‘ਕੋਰੋਨਾ ਦੇ ਸਾਰੇ ਵੇਰੀਏਂਟਸ ਲਈ ਵੈਕਸੀਨ ਤਿਆਰ’, ਭਾਰਤੀ ਵਿਗਿਆਨੀਆਂ ਦਾ ਦਾਅਵਾ

ਕੋਰੋਨਾ ਮਹਾਮਾਰੀ ਦੇ ਵੱਖ-ਵੱਖ ਵੇਰੀਏਂਟਸ ‘ਤੇ ਟੀਕੇ ਦੇ ਅਸਰ ਨੂੰ ਲੈ ਕੇ ਖੋਜਾਂ ਕੀਤੀਆਂ ਜਾ ਰਹੀਆਂ। ਇਸ ਮਹਾਮਾਰੀ ਦੇ ਨਵੇਂ ਵੇਰੀਏਂਟ ਵੀ ਸਾਹਮਣੇ ਆ ਰਹੇ ਹਨ। ਇਸੇ ਵਿਚਾਲੇ ਭਾਰਤੀ ਵਿਗਿਆਨੀਆਂ ਨੇ ਇੱਕ ਅਜਿਹਾ ਟੀਕਾ ਤਿਆਰ ਕਰਨ ਦਾ ਦਾਅਵਾ ਕੀਤਾ ਹੈ ਜੋ ਕੋਰੋਨਾ ਵਾਇਰਸ ਦੇ ਸਾਰੇ ਵੇਰੀਏਂਟ ਦੇ ਵਿਰੁੱਧ ਅਸਰਦਾਰ ਹੋ ਸਕਦਾ ਹੈ।

ਕਾਜ਼ੀ ਨਜ਼ਰੁਲ ਯੂਨੀਵਰਸਿਟੀ, ਆਸਨਸੋਲ ਅਤੇ ਇੰਡੀਅਨ ਇੰਸਟੀਚਿਊਟ ਆਫ਼ ਸਾਇੰਸ ਐਜੂਕੇਸ਼ਨ ਐਂਡ ਰਿਸਰਚ, ਭੁਵਨੇਸ਼ਵਰ ਦੇ ਵਿਗਿਆਨੀਆਂ ਨੇ ਇੱਕ ਪੇਪਟਾਇਡ ਵੈਕਸੀਨ ਤਿਆਰ ਕੀਤੀ ਹੈ, ਜਿਸ ਬਾਰੇ ਦਾਅਵਾ ਕੀਤਾ ਗਿਆ ਹੈ ਕਿ ਉਹ ਭਵਿੱਖ ਵਿੱਚ ਕੋਰੋਨਾ ਵਾਇਰਸ ਦੇ ਕਿਸੇ ਵੀ ਰੂਪ ਤੋਂ ਹੋਣ ਵਾਲੀ ਬਿਮਾਰੀ ਤੋਂ ਬਚਾਅ ਕਰੇਗਾ।

ਵਿਗਿਆਨੀਆਂ ਦੀ ਰਿਸਰਚ ਨੂੰ ਜਰਨਲ ਆਫ਼ ਮੋਲੇਕਿਊਲਰ ਲਿਕਵਿਡਜ਼ ਨੇ ਪ੍ਰਕਾਸ਼ਨ ਲਈ ਸਵੀਕਾਰ ਕੀਤਾ ਗਿਆ ਹੈ। ਖੋਜਕਰਤਾਵਾਂ ਨੇ ਕਿਹਾ ਕਿ ਇਸ ਵਿੱਚ ਅਸੀਂ ਇੱਕ ਅਜਿਹਾ ਮਲਟੀ-ਐਪੀਟੋਪ ਮਲਟੀ-ਟਾਰਗੇਟ ਕਾਈਮੇਰਿਕ ਪੇਪਟਾਇਡ ਇਸਤੇਮਾਲ ਕੀਤਾ ਹੈ ਜੋ ਕੋਰੋਨਾ ਵਾਇਰਸ ਦੇ ਸਾਰੇ ਛੇ ਮੈਂਬਰਾਂ (hCoV-229E, hCoV-HKU1, hCoV-OC43, SARS-CoV, MERS-CoV) ਦੇ ਵਿਰੁੱਧ ਐਂਟੀਬਾਡੀਜ਼ ਤਿਆਰ ਕਰਨ ਦੇ ਸਮਰੱਥ ਹੋਵੇਗਾ।

ਕਾਜ਼ੀ ਨਜ਼ਰੂਲ ਯੂਨੀਵਰਸਿਟੀ ਦੇ ਵਿਗਿਆਨੀ ਚੌਧਰੀ ਅਤੇ ਸੁਪ੍ਰਭਾਤ ਮੁਖਰਜੀ ਅਤੇ ਆਈਆਈਐਸਈਆਰ, ਭੁਵਨੇਸ਼ਵਰ ਤੋਂ ਪਾਰਥ ਸਾਰਥੀ ਸੇਨ ਗੁਪਤਾ, ਸਰੋਜ ਕੁਮਾਰ ਪਾਂਡਾ ਅਤੇ ਮਲਯ ਕੁਮਾਰ ਰਾਣਾ ਨੇ ਕਿਹਾ ਕਿ ਤਿਆਰ ਕੀਤੀ ਗਈ ਵੈਕਸੀਨ ਬਹੁਤ ਸਥਿਰ, ਐਂਟੀਜੇਨਿਕ ਅਤੇ ਇਮਿਊਨੋਜਨਿਕ ਪਾਇਆ ਗਿਆ।

ਚੌਧਰੀ ਨੇ ਕਿਹਾ ਕਿ ਰਿਸਰਚਰਾਂ ਦੀ ਟੀਮ ਨੇ ਕੰਪਿਊਟੇਸ਼ਨਲ ਤਕਨੀਕ ਰਾਹੀਂ ਇਹ ਟੀਕਾ ਤਿਆਰ ਕੀਤਾ ਹੈ ਅਤੇ ਅਗਲੇ ਪੜਾਅ ਵਿੱਚ ਟੀਕੇ ਦਾ ਉਤਪਾਦਨ ਸ਼ਾਮਲ ਹੋਵੇਗਾ, ਜਿਸ ਤੋਂ ਬਾਅਦ ਇਸ ਦੀ ਟੈਸਟਿੰਗ ਸ਼ੁਰੂ ਕੀਤੀ ਜਾਵੇਗੀ।

ਵੀਡੀਓ ਲਈ ਕਲਿੱਕ ਕਰੋ -:

“”ਗਾਇਕੀ ਦਾ ਐਸਾ ਸੁਰੂਰ ਕਿ ਸਭ ਭੁੱਲ ਕੇ ਬਸ ਗਾਣੇ ਲਿਖਦਾ ਤੇ ਗਾਉਂਦਾ ਰਹਿੰਦਾ, ਇਹਦੀ ਆਵਾਜ਼ ਤੁਹਾਨੂੰ ਵੀ ਕੀਲ ਲਵੇਗੀ !”

ਚੌਧਰੀ ਨੇ ਇੱਕ ਨਿਊਜ਼ ਏਜੰਸੀ ਨੂੰ ਦੱਸਿਆ ਕਿ ਇਹ ਟੀਕਾ ਆਪਣੀ ਕਿਸਮ ਵਿੱਚ ਵਿਲੱਖਣ ਹੈ। ਦੁਨੀਆ ਦੀ ਕੋਈ ਹੋਰ ਵੈਕਸੀਨ ਇੱਕੋ ਸਮੇਂ ‘ਤੇ ਕੋਰੋਨਾ ਵਾਇਰਸ ਦੇ ਸਾਰੇ ਰੂਪਾਂ ਨਾਲ ਨਜਿੱਠਣ ਲਈ ਤਿਆਰ ਨਹੀਂ ਕੀਤੀ ਗਈ ਹੈ। ਉਸ ਨੇ ਕਿਹਾ ਕਿ ਖੋਜਕਰਤਾਵਾਂ ਨੇ ਪਹਿਲਾਂ ਛੇ ਵੱਖ-ਵੱਖ ਵਾਇਰਸਾਂ ਦੇ ਸਪਾਈਕ ਪ੍ਰੋਟੀਨ ਵਿੱਚ ਵੱਖ-ਵੱਖ ਸੁਰੱਖਿਅਤ ਖੇਤਰਾਂ ਦੀ ਪਛਾਣ ਕੀਤੀ ਸੀ, ਜੋ ਬਹੁਤ ਘੱਟ ਪਰਿਵਰਤਨ ਤੋਂ ਲੰਘਦੇ ਹਨ ਅਤੇ ਇਸ ਤਰ੍ਹਾਂ ਮਹਾਂਮਾਰੀ ਦੌਰਾਨ ਥੋੜ੍ਹਾ ਬਦਲ ਜਾਂਦੇ ਹਨ।