ਭਾਰਤ ਦੇ ਮਜ਼ਬੂਤ ਟੀ-20 ਬੱਲੇਬਾਜ਼ ਅਤੇ ਮਿਸਟਰ ਆਈਪੀਐੱਲ ਦੇ ਨਾਂ ਨਾਲ ਮਸ਼ਹੂਰ ਸੁਰੇਸ਼ ਰੈਨਾ ਨੂੰ ਇਸ ਵਾਰ ਆਈਪੀਐਲ ਨਿਲਾਮੀ ਵਿੱਚ ਉਸ ਦੀ ਪੁਰਾਣੀ ਟੀਮ ਚੇਨਈ ਸੁਪਰ ਕਿੰਗਜ਼ (ਸੀਐਸਕੇ) ਨੇ ਰੱਦ ਕਰ ਦਿੱਤਾ, ਜਿਸ ਦੀ ਉਸ ਨੇ ਖ਼ੁਦ ਵੀ ਉਮੀਦ ਨਹੀਂ ਕੀਤੀ ਹੋਵੇਗੀ। ਆਈਪੀਐਲ 2022 ਦੀ ਮੇਗਾ ਨਿਲਾਮੀ ਵਿੱਚ, ਸੁਰੇਸ਼ ਰੈਨਾ ਨਾ ਵਿਕਿਆ ਅਤੇ ਕਿਸੇ ਵੀ ਟੀਮ ਨੇ ਉਸ ਨੂੰ ਕੀਮਤ ਨਹੀਂ ਦਿੱਤੀ। ਇਸ ਘਟਨਾ ਤੋਂ ਬਾਅਦ ਸੁਰੇਸ਼ ਰੈਨਾ ਦਾ ਦਿਲ ਵੀ ਟੁੱਟ ਗਿਆ। ਚੇਨਈ ਸੁਪਰ ਕਿੰਗਜ਼ (CSK) ਦੀ ਟੀਮ ਹੁਣ ਸੁਰੇਸ਼ ਰੈਨਾ ਨੂੰ ਵਾਪਸ ਲੈਣ ਦੇ ਮੂਡ ਵਿੱਚ ਨਹੀਂ ਹੈ। ਅਜਿਹੇ ‘ਚ ਵੱਡੀ ਖਬਰ ਆਈ ਹੈ ਕਿ ਆਈਪੀਐੱਲ ਦੀ ਕੋਈ ਟੀਮ ਸੁਰੇਸ਼ ਰੈਨਾ ਨੂੰ ਆਪਣੀ ਟੀਮ ‘ਚ ਜਗ੍ਹਾ ਦੇ ਸਕਦੀ ਹੈ।
ਸੁਰੇਸ਼ ਰੈਨਾ ਦੀ ਇਕ ਤਸਵੀਰ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ, ਜਿਸ ‘ਚ ਉਹ IPL ਦੇ ਇਸ ਸੀਜ਼ਨ ‘ਚ ਨਵੀਂ ਟੀਮ ਗੁਜਰਾਤ ਟਾਈਟਨਸ ਦੀ ਜਰਸੀ ‘ਚ ਨਜ਼ਰ ਆ ਰਹੇ ਹਨ। ਇਸ ਤੋਂ ਬਾਅਦ ਸੋਸ਼ਲ ਮੀਡੀਆ ‘ਤੇ ਸਨਸਨੀ ਫੈਲ ਗਈ ਕਿ ਸੁਰੇਸ਼ ਰੈਨਾ IPL 2022 ‘ਚ ਐਂਟਰੀ ਕਰਨ ਜਾ ਰਹੇ ਹਨ ਅਤੇ ਉਨ੍ਹਾਂ ਨੂੰ ਗੁਜਰਾਤ ਟਾਈਟਨਸ ਦੀ ਟੀਮ ‘ਚ ਜਗ੍ਹਾ ਮਿਲ ਸਕਦੀ ਹੈ। ਇੰਗਲੈਂਡ ਦੇ ਬੱਲੇਬਾਜ਼ ਜੇਸਨ ਰਾਏ ਵੱਲੋਂ ਆਈਪੀਐੱਲ ਤੋਂ ਆਪਣਾ ਨਾਂ ਵਾਪਸ ਲੈਣ ਤੋਂ ਬਾਅਦ ਸੁਰੇਸ਼ ਰੈਨਾ ਨੂੰ ਗੁਜਰਾਤ ਟਾਈਟਨਸ ਦੀ ਟੀਮ ‘ਚ ਐਂਟਰੀ ਮਿਲ ਸਕਦੀ ਹੈ। ਫੈਨਜ਼ ਰੈਨਾ ਦੀ ਤਸਵੀਰ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕਰ ਰਹੇ ਹਨ। ਰੈਨਾ ਇਸ ਤੋਂ ਪਹਿਲਾਂ ਆਈਪੀਐਲ ਵਿੱਚ ਗੁਜਰਾਤ ਦੀ ਕਪਤਾਨੀ ਕਰ ਚੁੱਕੇ ਹਨ, ਪਰ ਉਹ ਗੁਜਰਾਤ ਟੀਮ ਵੱਖਰੀ ਸੀ।
ਵੀਡੀਓ ਲਈ ਕਲਿੱਕ ਕਰੋ -:
“Deep Sidhu ਦੀ ਮੌਤ ਦਾ ‘ਇਲੈਕਸ਼ਨ ਨਾਲ ਕੁਨੈਕਸ਼ਨ’, Rupinder Handa ਨੇ ਖੜ੍ਹੇ ਕੀਤੇ ਵੱਡੇ ਸਵਾਲ, ਜਦੋਂ ਸਾਰੇ ਗਾਇਕ ਇੱਕ ਪਾਸੇ ਤੇ ਉਹ ਕੱਲਾ ਪਾਸੇ ….”
