮ ਦਾ ਡਿਜ਼ਾਈਨ ਸਾਹਮਣੇ ਆਇਆ। ਇਸ ਨੂੰ ਬਣਾਉਣ ਵਾਲੇ ਕਲਾਕਾਰ ਨੇ ਕਿਹਾ ਕਿ ਇਹ ਪਰਸ ਐਨਾ ਕੱਚ ਵਰਗਾ ਹੈ ਕਿ ਜੇ ਤੁਸੀਂ ਇਸ ਨੂੰ ਮੇਜ਼ ‘ਤੇ ਸੁੱਟੋਗੇ ਤਾਂ ਤੁਹਾਨੂੰ ਕੱਚ ਵਰਗੀ ਆਵਾਜ਼ ਸੁਣਾਈ ਦੇਵੇਗੀ, ਪਰ ਇਹ ਕੱਚ ਵਾਂਗ ਨਹੀਂ ਟੁੱਟੇਗਾ।
ਇਹ ਵੀ ਪੜ੍ਹੋ : ਬੰਦੇ ਨੇ ਰੈਸਟੋਰੈਂਟ ਤੋਂ ਆਰਡਰ ਕੀਤੀ ਡਿਸ਼, ਪਹਿਲੀ ਬੁਰਕੀ ਖਾਂਦੇ ਹੀ ਗਈ ਜਾ.ਨ, ਹੈਰਾਨ ਕਰ ਦੇਵੇਗਾ ਮਾਮਲਾ
ਕੰਪਨੀ ਨੇ ਇਸ ਬੈਗ ਦਾ ਵੀਡੀਓ ਆਪਣੇ ਇੰਸਟਾਗ੍ਰਾਮ ‘ਤੇ ਸ਼ੇਅਰ ਕੀਤਾ ਹੈ, ਜਿੱਥੇ ਉਸ ਨੇ ਦੱਸਿਆ ਕਿ ਨਾਸਾ ਇਸ ਦੀ ਵਰਤੋਂ ਪੁਲਾੜ ‘ਚ ਧੂੜ ਦੇ ਕਣਾਂ ਨੂੰ ਇਕੱਠਾ ਕਰਨ ਲਈ ਕਰਦਾ ਹੈ। ਬੈਗ ਦੇ ਇਸ ਵੀਡੀਓ ਨੂੰ 93 ਹਜ਼ਾਰ ਤੋਂ ਵੱਧ ਲੋਕ ਦੇਖ ਚੁੱਕੇ ਹਨ ਅਤੇ ਕਮੈਂਟ ਕਰਕੇ ਆਪਣੀ ਪ੍ਰਤੀਕਿਰਿਆ ਦੇ ਰਹੇ ਹਨ। ਇਕ ਨੇ ਲਿਖਿਆ, ‘ਇਹ ਪਰਸ ਸੱਚਮੁੱਚ ਬਹੁਤ ਸ਼ਾਨਦਾਰ ਹੈ।’ ਜਦਕਿ ਦੂਜੇ ਨੇ ਲਿਖਿਆ, ‘ਜਿਸ ਤਰ੍ਹਾਂ ਇਸ ਨੂੰ ਮਹਿੰਗਾ ਬਣਾਇਆ ਗਿਆ ਹੈ… ਇਸ ਦੀ ਕੀਮਤ ਵੀ ਓਨੀ ਜ਼ਿਆਦਾ ਹੋਵੇਗੀ।’
ਵੀਡੀਓ ਲਈ ਕਲਿੱਕ ਕਰੋ -:
