ਕ੍ਰਿਕਟਰ ਯੁਜਵੇਂਦਰ ਚਾਹਲ ਅਤੇ ਧਨਸ਼੍ਰੀ ਵਰਮਾ ਵਿਆਹ ਦੇ 4 ਸਾਲ ਬਾਅਦ ਅੱਜ ਵੀਰਵਾਰ ਨੂੰ ਵੱਖ ਹੋ ਗਏ। ਮੁੰਬਈ ਦੀ ਫੈਮਿਲੀ ਕੋਰਟ ਨੇ ਵੀਰਵਾਰ ਨੂੰ ਉਨ੍ਹਾਂ ਦੇ ਤਲਾਕ ਨੂੰ ਮਨਜ਼ੂਰੀ ਦੇ ਦਿੱਤੀ। ਦੋਵੇਂ ਢਾਈ ਸਾਲਾਂ ਤੋਂ ਵੱਖ ਰਹਿ ਰਹੇ ਸਨ। ਉਨ੍ਹਾਂ ਦਾ ਵਿਆਹ 11 ਦਸੰਬਰ 2020 ਨੂੰ ਹੋਇਆ ਸੀ। ਚਾਹਲ ਦੇ ਵਕੀਲ ਨਿਤਿਨ ਕੁਮਾਰ ਗੁਪਤਾ ਨੇ ਕਿਹਾ, ‘ਪਰਿਵਾਰਕ ਅਦਾਲਤ ਨੇ ਦੋਵਾਂ ਧਿਰਾਂ ਦੀ ਸਾਂਝੀ ਪਟੀਸ਼ਨ ਨੂੰ ਸਵੀਕਾਰ ਕਰ ਲਿਆ ਹੈ। ਹੁਣ ਦੋਵੇਂ ਪਤੀ-ਪਤਨੀ ਨਹੀਂ ਰਹੇ।
ਫੈਸਲਾ ਸੁਣਾਏ ਜਾਣ ਸਮੇਂ ਚਾਹਲ ਅਤੇ ਧਨਸ਼੍ਰੀ ਅਦਾਲਤ ਵਿੱਚ ਮੌਜੂਦ ਸਨ। ਇਕ ਦਿਨ ਪਹਿਲਾਂ ਬੰਬੇ ਹਾਈ ਕੋਰਟ ਨੇ ਫੈਮਿਲੀ ਕੋਰਟ ਨੂੰ ਚਾਹਲ ਦੀ ਪਟੀਸ਼ਨ ‘ਤੇ 20 ਮਾਰਚ ਨੂੰ ਫੈਸਲਾ ਸੁਣਾਉਣ ਦਾ ਹੁਕਮ ਦਿੱਤਾ ਸੀ। ਜਸਟਿਸ ਮਾਧਵ ਜਮਦਾਰ ਦੀ ਸਿੰਗਲ ਬੈਂਚ ਨੇ ਕਿਹਾ ਸੀ, ‘ਚਾਹਲ 21 ਮਾਰਚ ਤੋਂ ਉਪਲਬਧ ਨਹੀਂ ਹੋਣਗੇ, ਕਿਉਂਕਿ ਉਨ੍ਹਾਂ ਨੇ ਆਈਪੀਐੱਲ ‘ਚ ਹਿੱਸਾ ਲੈਣਾ ਹੈ।’
ਚਾਹਲ ਦੇ ਵਕੀਲ ਨੇ ਅਦਾਲਤ ਨੂੰ ਦੱਸਿਆ ਕਿ ਦੋਵਾਂ ਵਿਚਾਲੇ 4.75 ਕਰੋੜ ਰੁਪਏ ਦਾ ਸਮਝੌਤਾ ਹੋ ਗਿਆ ਹੈ। ਚਾਹਲ ਪਹਿਲਾਂ ਹੀ ਧਨਸ਼੍ਰੀ ਨੂੰ 2.37 ਕਰੋੜ ਰੁਪਏ ਦੇ ਚੁੱਕੇ ਹਨ।
ਚਾਹਲ ਅਤੇ ਧਨਸ਼੍ਰੀ ਨੂੰ ਮਾਸਕ ਪਹਿਨੇ ਦੇਖਿਆ ਗਿਆ, ਕਰੀਬ ਇੱਕ ਘੰਟਾ ਅਦਾਲਤ ਵਿੱਚ ਰਹੇ ਚਾਹਲ ਅਤੇ ਧਨਸ਼੍ਰੀ ਕਰੀਬ ਇੱਕ ਘੰਟਾ ਅਦਾਲਤ ਵਿੱਚ ਰਹੇ। ਦੋਵਾਂ ਨੇ ਮੂੰਹ ‘ਤੇ ਮਾਸਕ ਪਾਏ ਹੋਏ ਸਨ। ਦੋਵਾਂ ਨੇ ਮੀਡੀਆ ਨਾਲ ਗੱਲ ਨਹੀਂ ਕੀਤੀ। ਬਿਨਾਂ ਕੋਈ ਬਿਆਨ ਦਿੱਤੇ ਦੋਵੇਂ ਅਦਾਲਤ ਦੇ ਕਮਰੇ ਅੰਦਰ ਚਲੇ ਗਏ।
ਦੱਸ ਦੇਈਏ ਕਿ ਧਨਸ਼੍ਰੀ ਵਰਮਾ ਨੇ ਝਲਕ ਦਿਖਲਾ ਜਾ-11 ਦੇ ਐਪੀਸੋਡ ਦੌਰਾਨ ਯੁਜਵੇਂਦਰ ਚਾਹਲ ਨਾਲ ਆਪਣੀ ਪ੍ਰੇਮ ਕਹਾਣੀ ਦਾ ਖੁਲਾਸਾ ਕੀਤਾ ਸੀ। ਧਨਸ਼੍ਰੀ ਨੇ ਦੱਸਿਆ ਸੀ- ਮਈ-ਜੂਨ 2020 ਦੇ ਲਾਕਡਾਊਨ ਦੌਰਾਨ ਚਾਹਲ ਨੇ ਡਾਂਸ ਸਿੱਖਣ ਲਈ ਮੇਰੇ ਨਾਲ ਸੰਪਰਕ ਕੀਤਾ ਸੀ। ਇਸ ਸਮੇਂ ਦੌਰਾਨ ਸਾਨੂੰ ਪਿਆਰ ਹੋ ਗਿਆ। ਇਸ ਤੋਂ ਬਾਅਦ ਦੋਹਾਂ ਨੇ 11 ਦਸੰਬਰ 2020 ਨੂੰ ਵਿਆਹ ਕਰਵਾ ਲਿਆ।
ਦੋਵਾਂ ਦੇ ਰਿਸ਼ਤੇ ਜੂਨ 2022 ਤੋਂ ਵਿਗੜ ਗਏ। ਤਲਾਕ ਦੀ ਖਬਰ ਸਭ ਤੋਂ ਪਹਿਲਾਂ ਸੋਸ਼ਲ ਮੀਡੀਆ ‘ਤੇ ਆਈ ਸੀ। ਦੋਵਾਂ ਨੇ ਇਕ ਦੂਜੇ ਨੂੰ ਇੰਸਟਾਗ੍ਰਾਮ ‘ਤੇ ਅਨਫਾਲੋ ਕਰ ਦਿੱਤਾ ਸੀ। ਚਾਹਲ ਨੇ ਧਨਸ਼੍ਰੀ ਨਾਲ ਸਾਰੀਆਂ ਤਸਵੀਰਾਂ ਵੀ ਡਿਲੀਟ ਕਰ ਦਿੱਤੀਆਂ ਸਨ। ਉਨ੍ਹਾਂ ਦੇ ਵੱਖ ਹੋਣ ਦਾ ਕਾਰਨ ਅਜੇ ਤੱਕ ਸਾਹਮਣੇ ਨਹੀਂ ਆਇਆ ਹੈ। ਕਰੀਬ ਦੋ ਸਾਲ ਬਾਅਦ ਫਰਵਰੀ 2025 ‘ਚ ਉਸ ਨੇ ਮੁੰਬਈ ਦੀ ਫੈਮਿਲੀ ਕੋਰਟ ‘ਚ ਤਲਾਕ ਲਈ ਅਰਜ਼ੀ ਦਾਇਰ ਕੀਤੀ। ਫੈਮਿਲੀ ਕੋਰਟ ਨੇ ਛੇ ਮਹੀਨਿਆਂ ਦਾ ਕੂਲਿੰਗ ਆਫ ਪੀਰੀਅਡ ਦਿੱਤਾ ਸੀ, ਚਾਹਲ ਨੇ ਇਸ ਖਿਲਾਫ ਹਾਈਕੋਰਟ ‘ਚ ਅਪੀਲ ਕੀਤੀ ਸੀ।
ਹਾਈ ਕੋਰਟ ਵਿੱਚ 19 ਮਾਰਚ ਨੂੰ ਸੁਣਵਾਈ ਹੋਈ। ਬੰਬੇ ਹਾਈ ਕੋਰਟ ਨੇ ਬੁੱਧਵਾਰ ਨੂੰ ਫੈਮਿਲੀ ਕੋਰਟ ਨੂੰ ਚਾਹਲ ਦੀ ਪਟੀਸ਼ਨ ‘ਤੇ 20 ਮਾਰਚ ਨੂੰ ਫੈਸਲਾ ਸੁਣਾਉਣ ਦਾ ਹੁਕਮ ਦਿੱਤਾ ਸੀ। ਜਸਟਿਸ ਮਾਧਵ ਜਮਦਾਰ ਦੀ ਸਿੰਗਲ ਬੈਂਚ ਨੇ ਕਿਹਾ ਕਿ ਚਾਹਲ 21 ਮਾਰਚ ਤੋਂ ਉਪਲਬਧ ਨਹੀਂ ਹੋਣਗੇ, ਕਿਉਂਕਿ ਉਨ੍ਹਾਂ ਨੇ ਆਈ.ਪੀ.ਐੱਲ. ਵਿਚ ਹਿੱਸਾ ਲੈਣਾ ਹੈ।
ਇਹ ਵੀ ਪੜ੍ਹੋ : ਬਜਟ ਸੈਸ਼ਨ ਤੋਂ ਪਹਿਲਾਂ CM ਮਾਨ ਨੇ ਸੱਦੀ ਕੈਬਨਿਟ ਦੀ ਮੀਟਿੰਗ, ਪੰਜਾਬੀਆਂ ਲਈ ਹੋ ਸਕਦੇ ਵੱਡੇ ਐਲਾਨ
ਦੂਜੇ ਪਾਸੇ ਧਨਸ਼੍ਰੀ ਇੱਕ ਕੋਰੀਓਗ੍ਰਾਫਰ ਅਤੇ ਮਸ਼ਹੂਰ ਦੰਦਾਂ ਦੀ ਡਾਕਟਰ ਹੈ, ਧਨਸ਼੍ਰੀ ਵਰਮਾ ਇੱਕ ਕੋਰੀਓਗ੍ਰਾਫਰ ਅਤੇ ਸੋਸ਼ਲ ਮੀਡੀਆ ਇਨਫਲੁਏਂਸਰ ਹੈ। ਇਸ ਤੋਂ ਇਲਾਵਾ ਉਹ ਇੱਕ ਮਸ਼ਹੂਰ ਡੈਂਟਿਸਟ ਵੀ ਹਨ। ਧਨਸ਼੍ਰੀ ਨੂੰ ਟੀਵੀ ਦੇ ਮਸ਼ਹੂਰ ਡਾਂਸ ਰਿਐਲਿਟੀ ਸ਼ੋਅ ‘ਝਲਕ ਦਿਖਲਾ ਜਾ 11’ ‘ਚ ਵੀ ਦੇਖਿਆ ਗਿਆ ਸੀ। ਧਨਸ਼੍ਰੀ ਵਰਮਾ ਇਸ ਡਾਂਸ ਰਿਐਲਿਟੀ ਸ਼ੋਅ ਦੇ ਫਾਈਨਲ ਵਿੱਚ ਪਹੁੰਚੀ ਸੀ। ਯੂਟਿਊਬ ਚੈਨਲ ‘ਤੇ ਉਸ ਦੇ 27.90 ਲੱਖ ਤੋਂ ਵੱਧ ਫਾਲੋਅਰਜ਼ ਹਨ। ਇੰਸਟਾਗ੍ਰਾਮ ‘ਤੇ 63 ਲੱਖ ਫਾਲੋਅਰਜ਼ ਹਨ। ਧਨਸ਼੍ਰੀ ਦੀ ਕੁੱਲ ਜਾਇਦਾਦ 25 ਕਰੋੜ ਰੁਪਏ ਤੋਂ ਵੱਧ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
