ਅਸੀਂ ਸਾਰੇ ਸਫਰ ਕਰਨ ਲਈ GPS ਦੀ ਵਰਤੋਂ ਕਰਦੇ ਹਾਂ। ਹਾਲਾਂਕਿ, ਕਈ ਵਾਰ ਇਹ GPS ਸਾਨੂੰ ਧੋਖਾ ਦਿੰਦਾ ਹੈ। ਹਾਲ ਹੀ ਵਿੱਚ ਭਾਰਤ ਵਿੱਚ ਇੱਕ ਅਜਿਹੀ ਹੀ ਖਬਰ ਸਾਹਮਣੇ ਆਈ ਹੈ ਜਿੱਥੇ ਤਾਮਿਲਨਾਡੂ ਦੇ ਇੱਕ ਵਿਅਕਤੀ ਨੇ ਕਰਨਾਟਕ ਜਾਣ ਲਈ ਗੂਗਲ ਮੈਪ ਦੀ ਮਦਦ ਲਈ ਸੀ ਅਤੇ ਫਿਰ ਉਹ ਫਸ ਗਿਆ। ਹੁਣ ਅਜਿਹੀ ਹੀ ਇੱਕ ਖਬਰ ਥਾਈਲੈਂਡ ਤੋਂ ਆਈ ਹੈ।
ਇੱਕ ਰਿਪੋਰਟ ਮੁਤਾਬਕ ਇੱਕ ਥਾਈ ਔਰਤ ਮੁਸੀਬਤ ਵਿੱਚ ਪੈ ਗਈ ਜਦੋਂ ਉਸ ਨੇ ਯਾਤਰਾ ਕਰਨ ਲਈ ਜੀਪੀਐਸ ਦੀ ਵਰਤੋਂ ਕੀਤੀ। ਇਹ ਘਟਨਾ 28 ਜਨਵਰੀ ਨੂੰ ਸ਼ਾਮ 5:40 ਵਜੇ ਦੇ ਕਰੀਬ ਵਾਪਰੀ ਜਦੋਂ ਉਸਨੇ ਆਪਣੇ ਆਪ ਨੂੰ ਲੱਕੜ ਦੇ ਸਸਪੈਂਸ਼ਨ ਪੁਲ ‘ਤੇ ਫਸਿਆ ਪਾਇਆ।
ਬਦਕਿਸਮਤੀ ਨਾਲ 120 ਮੀਟਰ ਲੰਬਾ ਪੁਲ ਜੋ ਕਿ ਸਿਰਫ਼ ਪੈਦਲ ਆਵਾਜਾਈ ਲਈ ਸੀ, ਗੱਡੀਆਂ ਲਈ ਅਣਉਚਿਤ ਸਾਬਤ ਹੋਇਆ। ਦਰਅਸਲ ਔਰਤ ਨੇ ਸਹੀ ਰਸਤਾ ਲੱਭਣ ਲਈ ਜੀਪੀਐਸ ਦੀ ਮਦਦ ਲਈ ਸੀ। ਰਿਪੋਰਟ ਮੁਤਾਬਕ ਕਾਰ ਫਸਣ ਤੋਂ ਪਹਿਲਾਂ ਕਰੀਬ 15 ਮੀਟਰ ਅੱਗੇ ਵਧਣ ‘ਚ ਕਾਮਯਾਬ ਰਹੀ ਸੀ ਤਾਂ ਅੱਗੇ ਦਾ ਖੱਬਾ ਪਹੀਆ ਇਕ ਗੈਪ ‘ਚ ਫਸ ਗਿਆ ਅਤੇ ਫਿਰ ਕਾਰ ਰੁਕ ਗਈ।
ਇਹ ਵੀ ਪੜ੍ਹੋ : 60 ਸਾਲ ‘ਚ ਵੀ ਕਮਾਲ ਦਿਸਦੀ ਏ ‘ਦਾਦੀ’! ਨਹੀਂ ਲਾਉਂਦੀ ਕ੍ਰੀਮ-ਪਾਊਡਰ, ਦੱਸੀ ਮੁਫਤ ਦੀ ਟ੍ਰਿਕ
ਨਾਜ਼ੁਕ ਸਥਿਤੀ ਨੂੰ ਸਮਝਦੇ ਹੋਏ ਬਚਾਅ ਟੀਮਾਂ ਤੁਰੰਤ ਮੌਕੇ ਦਾ ਜਾਇਜ਼ਾ ਲੈਣ ਲਈ ਪਹੁੰਚੀਆਂ ਅਤੇ ਪੁਲ ਨੂੰ ਹੋਰ ਨੁਕਸਾਨ ਪਹੁੰਚਾਏ ਬਿਨਾਂ ਕਾਰ ਨੂੰ ਹਟਾਉਣ ਦੀ ਯੋਜਨਾ ਤਿਆਰ ਕੀਤੀ। ਇਹ ਔਰਤ ਨੋਂਗ ਮੁਆਂਗ ਖਾਈ ਜ਼ਿਲ੍ਹੇ ਦੀ ਰਹਿਣ ਵਾਲੀ ਹੈ ਅਤੇ ਸੁੰਗ ਮੇਨ ਵਿੱਚ ਇੱਕ ਦੋਸਤ ਨੂੰ ਮਿਲਣ ਜਾ ਰਹੀ ਸੀ। ਖੇਤਰ ਤੋਂ ਜਾਣੂ ਨਾ ਹੋਣ ਕਾਰਨ ਉਸ ਨੂੰ ਉਸ ਖਾਸ ਸਥਾਨ ‘ਤੇ ਜਾਣ ਲਈ ਜੀਪੀਐਸ ਦਾ ਸਹਾਰਾ ਲੈਣਾ ਪਿਆ।
ਵੀਡੀਓ ਲਈ ਕਲਿੱਕ ਕਰੋ –
“ਖੁਸ਼ਖਬਰੀ ! ਕੈਨੇਡਾ ਦੇ Student Visa ‘ਚ ਬਦਲਾਅ ਤੋਂ ਬਾਅਦ ਵੀ ਆਸਾਨੀ ਨਾਲ ਜਾ ਸਕਦੇ ਓ ਕੈਨੇਡਾ !”
