ਬਾਲੀਵੁੱਡ ਤੋਂ ਹਾਲੀਵੁੱਡ ਪਹੁੰਚੀ ਪ੍ਰਿਯੰਕਾ ਚੋਪੜਾ ਵੀ ਆਪਣੀ ਪਰਿਵਾਰਕ ਜ਼ਿੰਦਗੀ ਨੂੰ ਖੂਬ ਇੰਜੁਆਏ ਕਰਦੀ ਹੈ। ਨਿਕ ਜੋਨਸ ਨਾਲ ਵਿਆਹ ਕਰਨ ਤੋਂ ਬਾਅਦ ਉਹ ਜੋਨਸ ਪਰਿਵਾਰ ਨਾਲ ਸਮਾਂ ਬਿਤਾਉਂਦੀ ਹੈ। ਹਾਲ ਹੀ ‘ਚ ਉਸ ਦੇ ਜੋਨਸ ਪਰਿਵਾਰ ਤੋਂ ਇਕ ਬੁਰੀ ਖਬਰ ਸਾਹਮਣੇ ਆਈ ਹੈ। ਦਰਅਸਲ, ਪ੍ਰਿਯੰਕਾ ਚੋਪੜਾ ਦੇ ਜੇਠ ਨੂੰ ਚਮੜੀ ਦਾ ਕੈਂਸਰ ਹੋ ਗਿਆ ਹੈ, ਜਿਸ ਲਈ ਉਸ ਨੂੰ ਸਰਜਰੀ ਕਰਵਾਉਣੀ ਪਈ ਸੀ। ਹਾਲ ਹੀ ‘ਚ ਗਾਇਕਾ ਅਤੇ ਪ੍ਰਿਅੰਕਾ ਚੋਪੜਾ ਦਾ ਜੇਠ ਕੇਵਿਨ ਜੋਨਸ ਇਸ ਲਈ ਸੁਰਖੀਆਂ ‘ਚ ਬਣਿਆ ਹੋਇਆ ਹੈ ਕਿਉਂਕਿ ਉਸ ਨੂੰ ਮੋਕੇ (ਮੱਸੇ) ਦੇ ਇਲਾਜ ਲਈ ਹਸਪਤਾਲ ‘ਚ ਭਰਤੀ ਹੋਇਆ ਪਿਆ। ਜਦੋਂ ਸਿੰਗਰ ਹਸਪਤਾਲ ਪਹੁੰਚਿਆ ਤਾਂ ਪਤਾ ਲੱਗਾ ਕਿ ਉਸ ਨੂੰ ਸਕਿੱਨ ਕੈਂਸਰ ਹੈ। ਉਸ ਨੇ ਆਪਣੇ ਇੰਸਟਾਗ੍ਰਾਮ ਹੈਂਡਲ ‘ਤੇ ਵੀਡੀਓ ਪੋਸਟ ਕੀਤੀ ਹੈ ਅਤੇ ਸਰਜਰੀ ਤੋਂ ਪਹਿਲਾਂ ਅਤੇ ਬਾਅਦ ਦੀ ਵੀਡੀਓ ਵੀ ਸ਼ੇਅਰ ਕੀਤੀ ਹੈ। ਇਸ ਦੇ ਨਾਲ ਹੀ ਉਸ ਨੇ ਆਪਣੇ ਦਰਸ਼ਕਾਂ ਨੂੰ ਵੀ ਸੁਚੇਤ ਕੀਤਾ ਅਤੇ ਉਨ੍ਹਾਂ ਨੂੰ ਨਿਯਮਿਤ ਤੌਰ ‘ਤੇ ਆਪਣੇ ਮੋਲਾਂ ਦੀ ਜਾਂਚ ਕਰਦੇ ਰਹਿਣ ਲਈ ਕਿਹਾ।
‘ਲੀਵ ਬਿਫੋਰ ਯੂ ਲਵ ਮੀ’ ਦੇ ਗਾਇਕ ਕੇਵਿਨ ਦੇ ਮੱਥੇ ‘ਤੇ ਵਾਲਾਂ ਦੇ ਕੋਲ ਇੱਕ ਖਤਰਨਾਕ ਮੱਸਾ ਵੇਖਇਆ, ਜਿਸ ਦੇ ਇਲਾਜ ਤੋਂ ਬਾਅਦ ਪਤਾ ਲੱਗਾ ਕਿ ਇਹ ਚਮੜੀ ਦਾ ਕੈਂਸਰ ਹੈ। ਉਸ ਨੇ ਆਪਣੀ ਸਿਹਤ ਬਾਰੇ ਜਾਣਕਾਰੀ ਸਾਂਝੀ ਕਰਦਿਆਂ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਆਪਣੀ ਸਿਹਤ ਨੂੰ ਪਹਿਲ ਦੇਣ। ਮੰਗਲਵਾਰ 11 ਜੂਨ ਨੂੰ ਇੰਸਟਾਗ੍ਰਾਮ ‘ਤੇ ਇਕ ਵੀਡੀਓ ਸ਼ੇਅਰ ਕਰਦੇ ਹੋਏ ਕੇਵਿਨ ਨੇ ਆਪਣੀ ਚਮੜੀ ਦੇ ਕੈਂਸਰ ਦੀ ਸਰਜਰੀ ਬਾਰੇ ਦੱਸਿਆ। ਉਸ ਨੇ ਵੀਡੀਓ ਦੀ ਸ਼ੁਰੂਆਤ ਇਸ ਨਾਲ ਕੀਤੀ, ‘ਇਸ ਲਈ ਅੱਜ ਮੈਂ ਆਪਣੇ ਸਿਰ ਤੋਂ ਬੇਸਲ ਸੈੱਲ ਕਾਰਸੀਨੋਮਾ ਹਟਵਾ ਰਿਹਾ ਹਾਂ।’ ਉਸ ਨੇ ਕੈਮਰਾ ਚਮੜੀ ਦੀ ਅਸਧਾਰਨਤਾ ਦੀ ਸਹੀ ਜਗ੍ਹਾ ਦੇ ਨੇੜੇ ਰੱਖਿਆ ਅਤੇ ਕਿਹਾ, ‘ਹਾਂ, ਇਹ ਅਸਲ ਵਿੱਚ ਇੱਕ ਛੋਟਾ ਚਮੜੀ ਦਾ ਕੈਂਸਰ ਹੈ ਜੋ ਵਧਣਾ ਸ਼ੁਰੂ ਹੋ ਗਿਆ ਹੈ ਅਤੇ ਹੁਣ ਮੈਨੂੰ ਇਸ ਨੂੰ ਹਟਾਉਣ ਲਈ ਸਰਜਰੀ ਕਰਨੀ ਪਵੇਗੀ।’
ਵੀਡੀਓ ਦੇ ਕੈਪਸ਼ਨ ਵਿੱਚ ਲਿਖਿਆ ਹੈ, ‘ਆਪਣੇ ਮੋਲਸ ਦੀ ਜਾਂਚ ਕਰਵਾਓ, ਇਹ ਇੱਕ ਦੋਸਤਾਨਾ ਰੀਮਾਈਂਡਰ ਹੈ।’ ਫਿਰ, ਕੈਂਸਰ ਦੀ ਸਰਜਰੀ ਤੋਂ ਬਾਅਦ ਵੀ, ਗਾਇਕ ਨੇ ਇੱਕ ਵੀਡੀਓ ਪਾਈ ਜਿਸ ਵਿੱਚ ਉਸ ਦੇ ਮੱਥੇ ‘ਤੇ ਜਾਲੀਦਾਰ ਟੇਪ ਲਗਾਈ ਗਈ ਸੀ। ਉਸ ਨੇ ਇਮੋਜੀ ਨਾਲ ਸਰਜਰੀ ਦੇ ਨਿਸ਼ਾਨ ਲੁਕਾਉਣ ਦੀ ਕੋਸ਼ਿਸ਼ ਕੀਤੀ। ਇਸ ਵੀਡੀਓ ਨੂੰ ਦੇਖਣ ਤੋਂ ਬਾਅਦ ਲੋਕ ਚਿੰਤਾ ਜ਼ਾਹਰ ਕਰ ਰਹੇ ਹਨ ਅਤੇ ਕਹਿ ਰਹੇ ਹਨ ਕਿ ਮੋਕਾ ਕਿੰਨਾ ਖਤਰਨਾਕ ਹੋ ਸਕਦਾ ਹੈ। ਬਹੁਤ ਸਾਰੇ ਲੋਕ ਅੰਦਾਜ਼ਾ ਲਗਾ ਰਹੇ ਹਨ ਕਿ ਇਹ ਮੋਕਾ ਚਮੜੀ ਦੇ ਕੈਂਸਰ ਵਿੱਚ ਕਿਵੇਂ ਬਦਲ ਗਿਆ ਹੋ ਸਕਦਾ ਹੈ। ਬਹੁਤ ਸਾਰੇ ਲੋਕ ਹਨ ਜੋ ਕੇਵਿਨ ਦੇ ਜਲਦੀ ਠੀਕ ਹੋਣ ਦੀ ਕਾਮਨਾ ਕਰ ਰਹੇ ਹਨ।
ਇਹ ਵੀ ਪੜ੍ਹੋ : ਡਰਾਈਵਰ ‘ਤੇ ਬੰਦੂ.ਕ ਤਾਣ ਬੱਸ ਕੀਤੀ ਹਾਈਜੈਕ, ਬ.ਦਮਾ.ਸ਼ ਨੇ ਪੁਲਿਸ ਨੂੰ 30 KM ਦੌੜਾਇਆ, ਫਿਰ…
ਤੁਹਾਨੂੰ ਦੱਸ ਦੇਈਏ ਕਿ ਆਪਣੇ ਭਰਾ ਨਿਕ ਦੀ ਤਰ੍ਹਾਂ ਕੇਵਿਨ ਵੀ ਪ੍ਰਿਯੰਕਾ ਚੋਪੜਾ ਦੇ ਕਾਫੀ ਕਰੀਬ ਹਨ। ਨਿਕ ਦੇ ਨਾਲ ਕੇਵਿਨ ਵੀ ਭਾਰਤ ਆ ਚੁੱਕਾ ਹੈ ਅਤੇ ਕੰਸਰਟ ਵਿੱਚ ਪਰਫਾਰਮ ਵੀ ਕਰ ਚੁੱਕਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
