ਕਿਸੇ ਦੇਸ਼ ਦਾ ਰਾਜਾ ਹੋਣ ਦਾ ਮਤਲਬ ਹੈ ਕਿ ਉਹ ਉਸ ਦੇਸ਼ ਦਾ ਸਭ ਤੋਂ ਅਮੀਰ ਆਦਮੀ ਹੈ… ਪਰ ਬਰਤਾਨੀਆ ਨਾਲ ਅਜਿਹਾ ਨਹੀਂ ਹੈ। ਇੱਥੇ ਪ੍ਰਧਾਨ ਮੰਤਰੀ ਰਿਸ਼ੀ ਸੁਨਕ ਨੇ ਵੀ ਦੌਲਤ ਦੇ ਮਾਮਲੇ ਵਿੱਚ ਬ੍ਰਿਟੇਨ ਦੇ ਰਾਜਾ ਚਾਰਲਸ ਨੂੰ ਪਿੱਛੇ ਛੱਡ ਦਿੱਤਾ ਹੈ। ਬ੍ਰਿਟਿਸ਼ ਅਖਬਾਰ ਸੰਡੇ ਟਾਈਮਜ਼ ‘ਚ ਪ੍ਰਕਾਸ਼ਿਤ ਅਮੀਰਾਂ ਦੀ ਤਾਜ਼ਾ ਸੂਚੀ ਤੋਂ ਇਹ ਜਾਣਕਾਰੀ ਸਾਹਮਣੇ ਆਈ ਹੈ।
ਰਿਪੋਰਟ ਵਿੱਚ ਦੱਸਿਆ ਗਿਆ ਹੈ ਕਿ ਪੀਐਮ ਸੁਨਕ ਅਤੇ ਉਨ੍ਹਾਂ ਦੀ ਪਤਨੀ ਅਕਸ਼ਾ ਮੂਰਤੀ ਦੀ ਸੰਪਤੀ ਪਿਛਲੇ ਇੱਕ ਸਾਲ ਵਿੱਚ 12 ਕਰੋੜ ਪੌਂਡ (12.7 ਅਰਬ ਰੁਪਏ) ਤੋਂ ਵੱਧ ਕੇ ਕੁੱਲ 651 ਮਿਲੀਅਨ ਪੌਂਡ ਯਾਨੀ 68.67 ਅਰਬ ਰੁਪਏ ਹੋ ਗਈ ਹੈ। ਇਸ ਸਮੇਂ ਦੌਰਾਨ ਰਾਜਾ ਚਾਰਲਸ ਦੀ ਕੁੱਲ ਜਾਇਦਾਦ 60 ਕਰੋੜ ਪੌਂਡ ਤੋਂ ਵਧ ਕੇ 61 ਕਰੋੜ ਪੌਂਡ ਹੀ ਰਹੀ।
ਅਰਬਪਤੀਆਂ ਦੀ ਸੂਚੀ ਪ੍ਰਕਾਸ਼ਿਤ ਕਰਦੇ ਹੋਏ ਅਖਬਾਰ ਨੇ ਦਾਅਵਾ ਕੀਤਾ ਕਿ ਬ੍ਰਿਟੇਨ ‘ਚ ਅਮੀਰ ਲੋਕਾਂ ਦੀ ਗਿਣਤੀ ਘੱਟ ਰਹੀ ਹੈ। ਪਹਿਲੀ ਵਾਰ ਇਸ ਸੂਚੀ ਵਿੱਚ ਅਰਬਪਤੀਆਂ ਦੀ ਗਿਣਤੀ ਵਿੱਚ ਵੱਡੀ ਗਿਰਾਵਟ ਦੇਖਣ ਨੂੰ ਮਿਲੀ, ਜੋ ਸਾਲ 2022 ਵਿੱਚ 177 ਤੋਂ ਘਟ ਕੇ ਹੁਣ 165 ਹੋ ਗਈ ਹੈ।
ਇਸ ਸੂਚੀ ਵਿੱਚ ਭਾਰਤੀ ਮੂਲ ਦੇ ਬ੍ਰਿਟਿਸ਼ ਕਾਰੋਬਾਰੀ ਗੋਪੀ ਹਿੰਦੂਜਾ ਅਤੇ ਉਨ੍ਹਾਂ ਦਾ ਪਰਿਵਾਰ 37.2 ਬਿਲੀਅਨ ਪੌਂਡ ਦੀ ਕੁੱਲ ਜਾਇਦਾਦ ਦੇ ਨਾਲ ਸੂਚੀ ਵਿੱਚ ਸਭ ਤੋਂ ਉੱਪਰ ਹੈ, ਜੋ ਰੈਂਕਿੰਗ ਦੇ ਇਤਿਹਾਸ ਵਿੱਚ ਸਭ ਤੋਂ ਵੱਡੀ ਦੌਲਤ ਹੈ।
2024 ਸੰਡੇ ਟਾਈਮਜ਼ ਦੀ ਅਮੀਰ ਸੂਚੀ ਦੇ ਸਿਖਰਲੇ 10 ਵਿੱਚ ਆਰਸੇਲਰ ਮਿੱਤਲ ਸਟੀਲਵਰਕਸ ਦੇ ਐਨਆਰਆਈ ਕਾਰੋਬਾਰੀ ਲਕਸ਼ਮੀ ਐਨ. ਮਿੱਤਲ ਵੀ ਅੱਠਵੇਂ ਨੰਬਰ ‘ਤੇ ਹਨ। ਇਸ ਤੋਂ ਬਾਅਦ ਵੇਦਾਂਤਾ ਰਿਸੋਰਸਜ਼ ਉਦਯੋਗਪਤੀ ਅਨਿਲ ਅਗਰਵਾਲ 7 ਅਰਬ ਪੌਂਡ ਦੇ ਨਾਲ 23ਵੇਂ ਸਥਾਨ ‘ਤੇ ਹਨ।
ਇਹ ਵੀ ਪੜ੍ਹੋ : ਵੋਟਾਂ ਤੋਂ ਪਹਿਲਾਂ ਰਾਮ ਰਹੀਮ ਨੇ ਫੇਰ ਮੰਗੀ ਪੈਰੋਲ-ਫਰਲੋ, ਕਿਹਾ- ‘ਮੈਂ ਜੇਲ੍ਹੋਂ ਬਾਹਰ ਆਉਣ ਦਾ ਹੱਕਦਾਰ’
ਟੈਕਸਟਾਈਲ ਕਾਰੋਬਾਰੀ ਪ੍ਰਕਾਸ਼ ਲੋਹੀਆ 6.23 ਅਰਬ ਡਾਲਰ ਨਾਲ 2024 ਦੀ ਸੂਚੀ ਵਿੱਚ ਭਾਰਤੀ ਮੂਲ ਦੇ ਅਰਬਪਤੀਆਂ ਵਿੱਚ 30ਵੇਂ ਸਥਾਨ ‘ਤੇ ਹਨ; ਜਦੋਂ ਕਿ ਪ੍ਰਚੂਨ ਕੰਪਨੀਆਂ ਮੋਹਸਿਨ ਅਤੇ ਜ਼ੁਬੇਰ ਈਸਾ 5 ਅਰਬ ਪਾਊਂਡ ਦੇ ਨਾਲ 39ਵੇਂ ਸਥਾਨ ‘ਤੇ ਹਨ ਅਤੇ ਫਾਰਮਾ ਦਿੱਗਜ ਨਵੀਨ ਅਤੇ ਵਰਸ਼ਾ ਇੰਜੀਨੀਅਰ 3 ਅਰਬ ਡਾਲਰ ਦੇ ਨਾਲ 58ਵੇਂ ਸਥਾਨ ‘ਤੇ ਹਨ।
ਬ੍ਰਿਟੇਨ ਦੇ ਚੋਟੀ ਦੇ 10 ਸਭ ਤੋਂ ਅਮੀਰ ਲੋਕ
ਗੋਪੀ ਹਿੰਦੂਜਾ – 37.2 ਅਰਬ ਪਾਊਂਡ
ਸਰ ਲਿਓਨਾਰਡ ਬਲਾਵਟਨਿਕ – 29.2 ਅਰਬ ਪਾਊਂਡ
ਡੇਵਿਡ ਅਤੇ ਸਾਈਮਨ ਰਊਬੇਨ ਅਤੇ ਪਰਿਵਾਰ – 24.9 ਅਰਬ ਪਾਊਂਡ
ਜਿਮ ਰੈਟਕਲਿਫ – 23.5 ਅਰਬ ਪਾਊਂਡ
ਜੇਮਸ ਡਾਇਸਨ ਅਤੇ ਪਰਿਵਾਰ – 20.8 ਅਰਬ ਪਾਊਂਡ
ਬਾਰਨਬੀ ਅਤੇ ਮਾਰਲਿਨ ਸਵਾਇਰ ਅਤੇ ਫੈਮਿਲੀ – ਅਰਬ ਪਾਊਂਡ
ਇਡਾਨ ਆਫਰ – 14.9 ਅਰਬ ਪਾਊਂਡ
ਲਕਸ਼ਮੀ ਮਿੱਤਲ ਐਂਡ ਫੈਮਿਲੀ- 14.9 ਅਰਬ ਪਾਊਂਡ
ਗਾਈ, ਜਾਰਜ, ਅਲਾਨਾ, ਗੈਲੇਨ ਵੈਸਟਨ ਅਤੇ ਪਰਿਵਾਰ – 14.4 ਅਰਬ ਪਾਊਂਡ
ਜੌਨ ਫਰੈਡਰਿਕਸਨ ਅਤੇ ਪਰਿਵਾਰ – 12.8 ਅਰਬ ਪਾਊਂਡ
ਵੀਡੀਓ ਲਈ ਕਲਿੱਕ ਕਰੋ -:
