ਪ੍ਰਸਿੱਧ ਗਾਇਕ ਬੀ. ਪ੍ਰਾਕ ਬੀਤੀ ਦੇਰ ਰਾਤ ਅੰਮ੍ਰਿਤਸਰ ‘ਚ ਸ੍ਰੀ ਹਰਿਮੰਦਰ ਸਾਹਿਬ ਵਿਖੇ ਨਤਮਸਤਕ ਹੋਏ। ਉਨ੍ਹਾਂ ਸ਼ਰਧਾ ਨਾਲ ਮੱਥਾ ਟੇਕਿਆ ਤੇ ਸਰਬੱਤ ਦੇ ਭਲੇ ਦੀ ਅਰਦਾਸ ਕੀਤੀ।
ਰਿਪੋਰਟਾਂ ਮੁਤਾਬਕ ਬੀ. ਪ੍ਰਾਕ ਰਾਤ 11 ਵਜੇ ਦੇ ਕਰੀਬ ਗੁਰਦੁਆਰਾ ਸਾਹਿਬ ਵਿਖੇ ਪਹੁੰਚੇ। ਉਨ੍ਹਾਂ ਨੇ ਚਿੱਟਾ ਕੁੜਤਾ-ਪਜਾਮਾ ਪਾਇਆ ਹੋਇਆ ਸੀ। ਉਹ ਲਗਭਗ ਇੱਕ ਘੰਟੇ ਤੱਕ ਪਰਿਕਰਮਾ ਖੇਤਰ ਵਿੱਚ ਬੈਠੇ ਰਹੇ, ਸ਼ਾਂਤ ਢੰਗ ਨਾਲ ਗੁਰਬਾਣੀ ਸਰਵਣ ਕੀਤੀ।
ਉਨ੍ਹਾਂ ਨੇ ਆਪਣੇ ਸੋਸ਼ਲ ਮੀਡੀਆ ‘ਤੇ ਇਸ ਅਧਿਆਤਮਿਕ ਯਾਤਰਾ ਦੀਆਂ ਫੋਟੋਆਂ ਸਾਂਝੀਆਂ ਕੀਤੀਆਂ, ਜੋ ਤੇਜ਼ੀ ਨਾਲ ਵਾਇਰਲ ਹੋ ਰਹੀਆਂ ਹਨ। ਪ੍ਰਸ਼ੰਸਕ ਇਸ ਨੂੰ ਉਨ੍ਹਾਂ ਦੀ ਸਾਦਗੀ ਅਤੇ ਅਧਿਆਤਮਿਕ ਨਾਲ ਜੁੜਾਅ ਦੀ ਇੱਕ ਸੁੰਦਰ ਮਿਸਾਲ ਦੱਸ ਰਹੇ ਹਨ।
ਦੱਸ ਦੇਈਏ ਕਿ ਬੀ. ਪ੍ਰਾਕ ਦਾ ਜਨਮ 7 ਫਰਵਰੀ, 1986 ਨੂੰ ਚੰਡੀਗੜ੍ਹ ਦੇ ਇੱਕ ਸਿੱਖ ਪਰਿਵਾਰ ਵਿੱਚ ਹੋਇਆ ਸੀ। ਉਨ੍ਹਾਂ ਦੇ ਪਿਤਾ, ਸਵਰਗੀ ਵਰਿੰਦਰ ਬੱਚਨ, ਇੱਕ ਮਸ਼ਹੂਰ ਸੰਗੀਤਕਾਰ ਸਨ। ਬੀ. ਪ੍ਰਾਕ ਨੇ ਬਚਪਨ ਵਿੱਚ ਆਪਣੇ ਪਿਤਾ ਤੋਂ ਸੰਗੀਤ ਦੀਆਂ ਬਾਰੀਕੀਆਂ ਸਿੱਖੀਆਂ ਸਨ। ਬੀ. ਪ੍ਰਾਕ ਨੇ ਕਈ ਇੰਟਰਵਿਊਆਂ ਵਿੱਚ ਕਿਹਾ ਹੈ ਕਿ ਉਹ ਬਚਪਨ ਤੋਂ ਹੀ ਇੱਕ ਗਾਇਕ ਬਣਨਾ ਚਾਹੁੰਦੇ ਸਨ, ਪਰ ਉਨ੍ਹਾਂ ਦੇ ਪਿਤਾ ਚਾਹੁੰਦੇ ਸਨ ਕਿ ਉਹ ਇੱਕ ਸੰਗੀਤ ਨਿਰਦੇਸ਼ਕ ਬਣਨ। ਸੰਗੀਤ ਦੀਆਂ ਬਾਰੀਕੀਆਂ ਸਿੱਖਣ ਲਈ, ਬੀ. ਪ੍ਰਾਕ ਨੇ 10 ਸਾਲ ਪਰਦੇ ਪਿੱਛੇ ਕੰਮ ਕੀਤਾ। ਆਪਣੇ ਸੰਘਰਸ਼ ਵਾਲੇ ਦਿਨਾਂ ਦੌਰਾਨ ਬੀ ਪ੍ਰਾਕ ਸੰਗੀਤ ਸਿੱਖਣ ਲਈ ਆਪਣੇ ਪਿਤਾ ਤੋਂ 30 ਰੁਪਏ ਉਧਾਰ ਲੈਂਦੇ ਸਨ। ਸੰਗੀਤ ਚੁਣਨ ਤੋਂ ਪਹਿਲਾਂ ਉਨ੍ਹਾਂ ਨੇ ਇੱਕ ਫੈਕਟਰੀ ਵਿੱਚ ਵੀ ਕੰਮ ਕੀਤਾ।
ਇਹ ਵੀ ਪੜ੍ਹੋ : ਹੋਰਮੁਜ਼ ਖੁੱਲ੍ਹਦੇ ਹੀ ਆਈ ਰਾਹਤ ਦੀ ਖ਼ਬਰ! ਮੂਧੇ ਮੂੰਹ ਡਿੱਗੀਆਂ ਕੱਚੇ ਤੇਲ ਦੀਆਂ ਕੀਮਤਾਂ
2017 ਵਿੱਚ ਪ੍ਰਾਕ ਨੇ ਗੀਤਕਾਰ ਜਾਨੀ ਦੇ ਗੀਤ “ਤੈਥੋਂ ਮੇਰਾ ਮਨ ਭਰੇਆ’ ਨਾਲ ਆਪਣੀ ਗਾਇਕੀ ਦੀ ਸ਼ੁਰੂਆਤ ਕੀਤੀ। ਇੱਕ ਸੈਡ ਸਾਂਗ ਹੋਣ ਦੇ ਬਾਵਜੂਦ ਇਹ ਇੰਨਾ ਹਿੱਟ ਹੋਇਆ ਕਿ ਬੀ. ਪ੍ਰਾਕ ਦੇ ਲੱਖਾਂ ਪ੍ਰਸ਼ੰਸਕਾਂ ਬਣ ਗਏ। ਇਹ ਅਕਸ਼ੈ ਕੁਮਾਰ ਦੀ ਫਿਲਮ “ਕੇਸਰੀ” ਦਾ ਗੀਤ “ਤੇਰੀ ਮਿੱਟੀ ਮੈਂ ਮਿਲ ਜਾਵਾਂ” ਹਰ ਕਿਸੇ ਦੀ ਜੁਬਾਨ ‘ਤੇ ਚੜ੍ਹ ਗਿਆ।
ਵੀਡੀਓ ਲਈ ਕਲਿੱਕ ਕਰੋ -:
