ਪੰਜਾਬ ਦੇ ਰੋਪੜ ਦੇ ਰਹਿਣ ਵਾਲਾ 7 ਸਾਲਾ ਤੇਗਬੀਰ ਸਿੰਘ ਨੇ ਵਿਸ਼ਵ ਰਿਕਾਰਡ ਬਣਾਇਆ ਹੈ। ਉਸ ਨੇ ਨੇਪਾਲ ਦੇ ਅੰਨਪੂਰਨਾ ਸਰਕਟ ਨੂੰ ਫਤਿਹ ਕੀਤਾ ਹੈ। ਨੇਪਾਲ ਵਿਚ 17,769 ਫੁੱਟ ਦੀ ਉਚਾਈ ‘ਤੇ ਅੰਨਪੂਰਨਾ ਸਰਕਟ ਸਥਿਤ ਹੈ ਤੇ ਇਸ ਨੂੰ ਫਤਿਹ ਕਰਨ ਵਾਲਾ ਤੇਗਬੀਰ ਸਿੰਘ ਦੁਨੀਆ ਦਾ ਸਭ ਤੋਂ ਘੱਟ ਉਮਰ ਦਾ ਲੜਕਾ ਬਣ ਗਿਆ ਹੈ।
ਸ਼ਿਵਾਲਿਕ ਪਬਲਿਕ ਸਕੂਲ ਦੀ ਕਲਾਸ 3 ਦੇ ਵਿਦਿਆਰਥੀ ਤੇਗਬੀਰ ਸਿੰਘ ਨੇ ਦੁਬਈ ਦੇ ਇਵਾਨ ਕਰੂਸ਼ਕੋਵ ਦਾ ਰਿਕਾਰਡ ਤੋੜ ਦਿੱਤਾ ਜਿਸ ਨੇ ਅਪ੍ਰੈਲ 2025 ਵਿਚ 7 ਸਾਲ ਤੇ 10 ਮਹੀਨੇ ਦੀ ਉਮਰ ਵਿਚ ਇਹ ਟਰੈਕ ਪੂਰਾ ਕੀਤਾ ਸੀ। ਤੇਗਬੀਰ ਨੇ ਸਿਰਫ 7 ਸਾਲ 6 ਮਹੀਨੇ ਦੀ ਉਮਰ ਵਿਚ ਇਹ ਉਪਲਬਧੀ ਹਾਸਲ ਕੀਤੀ।
ਤੇਗਬੀਰ ਨੇ 11 ਅਪ੍ਰੈਲ ਨੂੰ ਆਪਣੀ ਯਾਤਰਾ ਸ਼ੁਰੂ ਕੀਤੀ ਤੇ 18 ਅਪ੍ਰੈਲ ਨੂੰ ਸਵੇਰੇ ਥੋਰੋਂਗ ਲਾ ਦੱਰੇ ‘ਤੇ ਪਹੁੰਚੇ। ਲਗਭਗ -13 ਡਿਗਰੀ ਸੈਲਸੀਅਸ ਦੀ ਕੜਾਕੇ ਦੀ ਠੰਡ ਵਿਚ ਸਵੇਰੇ 4 ਵਜੇ ਸ਼ੁਰੂ ਹੋ ਕੇ ਤੇਗਬੀਰ ਨੇ ਆਪਣੇ ਪਿਤਾ ਸੁਖਿੰਦਰਦੀਪ ਸਿੰਘ ਤੇ 2 ਗਾਈਡਾਂ ਦੇ ਨਾਲ ਲਗਭਗ ਸਾਢੇ 5 ਘੰਟੇ ਵਿਚ ਅੰਤਿਮ ਚੜ੍ਹਾਈ ਪੂਰੀ ਕੀਤੀ ਤੇ ਸਵੇਰੇ 9.25 ਵਜੇ ਸਿਖਰ ‘ਤੇ ਪਹੁੰਚ ਗਏ।
ਇਹ ਵੀ ਪੜ੍ਹੋ : US-ਈਰਾਨ ਵਿਚਾਲੇ ਅੱਜ ਹੋ ਸਕਦੀ ਹੈ ਦੂਜੇ ਦੌਰ ਦੀ ਗੱਲਬਾਤ, ਇਸਲਾਮਾਬਾਦ ਜਾਣਗੇ ਅਮਰੀਕੀ ਪ੍ਰਤੀਨਿਧੀ
230 ਕਿਲੋਮੀਟਰ ਤੋਂ ਵੱਧ ਲੰਬਾ ਅੰਨਪੂਰਨਾ ਸਰਕਟ ਆਪਣੀ ਉਚਾਈ, ਘੱਟ ਆਕਸੀਜਨ ਪੱਧਰ ਤੇ ਜ਼ੀਰੋ ਤੋਂ ਹੇਠਾਂ ਤਾਪਮਾਨ ਦੇ ਕਾਰਨ ਦੁਨੀਆ ਦੇ ਸਭ ਤੋਂ ਚੂਣੌਤੀਪੂਰਨ ਟਰੈਕਾਂ ਵਿਚੋਂ ਇਕ ਮੰਨਿਆ ਜਾਂਦਾ ਹੈ। ਤੇਗਬੀਰ ਨੇ ਇਕ ਹਫਤੇ ਤੋਂ ਵਧ ਸਮੇਂ ਤੱਕ ਟ੍ਰੈਕਿੰਗ ਤੇ ਉੱਚ ਉਚਾਈ ‘ਤੇ ਰਹਿਣ ਦੌਰਾਨ ਔਸਤ ਤਾਪਮਾਨ -8 ਡਿਗਰੀ ਸੈਲਸੀਅਸ ਤੇ ਤੇਜ਼ ਹਵਾਵਾਂ ਸਣੇ ਕਈ ਮੁਸ਼ਕਲ ਹਾਲਾਤਾਂ ਦਾ ਸਾਹਮਣਾ ਕੀਤਾ।
ਵੀਡੀਓ ਲਈ ਕਲਿੱਕ ਕਰੋ -:
