ਅੰਤਰਰਾਸ਼ਟਰੀ ਕ੍ਰਿਕਟ ਪ੍ਰੀਸ਼ਦ (ICC) ਨੇ ਬੰਗਲਾਦੇਸ਼ ਦੀ ਇਸ ਮੰਗ ਨੂੰ ਸਾਫ਼-ਸਾਫ਼ ਰੱਦ ਕਰ ਦਿੱਤਾ ਹੈ ਜਿਸ ਵਿਚ ਉਸ ਨੇ ਕਿਹਾ ਸੀ ਕਿ ਉਹ ਭਾਰਤ ਵਿੱਚ T20 ਵਿਸ਼ਵ ਕੱਪ ਨਹੀਂ ਖੇਡੇਗਾ। ਬੰਗਲਾਦੇਸ਼ ਨੇ ਮੰਗ ਕੀਤੀ ਸੀ ਕਿ ਉਸਦੇ ਮੈਚ ਸ਼੍ਰੀਲੰਕਾ ਵਿੱਚ ਸ਼ਿਫਟ ਕੀਤੇ ਜਾਣ। ਹਾਲਾਂਕਿ, ICC ਨੇ ਹੁਣ ਇਹ ਸਪੱਸ਼ਟ ਕਰ ਦਿੱਤਾ ਹੈ ਕਿ ਬੰਗਲਾਦੇਸ਼ ਨੂੰ T20 ਵਰਲਡ ਕੱਪ ਦੇ ਮੈਚ ਭਾਰਤ ਵਿੱਚ ਖੇਡਣੇ ਪੈਣਗੇ। ICC ਨੇ ਕਿਹਾ ਕਿ ਜੇ ਬੰਗਲਾਦੇਸ਼ ਅਜਿਹਾ ਨਹੀਂ ਕਰਦਾ ਹੈ, ਤਾਂ ਉਸਦੇ ਅੰਕ ਕੱਟੇ ਜਾਣਗੇ।
ਹੁਣ, ICC ਦੇ ਇਸ ਰੁਖ਼ ਤੋਂ ਬਾਅਦ ਬੰਗਲਾਦੇਸ਼ ਕੋਲ ਸਿਰਫ਼ ਦੋ ਆਪਸ਼ਨ ਹਨ: ਜਾਂ ਤਾਂ ਪੂਰੇ ਵਿਸ਼ਵ ਕੱਪ ਦਾ ਬਾਈਕਾਟ ਕਰੇ ਜਾਂ ICC ਦੀਆਂ ਸ਼ਰਤਾਂ ਨੂੰ ਸਵੀਕਾਰ ਕਰੇ ਅਤੇ ਮੈਚ ਖੇਡਣ ਲਈ ਭਾਰਤ ਆਵੇ। ਜੇਕਰ ਉਹ ਅਜਿਹਾ ਨਹੀਂ ਕਰਦੇ ਹਨ, ਤਾਂ ਉਸ ਦੇ ਲਈ ਵਰਲਡ ਕੱਪ ਖਤਮ ਹੀ ਸਮਝੋ ਕਿਉਂਕਿ ਉਸ ਨੂੰ ਆਪਣੇ ਹਰ ਮੈਚ ਲਈ ਅੰਕ ਗੁਆਉਣੇ ਪੈਣਗੇ ਤੇ ਵਿਰੋਧੀ ਧਿਰ ਟੀਮ ਨੂੰ ਵਾਕਓਵਰ ਮਿਲ ਜਾਏਗਾ, ਯਾਨੀ ਬਿਨਾਂ ਖੇਡੇ ਉਸ ਨੂੰ ਦੋ ਅੰਕ ਮਿਲ ਜਾਣਗੇ।
ਜੇਕਰ ਬੰਗਲਾਦੇਸ਼ ਭਾਰਤ ਦਾ ਦੌਰਾ ਨਹੀਂ ਕਰਦਾ ਹੈ, ਤਾਂ ਉਹ ਅੰਕ ਗੁਆ ਸਕਦਾ ਹੈ ਅਤੇ ਭਾਰਤ ਵਿੱਚ ਉਸ ਨੂੰ ਸਾਰੇ ਮੈਚਾਂ ਵਿੱਚ ਵਾਕਓਵਰ ਦੇਣਾ ਪੈ ਸਕਦਾ ਹੈ, ਜਿਸ ਨਾਲ ਦੂਜੀਆਂ ਟੀਮਾਂ ਨੂੰ ਪੂਰੇ ਦੋ ਅੰਕ ਮਿਲ ਜਾਣਗੇ। ਗਰੁੱਪ ਸਟੇਜ ਵਿਚ ਬੰਗਲਾਦੇਸ਼ ਦੇ 4 ਮੈਚ ਤੈਅ ਹਨ, ਹਾਲਾਂਕਿ ਸ਼੍ਰੀਲੰਕਾ ਟੂਰਨਾਮੈਂਟ ਦਾ ਸਹਿ-ਮੇਜਬਾਨ ਹੈ, ਪਰ ਬੰਗਲਾਦੇਸ਼ ਨੂੰ ਆਪਣੇ ਸਾਰੇ ਗਰੁੱਪ ਸਟੇਜ ਮੁਕਾਬਲੇ ਭਾਰਤ ਵਿਚ ਖੇਡਣੇ ਹਨ, ਉਨ੍ਹਾਂ ਦੇ ਚਾਰ ਵਿਚੋਂ ਤਿੰਨ ਮੈਚ ਕੋਲਕਾਤਾ ਵਿਚ ਖੇਡੇ ਜਾਣਗੇ, ਜਦਕਿ ਇੱਕ ਮੁਕਾਬਲਾ ਮੁੰਬਈ ਵਿਚ ਤੈਅ ਹੈ, ਯਾਨੀ ਉਸ ਨੂੰ 8 ਅੰਕ ਦ ਨੁਕਸਾਨ ਝੱਲਣਾ ਪਏਗਾ।
ਇਹ ਪਹਿਲਾਂ ਵੀ ਹੋਇਆ ਹੈ, 1996 ਦੇ ਵਿਸ਼ਵ ਕੱਪ ਵਿੱਚ, ਆਸਟ੍ਰੇਲੀਆ ਅਤੇ ਵੈਸਟਇੰਡੀਜ਼ ਨੇ ਮੇਜ਼ਬਾਨ ਸ਼੍ਰੀਲੰਕਾ ਵਿਰੁੱਧ ਖੇਡਣ ਲਈ ਯਾਤਰਾ ਨਹੀਂ ਕੀਤੀ ਸੀ। ਇਸੇ ਤਰ੍ਹਾਂ, 2003 ਦੇ ਵਿਸ਼ਵ ਕੱਪ ਵਿੱਚ, ਨਿਊਜ਼ੀਲੈਂਡ ਅਤੇ ਇੰਗਲੈਂਡ ਨੇ ਕ੍ਰਮਵਾਰ ਕੀਨੀਆ ਅਤੇ ਜ਼ਿੰਬਾਬਵੇ ਦਾ ਦੌਰਾ ਨਹੀਂ ਕੀਤਾ ਸੀ, ਜਿਸਦੇ ਨਤੀਜੇ ਵਜੋਂ ਦੋਵਾਂ ਟੀਮਾਂ ਲਈ ਵਾਕਓਵਰ ਸਨ। 2026 ਦੇ ਟੀ20 ਵਿਸ਼ਵ ਕੱਪ ਲਈ ਵੀ ਅਜਿਹੀ ਹੀ ਸੰਭਾਵਨਾ ਬਣ ਰਹੀ ਹੈ।
ਇਸ ਦੌਰਾਨ ਜੇਕਰ ਬੰਗਲਾਦੇਸ਼ ਟੀ20 ਵਿਸ਼ਵ ਕੱਪ ਦਾ ਬਾਈਕਾਟ ਕਰਦਾ ਹੈ, ਤਾਂ ਉਸਦੀ ਜਗ੍ਹਾ ਇੱਕ ਹੋਰ ਟੀਮ ਨੂੰ ਸ਼ਾਮਲ ਕੀਤਾ ਜਾ ਸਕਦਾ ਹੈ। ਇਹ ਪਹਿਲਾਂ ਵੀ ਹੋਇਆ ਹੈ, ਜਦੋਂ ਆਸਟ੍ਰੇਲੀਆ ਨੇ 2016 ਦੇ ਅੰਡਰ-19 ਵਿਸ਼ਵ ਕੱਪ ਲਈ ਬੰਗਲਾਦੇਸ਼ ਜਾਣ ਤੋਂ ਇਨਕਾਰ ਕਰ ਦਿੱਤਾ ਸੀ ਅਤੇ ਆਇਰਲੈਂਡ ਨੂੰ ਉਨ੍ਹਾਂ ਦੀ ਜਗ੍ਹਾ ਸ਼ਾਮਲ ਕੀਤਾ ਗਿਆ ਸੀ। ਹਾਲਾਂਕਿ, ਜੇਕਰ ਅਜਿਹੀ ਸਥਿਤੀ ਪੈਦਾ ਹੁੰਦੀ ਹੈ, ਤਾਂ ਇਸ ਵੇਲੇ ਕੋਈ ਸਪੱਸ਼ਟਤਾ ਨਹੀਂ ਹੈ ਕਿ ਬੰਗਲਾਦੇਸ਼ ਦੀ ਜਗ੍ਹਾ ਕਿਹੜੀ ਟੀਮ ਲਵੇਗੀ।
ਬੰਗਲਾਦੇਸ਼ ਦੇ ਗਰੁੱਪ ਸਟੇਜ ਮੈਚ (ਗਰੁੱਪ ਸੀ)
7 ਫਰਵਰੀ, 2026: ਵੈਸਟਇੰਡੀਜ਼ ਦੇ ਖਿਲਾਫ, ਈਡਨ ਗਾਰਡਨ, ਕੋਲਕਾਤਾ (ਸ਼ਾਮ 3:00 ਵਜੇ IST)
9 ਫਰਵਰੀ, 2026: ਇਟਲੀ ਦੇ ਖਿਲਾਫ, ਈਡਨ ਗਾਰਡਨ, ਕੋਲਕਾਤਾ (ਸ਼ਾਮ 11:00 ਵਜੇ IST)
14 ਫਰਵਰੀ, 2026: ਇੰਗਲੈਂਡ ਦੇ ਖਿਲਾਫ, ਈਡਨ ਗਾਰਡਨ, ਕੋਲਕਾਤਾ (ਸ਼ਾਮ 3:00 ਵਜੇ IST)
17 ਫਰਵਰੀ, 2026: ਨੇਪਾਲ ਦੇ ਖਿਲਾਫ, ਵਾਨਖੇੜੇ ਸਟੇਡੀਅਮ, ਮੁੰਬਈ (ਸ਼ਾਮ 7:00 ਵਜੇ IST)
ਇਹ ਵੀ ਪੜ੍ਹੋ : ਹ.ਥਿਆਰਾਂ ਦੀ ਨੁਮਾਇਸ਼ ਕਰਕੇ ਬੁਰਾ ਫਸਿਆ ਪੰਜਾਬੀ ਗਾਇਕ ਰੰਮੀ ਰੰਧਾਵਾ! ਪੁਲਿਸ ਨੇ ਲਿਆ ਐਕਸ਼ਨ
ਹੁਣ ਵਿਵਾਦ ਦੀ ਪੂਰੀ ਕਹਾਣੀ ਜਾਣੋ
ਦਰਅਸਲ, IPL ਟੀਮ KKR ਨੇ ਹਾਲ ਹੀ ਵਿੱਚ BCCI ਦੀ ਬੇਨਤੀ ‘ਤੇ ਬੰਗਲਾਦੇਸ਼ੀ ਤੇਜ਼ ਗੇਂਦਬਾਜ਼ ਮੁਸਤਫਿਜ਼ੁਰ ਰਹਿਮਾਨ ਨੂੰ ਰਿਹਾਅ ਕੀਤਾ ਹੈ। ਜਦੋਂ BCCI ਨੇ ਰਹਿਮਾਨ ਨੂੰ ਰਿਲੀਜ ਕਰ ਦਿੱਤਾ ਸੀ, ਤਾਂ ਬੰਗਲਾਦੇਸ਼ ਸਰਕਾਰ ਵੀ ਵਿਵਾਦ ਵਿੱਚ ਕੁੱਦ ਪਈ। ਇਸ ਨੇ 7 ਫਰਵਰੀ ਨੂੰ ਭਾਰਤ ਵਿੱਚ ਸ਼ੁਰੂ ਹੋਣ ਵਾਲੇ T20 ਵਿਸ਼ਵ ਕੱਪ ਦਾ ਬਾਈਕਾਟ ਕਰਨ ਦੀ ਧਮਕੀ ਦਿੱਤੀ। ICC ਨੂੰ ਲਿਖੇ ਆਪਣੇ ਪੱਤਰ ਵਿੱਚ ਬੰਗਲਾਦੇਸ਼ ਕ੍ਰਿਕਟ ਬੋਰਡ ਨੇ ਕਿਹਾ ਕਿ ਉਹ ਭਾਰਤ ਵਿੱਚ ਆਪਣੇ ਮੈਚ ਨਹੀਂ ਖੇਡੇਗਾ ਅਤੇ ਮੰਗ ਕੀਤੀ ਹੈ ਕਿ ਉਨ੍ਹਾਂ ਮੈਚਾਂ ਨੂੰ ਸ਼੍ਰੀਲੰਕਾ ਵਿੱਚ ਸ਼ਿਫਟ ਕੀਤਾ ਜਾਵੇ।
ਬੰਗਲਾਦੇਸ਼ ਨੇ ਦਲੀਲ ਦਿੱਤੀ ਕਿ ਇਹ ਉਨ੍ਹਾਂ ਦੇ ਖਿਡਾਰੀਆਂ ਦੀ ਸੁਰੱਖਿਆ ਲਈ ਜ਼ਰੂਰੀ ਸੀ। ਗੁੱਸੇ ਵਿੱਚ ਆ ਕੇ, ਬੰਗਲਾਦੇਸ਼ ਨੇ ਬੰਗਲਾਦੇਸ਼ ਵਿੱਚ ਆਈਪੀਐਲ ਦੇ ਪ੍ਰਸਾਰਣ ਨੂੰ ਵੀ ਰੋਕ ਦਿੱਤਾ। ਹਾਲਾਂਕਿ, ਆਈਸੀਸੀ ਨੇ ਹੁਣ ਸਪੱਸ਼ਟ ਤੌਰ ‘ਤੇ ਕਿਹਾ ਹੈ ਕਿ ਬੰਗਲਾਦੇਸ਼ ਨੂੰ ਵਿਸ਼ਵ ਕੱਪ ਮੈਚ ਖੇਡਣ ਲਈ ਭਾਰਤ ਦੀ ਯਾਤਰਾ ਕਰਨੀ ਚਾਹੀਦੀ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
