ਡਾਕਟਰਾਂ ਨੇ ਇੱਕ ਔਰਤ ਨੂੰ ਦੋ ਸਾਲਾਂ ਤੱਕ ਸ਼ਰਾਬੀ ਮੰਨਿਆ, ਜਦਕਿ ਉਹ ਇੱਕ ਦੁਰਲੱਭ ਬਿਮਾਰੀ ਤੋਂ ਪੀੜਤ ਸੀ। ਇੱਕ ਬਿਮਾਰੀ ਜੋ ਕਾਰਬੋਹਾਈਡਰੇਟ ਨੂੰ ਭੋਜਨ ਤੋਂ ਅਲਕੋਹਲ ਵਿੱਚ ਬਦਲਦੀ ਹੈ। ਇਹ ਸਥਿਤੀ ਉਦੋਂ ਹੈ ਜਦੋਂ ਔਰਤ ਨੇ ਕਦੇ ਸ਼ਰਾਬ ਨੂੰ ਹੱਥ ਵੀ ਨਹੀਂ ਲਾਇਆ। ਪਰ ਉਸਦੇ ਲੱਛਣਾਂ ਵਿੱਚ ਸ਼ਰਾਬੀ ਵਿਵਹਾਰ, ਲੜਖੜਾਉਂਦੀ ਜ਼ੁਬਾਨ ਅਤੇ ਉਸ ਦੇ ਮੂੰਹ ਵਿੱਚੋਂ ਸ਼ਰਾਬ ਦੀ ਤੇਜ਼ ਗੰਧ ਸ਼ਾਮਲ ਸੀ। ਉਸ ਨੇ ਜਿੰਨਾ ਜ਼ਿਆਦਾ ਕਾਰਬੋਹਾਈਡਰੇਟ ਖਾਏ, ਓਨਾ ਹੀ ਬਿਮਾਰੀ ਦੇ ਲੱਛਣ ਵਧੇ।
ਕੈਨੇਡਾ ਦੀ ਇਹ 50 ਸਾਲਾ ਔਰਤ ਆਟੋ ਬਰੂਅਰ ਸਿੰਡਰੋਮ ਨਾਂ ਦੀ ਦੁਰਲੱਭ ਬੀਮਾਰੀ ਤੋਂ ਪੀੜਤ ਹੈ। ਇਹ ਬਿਮਾਰੀ ਗੈਸਟਰੋਇੰਟੇਸਟਾਈਨਲ ਟ੍ਰੈਕਟ ਵਿੱਚ ਖਮੀਰ ਦੇ ਬਹੁਤ ਜ਼ਿਆਦਾ ਵਾਧੇ ਕਾਰਨ ਹੁੰਦੀ ਹੈ। ਪਿਛਲੇ ਦੋ ਸਾਲਾਂ ‘ਚ ਉਸ ਨੂੰ 7 ਵਾਰ ਐਮਰਜੈਂਸੀ ਵਾਰਡ ‘ਚ ਦਾਖਲ ਕਰਵਾਇਆ ਗਿਆ ਪਰ ਡਾਕਟਰਾਂ ਨੇ ਹਮੇਸ਼ਾ ਉਸ ਦੇ ਪਰਿਵਾਰ ਨੂੰ ਦੱਸਿਆ ਕਿ ਉਸ ਨੇ ਸ਼ਰਾਬ ਪੀਤੀ ਹੋਈ ਸੀ। ਹਾਲਾਂਕਿ, ਔਰਤ ਦਾ ਦਾਅਵਾ ਹੈ ਕਿ ਉਸਨੇ ਕਦੇ ਸ਼ਰਾਬ ਨੂੰ ਛੂਹਿਆ ਹੀ ਨਹੀਂ ਹੈ।
ਟੋਰਾਂਟੋ ਯੂਨੀਵਰਸਿਟੀ ਵਿੱਚ ਛੂਤ ਦੀਆਂ ਬਿਮਾਰੀਆਂ ਦੇ ਮਾਹਿਰ ਡਾਕਟਰ ਰਾਚੇਲ ਜੇਵੂਡ ਨੇ ਔਰਤ ਦਾ ਇਲਾਜ ਕੀਤਾ ਅਤੇ ਮੈਡੀਕਲ ਜਰਨਲ ਐਸੋਸੀਏਸ਼ਨ ਵਿੱਚ ਉਸ ਦੇ ਕੇਸ ਸਟੱਡੀ ਬਾਰੇ ਇੱਕ ਲੇਖ ਲਿਖਿਆ। ਉਨ੍ਹਾਂ ਨੇ ਦੱਸਿਆ ਕਿ ਔਰਤ ਨੂੰ ਆਟੋ ਬਰਿਊਰੀ ਸਿੰਡਰੋਮ ਨਾਂ ਦੀ ਦੁਰਲੱਭ ਬੀਮਾਰੀ ਹੈ। ਇਸਦੇ ਕਾਰਨ, ਜਦੋਂ ਗੈਸਟਰੋਇੰਟੇਸਟਾਈਨਲ ਟ੍ਰੈਕਟ ਵਿੱਚ ਖਮੀਰ ਦੀ ਮਾਤਰਾ ਬਹੁਤ ਜ਼ਿਆਦਾ ਹੋ ਜਾਂਦੀ ਹੈ, ਤਾਂ ਇਹ ਭੋਜਨ ਵਿੱਚ ਕਾਰਬੋਹਾਈਡਰੇਟ ਨੂੰ ਫਰਮੈਂਟ ਕਰਦਾ ਹੈ ਅਤੇ ਉਹਨਾਂ ਨੂੰ ਅਲਕੋਹਲ ਵਿੱਚ ਬਦਲ ਦਿੰਦਾ ਹੈ।
ਇਹ ਵੀ ਪੜ੍ਹੋ : X ‘ਤੇ ਅਡਲਟ ਕੰਟੈਂਟ ਨੂੰ ਮਿਲੀ ਮਨਜ਼ੂਰੀ, ਭਾਰਤ ‘ਚ ਬੈਨ ਹੋਵੇਗਾ ਇਹ ਸੋਸ਼ਲ਼ ਮੀਡੀਆ ਪਲੇਟਫਾਰਮ!
ਇਸ ਬੀਮਾਰੀ ਕਾਰਨ ਔਰਤ ਨੂੰ ਜ਼ਿਆਦਾ ਨੀਂਦ ਨਾ ਆਉਣ ਦੀ ਸਮੱਸਿਆ ਹੋ ਰਹੀ ਸੀ। ਉਸ ਮੁਤਾਬਕ ਖਾਣਾ ਬਣਾਉਂਦੇ ਸਮੇਂ ਉਹ ਸੌਂ ਜਾਂਦੀ ਸੀ। ਇੰਨਾ ਹੀ ਨਹੀਂ ਕਿਸੇ ਨਾਲ ਗੱਲ ਕਰਦੇ ਸਮੇਂ ਉਸ ਦੀ ਜੀਭ ਸ਼ਰਾਬੀਆਂ ਵਾਂਗ ਲੜਖੜਾਉਂਦੀ ਸੀ ਅਤੇ ਉਸ ਦੇ ਮੂੰਹ ਵਿਚੋਂ ਸ਼ਰਾਬ ਦੀ ਬਦਬੂ ਵੀ ਆ ਰਹੀ ਸੀ।
ਡਾਕਟਰ ਜੇਵੂਡੇ ਨੇ ਕਿਹਾ, ਜੇ ਔਰਤ ਨੇ ਕਾਰਬੋਹਾਈਡਰੇਟ ਦੀ ਜ਼ਿਆਦਾ ਮਾਤਰਾ ਨਾ ਖਾਧੀ ਹੁੰਦੀ ਤਾਂ ਉਸ ਦੇ ਲੱਛਣ ਇੰਨੇ ਮਾੜੇ ਨਹੀਂ ਹੁੰਦੇ। ਉਨ੍ਹਾਂ ਦੇ ਮੁਤਾਬਕ ਉਹ ਅਕਸਰ ਕਾਰਬੋਹਾਈਡਰੇਟ ਨਾਲ ਭਰਪੂਰ ਭੋਜਨ ਜਾਂ ਕੇਕ ਖਾਂਦੀ ਸੀ। ਇਸ ਕਾਰਨ ਬਿਮਾਰੀ ਦਾ ਪੱਧਰ ਬਹੁਤ ਤੇਜ਼ੀ ਨਾਲ ਵਧਿਆ। ਔਰਤ 40 ਸਾਲ ਦੀ ਉਮਰ ਤੋਂ ਯੂਟੀਆਈ ਤੋਂ ਪੀੜਤ ਸੀ। ਇਸ ਦੇ ਲਈ ਉਸਨੇ ਸੀਨੇ ਵਿਚ ਜਲਨ ਦੀ ਦਵਾਈ ਵੀ ਲਈ।
ਜਾਣਕਾਰੀ ਮੁਤਾਬਕ ਆਟੋ-ਬ੍ਰਿਊਰੀ ਸਿੰਡਰੋਮ ਦਾ ਇਹ ਕੋਈ ਪਹਿਲਾ ਮਾਮਲਾ ਨਹੀਂ ਹੈ। ਇਸ ਸਾਲ ਅਪ੍ਰੈਲ ‘ਚ ਬੈਲਜੀਅਮ ਦੇ ਇਕ ਵਿਅਕਤੀ ‘ਤੇ ਸ਼ਰਾਬ ਦੇ ਨਸ਼ੇ ‘ਚ ਗੱਡੀ ਚਲਾਉਣ ਦਾ ਦੋਸ਼ ਲੱਗਾ ਸੀ। ਦੁਰਲੱਭ ਬਿਮਾਰੀ ਦੀ ਪੁਸ਼ਟੀ ਹੋਣ ਤੋਂ ਬਾਅਦ ਉਸਨੂੰ ਬਰੀ ਕਰ ਦਿੱਤਾ ਗਿਆ ਸੀ। ਇਸ ਦੇ ਨਾਲ ਹੀ ਪਿਛਲੇ ਸਾਲ ਲਾਂਗ ਆਈਲੈਂਡ ਵਿੱਚ ਇੱਕ ਵਿਅਕਤੀ ਇਸ ਬਿਮਾਰੀ ਕਾਰਨ ਆਪਣੀ ਨੌਕਰੀ ਗੁਆ ਬੈਠਾ ਸੀ।
ਵੀਡੀਓ ਲਈ ਕਲਿੱਕ ਕਰੋ -:
