ਹਾਲ ਹੀ ਵਿੱਚ ਇਸਲਾਮੀ ਦੇਸ਼ ਤੁਰਕੀ ਵਿੱਚ ਹੋਈਆਂ ਰਾਸ਼ਟਰਪਤੀ ਚੋਣਾਂ ਵਿੱਚ ਰੇਸੇਪ ਤਈਪ ਏਰਦੋਗਨ ਜਿੱਤ ਗਏ ਹਨ। ਇਹ ਉਨ੍ਹਾਂ ਦੀ ਕਿਸੇ ਚੋਣ ਵਿੱਚ ਲਗਾਤਾਰ ਗਿਆਰ੍ਹਵੀਂ ਜਿੱਤ ਸੀ। ਹਣ ਉਨ੍ਹਾਂ ਨੂੰ ਤੁਰਕੀਏ ਦੇ 12ਵੇਂ ਰਾਸ਼ਟਰਪਤੀ ਵਜੋਂ ਅਹੁਦੇ ਦੀ ਸਹੁੰ ਲਈ ਹੈ।
ਅਲ ਜਜ਼ੀਰਾ ਨੇ ਰਿਪੋਰਟ ਦਿੱਤੀ ਹੈ ਕਿ ਰੇਸੇਪ ਤਇਪ ਏਰਦੋਗਨ ਦੀ ਇਤਿਹਾਸਕ ਜਿੱਤ ਦੇ ਨਾਲ ਰਾਸ਼ਟਰਪਤੀ ਦਾ ਕਾਰਜਕਾਲ 5 ਹੋਰ ਸਾਲਾਂ ਲਈ ਵਧਾ ਦਿੱਤਾ ਗਿਆ ਹੈ, ਤੁਰਕੀ ਵਿੱਚ ਪਿਛਲੇ ਮਹੀਨੇ ਹੀ ਚੋਣਾਂ ਹੋਈਆਂ ਸਨ, ਜਿਸ ਵਿੱਚ 28 ਮਈ ਨੂੰ ਹੋਈਆਂ ਵੋਟਾਂ ਦੌਰਾਨ ਏਰਦੋਗਨ ਨੇ ਆਪਣੇ ਨੇੜਲੇ ਵਿਰੋਧੀ ਕੇਮਲ ਕੇਲੀਕਦਾਰੋਗਲੂ ਨੂੰ ਹਰਾਇਆ ਸੀ।
ਰੇਸੇਪ ਤਈਅਪ ਏਰਦੋਗਨ ਆਪਣੇ ਆਪ ਨੂੰ ਇਸਲਾਮ ਦਾ ਸੱਚਾ ਪੈਰੋਕਾਰ ਦੱਸਦਾ ਹੈ। ਉਨ੍ਹਾਂ ਦੀ ਉਮਰ 69 ਸਾਲ ਹੈ। ਉਨ੍ਹਾਂ ਦਾ ਜਨਮ 26 ਫਰਵਰੀ 1954 ਨੂੰ ਇਸਤਾਂਬੁਲ, ਤੁਰਕੀ ਵਿੱਚ ਹੋਇਆ ਸੀ। ਉਸ ਦੀ ਪਤਨੀ ਦਾ ਨਾਮ ਐਮੀਨ ਗੁਲਬਰਨ ਹੈ। ਦੋਵੇਂ ਹਮੇਸ਼ਾ ਇਸਲਾਮੀ ਰੀਤੀ-ਰਿਵਾਜਾਂ ਬਾਰੇ ਬੋਲਦੇ ਰਹੇ ਹਨ, ਯਾਨੀ ਕਿ ਉਹ ਆਪਣੇ ਆਪ ਨੂੰ ਕੱਟੜ ਮੁਸਲਮਾਨ ਵਜੋਂ ਪੇਸ਼ ਕਰਦੇ ਹਨ। ਏਰਦੋਗਨ ਦਾ ਅਕਸ ਇੱਕ ਕੱਟੜ ਇਸਲਾਮੀ ਸਿਆਸਤਦਾਨ ਦਾ ਰਿਹਾ ਹੈ ਅਤੇ ਇਸ ਅਕਸ ਨੂੰ ਤੁਰਕੀ ਦੇ ਲੋਕਾਂ ਵੱਲੋਂ ਬਹੁਤ ਪਸੰਦ ਕੀਤਾ ਗਿਆ ਹੈ। ਇਹੀ ਕਾਰਨ ਹੈ ਕਿ ਏਰਦੋਗਨ ਪਿਛਲੇ 20 ਸਾਲਾਂ ਤੋਂ ਉੱਥੇ ਸੱਤਾ ‘ਤੇ ਕਾਬਜ਼ ਹੈ।
ਇਹ ਵੀ ਪੜ੍ਹੋ : ਲੁਧਿਆਣਾ : ਮੰਦਰ ਨੂੰ ਲੈ ਕੇ 2 ਧਿਰਾਂ ‘ਚ ਚੱਲੇ ਡਾਂਗ-ਸੋਟੇ, BJP ਨੇਤਾ ਸਣੇ 3 ਲੋਕ ਫੱਟੜ
ਏਰਦੋਗਨ ਦੀ ਜਿੱਤ ਦਾ ਮਹੱਤਵ ਇਸ ਗੱਲ ਤੋਂ ਵੀ ਸਮਝਿਆ ਜਾ ਸਕਦਾ ਹੈ ਕਿ ਇਸ ਸਾਲ ਦੀ ਸ਼ੁਰੂਆਤ ‘ਚ ਤੁਰਕੀ ‘ਚ ਭਿਆਨਕ ਭੂਚਾਲ ਆਇਆ ਸੀ, ਉਸ ਭੂਚਾਲ ‘ਚ 50 ਹਜ਼ਾਰ ਤੋਂ ਜ਼ਿਆਦਾ ਲੋਕਾਂ ਦੀ ਜਾਨ ਚਲੀ ਗਈ ਸੀ ਅਤੇ ਲੱਖਾਂ ਲੋਕ ਬੇਘਰ ਹੋ ਗਏ ਸਨ। ਅਰਬਾਂ ਡਾਲਰ ਦੀ ਜਾਇਦਾਦ ਦੇ ਨੁਕਸਾਨ ਦੇ ਨਾਲ ਹਜ਼ਾਰਾਂ ਇਮਾਰਤਾਂ ਤਬਾਹ ਹੋ ਗਈਆਂ। ਉਸ ਦੌਰਾਨ ਤੁਰਕੀ ਦੇ ਲੋਕਾਂ ਵਿੱਚ ਸਰਕਾਰ ਵਿਰੁੱਧ ਗੁੱਸਾ ਸੀ ਪਰ ਜਦੋਂ ਪਿਛਲੇ ਮਹੀਨੇ ਚੋਣਾਂ ਹੋਈਆਂ ਤਾਂ ਉਥੋਂ ਦੇ ਲੋਕਾਂ ਨੇ ਏਰਦੋਗਨ ਨੂੰ ਸੱਤਾ ਵਿੱਚ ਬਣੇ ਰਹਿਣ ਦਾ ਮੌਕਾ ਦਿੱਤਾ।
ਵੀਡੀਓ ਲਈ ਕਲਿੱਕ ਕਰੋ -:
“ਦੌੜ ‘ਚ ਤੂਫਾਨ ਵਾਂਗ ਧੱਕ ਪਾਉਣ ਵਾਲਾ athlete, ਈ-ਰਿਕਸ਼ਾ ਚਲਾਉਣ ਲਈ ਹੋਇਆ ਮਜ਼ਬੂਰ, CM Mann ਤੱਕ ਪਹੁੰਚਾ ਦਿਓ”
