ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅੱਜ ਕੈਬਨਿਟ ਦੀ ਬੈਠਕ ਵਿਚ ਸਿਰਫ 4 ਗੱਡੀਆਂ ਦੇ ਕਾਫਲੇ ਨਾਲ ਪਹੁੰਚੇ। ਹੁਣੇ ਜਿਹੇ ਪੀਐੱਮ ਮੋਦੀ ਨੇ ਲੋਕਾਂ ਤੋਂ ਪੈਟਰੋਲ ਤੇ ਡੀਜ਼ਲ ਬਚਾਉਣ ਦੀ ਅਪੀਲ ਕੀਤੀ ਸੀ। ਪੀਐੱਮ ਮੋਦੀ ਨੇ ਹੁਣ ਆਪਣਾ ਕਾਫਲਾ ਘਟਾ ਦਿੱਤਾ ਹੈ। ਈਰਾਨ ਯੁੱਧ ਕਾਰਨ ਦੁਨੀਆ ਭਰ ਵਿਚ ਪੈਦਾ ਹੋਏ ਊਰਜਾ ਸੰਕਟ ਨੂੰ ਦੇਖਦੇ ਹੋਏ PM ਮੋਦੀ ਨੇ ਦੇਸ਼ ਵਾਸੀਆਂ ਨੂੰ ਪੈਟਰੋਲ ਤੇ ਡੀਜ਼ਲ ਘੱਟ ਵਰਤਣ, ਇਕ ਸਾਲ ਤੱਕ ਸੋਨਾ ਨਾ ਖਰੀਦਣ ਤੇ ਖਾਣ ਵਾਲੇ ਤੇਲ ਦੀ ਘੱਟ ਵਰਤੋਂ ਕਰਨ ਦੀ ਅਪੀਲ ਕੀਤੀ ਇੰਨਾ ਹੀ ਨਹੀਂ ਪੀਐੱਮ ਮੋਦੀ ਦੀ ਅਪੀਲ ਦੇ ਬਾਅਦ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਵੀ ਆਪਣਾ ਕਾਫਲਾ ਘਟਾ ਦਿੱਤਾ ਹੈ। ਅਮਿਤ ਸ਼ਾਹ ਨੇ ਆਪਣਾ ਕਾਫਲਾ ਅੱਧੇ ਤੋਂ ਘੱਟ ਕਰ ਦਿੱਤਾ ਹੈ। ਇਹ ਕੈਬਨਿਟ ਮੀਟਿੰਗ ਵਿਚ ਸਿਰਫ 4 ਕਾਰਾਂ ਦੇ ਨਾਲ ਪਹੁੰਚੇ।
ਪੀਐੱਮ ਮੋਦੀ ਨੇ ਜੋ ਅਪੀਲ ਦੇਸ਼ ਵਾਸੀਆਂ ਨੂੰ ਕੀਤੀ ਸੀ, ਉਸ ਨੂੰ ਆਪਣੇ ਉਪਰ ਲਾਗੂ ਕਰਕੇ ਵੱਡਾ ਸੰਦੇਸ਼ ਦਿੱਤਾ ਹੈ। ਪ੍ਰਧਾਨ ਮੰਤਰੀ ਨੇ ਸਰਕਾਰੀ ਖਰਚ ਵਿਚ ਕਟੌਤੀ ਦੀ ਦਿਸ਼ਾ ਵਿਚ ਵੱਡਾ ਕਦਮ ਚੁੱਕਦੇ ਹੋਏ ਆਪਣੇ ਅਧਿਕਾਰਕ ਕਾਫਲੇ ਨੂੰ ਅੱਧਾ ਕਰਨ ਦਾ ਨਿਰਦੇਸ਼ ਦਿੱਤਾ ਹੈ ਦੱਸਿਆ ਜਾ ਰਿਹਾ ਹੈ ਕਿ ਪ੍ਰਧਾਨ ਮੰਤਰੀ ਨੇ ਸਿਰਫ ਵਾਹਨਾਂ ਦੀ ਗਿਣਤੀ ਘਟਾਉਣ ‘ਤੇ ਹੀ ਜ਼ੋਰ ਨਹੀਂ ਦਿੱਤਾ ਸਗੋਂ ਵਾਤਾਵਰਣ ਸੁਰੱਖਿਆ ਨੂੰ ਧਿਆਨ ਵਿਚ ਰੱਖਦੇ ਹੋਏ ਕਾਫਲੇ ਵਿਚ ਇਲੈਕਟ੍ਰਿਕ ਵਾਹਨਾਂ ਦੀ ਗਿਣਤੀ ਵਧਾਉਣ ਦੀ ਇੱਛਾ ਵੀ ਪ੍ਰਗਟਾਈ ਹੈ।
ਇਹ ਵੀ ਪੜ੍ਹੋ : CM ਮਾਨ ਨੇ PSEB ਦੀ 12ਵੀਂ ਜਮਾਤ ਦੀ ਪ੍ਰੀਖਿਆ ‘ਚੋਂ ਅਵੱਲ ਆਉਣ ਵਾਲੀਆਂ ਵਿਦਿਆਰਥਣਾਂ ਨੂੰ ਦਿੱਤੀ ਵਧਾਈ
ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਪ੍ਰਧਾਨ ਮੰਤਰੀ ਦੇ ਕਾਫਲੇ ਵਿਚ ਆਮ ਤੌਰ ‘ਤੇ 12-15 ਗੱਡੀਆਂ ਹੁੰਦੀਆਂ ਹਨ। ਪ੍ਰਧਾਨ ਮੰਤਰੀ ਮੋਦੀ ਦੀ BMW ‘ਤੇ AK-47, ਹੈਂਡ ਗ੍ਰਨੇਡ ਦਾ ਅਸਰ ਵੀ ਨਹੀਂ ਹੁੰਦਾ, ਟਾਇਰ ਪੰਚਰ ਹੋਣ ‘ਤੇ ਵੀ 90 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਸਪੀਡ ਨਾਲ 320 ਕਿਲੋਮੀਟਰ ਚੱਲ ਸਕਦੀ ਹੈ। ਪੀਐੱਮ ਦੇ ਕਾਫਲੇ ਨੂੰ ਦਿੱਲੀ ਪੁਲਿਸ ਦੀ ਕਾਰ ਲੀਡ ਕਰਦੀ ਹੈ ਤੇ ਰਸਤਾ ਕਲੀਅਰ ਕਰਦੀ ਹੈ, ਟ੍ਰੈਫਿਕ ਕੰਟਰੋਲ ਕਰਨ ਦੀ ਜਿੰਮੇਵਾਰੀ ਇਨ੍ਹਾਂ ‘ਤੇ ਹੁੰਦੀ ਹੈ। SPG ਦੀ ਪਾਇਲਟ ਕਾਰ ਵੀ ਪੀਐੱਮ ਦੇ ਕਾਫਲੇ ਦੇ ਨਾਲ ਚੱਲ ਕੇ ਖਤਰੇ ਦੀ ਐਡਵਾਂਸ ਸਕੈਨਿੰਗ ਕਰਦੀ ਹੈ। ਪ੍ਰਧਾਨ ਮੰਤਰੀ ਦੇ ਕਾਫਲੇ ਨਾਲ ਜੈਮਰ ਕਾਰ ਵੀ ਹੁੰਦੀ ਹੈ। ਜੈਮਰ ਕਾਰ ਦੇ ਉਪਰ ਲੱਗੇ ਐਂਟੀਨਾ ਨਾਲ ਸੜਕ ਦੇ ਦੋਵੇਂ ਪਾਸੇ 100 ਮੀਟਰ ਤੱਕ IED/ਰਿਮੋਟ ਬੰਬ ਨੂੰ ਡਿਫਿਊਜ਼ ਕਰ ਸਕਦੀ ਹੈ। ਪੀਐੱਮ ਦੀ ਕਾਰ ਵਰਗੀ ਡੰਮੀ ਕਾਰਾਂ ਵੀ ਕਾਫਲੇ ਦੇ ਨਾਲ ਚੱਲਦੀਆਂ ਹਨ। ਮਰਸਡੀਜ਼ ਬੇਂਜ ਐਂਬੁਲੈਂਸ ਵੀ ਪੀਐੱਮ ਦੇ ਕਾਫਲੇ ਦੇ ਨਾਲ ਚੱਲਦੀ ਹੈ। ਇਹ ਕਿਸੇ ਵੀ ਮੈਡੀਕਲ ਐਮਰਜੈਂਸੀ ਲਈ PM ਮੋਦੀ ਦੇ ਨਾਲ ਚੱਲਦੀ ਹੈ। ਪ੍ਰਧਾਨ ਮੰਤਰੀ ਦੀ ਸੁਰੱਖਿਆ ਵਿਚ ਰਹਿਣ ਵਾਲੀ NSG ਕਮਾਂਡੋ ਦੀਆਂ ਗੱਡੀਆਂ ਵੀ ਕਾਫਲੇ ਦੇ ਨਾਲ ਚੱਲਦੀਆਂ ਹਨ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
