ਪਟਿਆਲਾ ਦੇ ਸਮਾਣਾ ਵਿਚ ਪੁਲਿਸ ਨੇ ਭਾਖੜਾ ਨਹਿਰ ਤੋਂ ਸ਼ੁੱਕਰਵਾਰ ਨੂੰ ਗੋਤਾਖੋਰਾਂ ਦੀ ਮਦਦ ਨਾਲ ਹਥਿਆਰਾਂ ਦੀ ਵੱਡੀ ਖੇਪ ਬਰਾਮਦ ਹੋਈ ਹੈ। ਸਮਾਣਾ ਪੁਲਿਸ ਵੱਲੋਂ ਅਣਪਛਾਤੇ ਵਿਅਕਤੀਆਂ ਖਿਲਾਫ ਕੇਸ ਦਰਜ ਕਰ ਲਿਆ ਗਿਆ ਹੈ। ਬਰਾਮਦ ਹਥਿਆਰਾਂ ਵਿਚ 3 ਏਅਰ ਪਿਸਤੌਲਾਂ, ਇਕ ਪੁਰਾਣੀ ਗਨ, ਦੋ ਰਾਕੇਟ ਲਾਂਚਰ, ਇੱਕ ਕੱਟੀ ਹੋਈ ਹੱਥਕੜੀ ਤੇ 46 ਕਾਰਤੂਸ ਸ਼ਾਮਲ ਹਨ।
ਹਥਿਆਰ ਬਾਹਰ ਕੱਢਣ ਪੁੱਜੀ ਗੋਤਾਖੋਰ ਦੀ ਟੀਮ ਦੇ ਪ੍ਰਧਾਨ ਸ਼ੰਕਰ ਭਾਰਦਵਾਜ ਨੇ ਦੱਸਿਆ ਕਿ ਨਹਿਰ ‘ਚ ਡੁੱਬਣ ਵਾਲੇ ਇੱਕ ਵਿਅਕਤੀ ਦੀ ਲਾਸ਼ ਦੀ ਲਗਭਗ 15 ਦਿਨ ਤੋਂ ਪਹਿਲਾਂ ਭਾਲ ਕੀਤੀ ਜਾ ਰਹੀ ਸੀ। ਇਸ ਦੌਰਾਨ ਨਹਿਰ ਦੀ ਸਤ੍ਹਾ ‘ਤੇ ਪਏ ਹਥਿਆਰਾਂ ਨੂੰ ਦੇਖਿਆ ਗਿਆ ਜਿਸ ਦੀ ਜਾਣਕਾਰੀ ਪੁਲਿਸ ਅਧਿਕਾਰੀਆਂ ਨੂੰ ਦਿੱਤੀ ਗਈ। ਥਾਣਾ ਸਿਟੀ ਸਮਾਣਾ ਦੇ ਕਾਰਜਕਾਰੀ ਇੰਚਾਰਚ ਪੂਰਨ ਸਿੰਘ ਨੇ ਨਹਿਰ ਤੋਂ ਹਥਿਆਰਾਂ ਦੇ ਮਿਲਣ ਦੀ ਪੁਸ਼ਟੀ ਕੀਤੀ।
