ਮਨਦੀਪ ਨੇ ਸੁਸਾਈਡ ਕਰਨ ਤੋਂ ਇਕ ਦਿਨ ਪਹਿਲਾਂ ਕੀਤਾ ਸੀ ਭੈਣ ਨੂੰ ਫੋਨ, ਸਹੁਰੇ ਪਰਿਵਾਰ ਬਾਰੇ ਦੱਸੀਆਂ ਸਨ ਇਹ ਗੱਲਾਂ

ਉੱਤਰ ਪ੍ਰਦੇਸ਼ ਦੇ ਬਿਜਨੌਰ ਦੀ ਧਰੀ ਮਨਦੀਪ ਕੌਰ ਨੇ ਅਮਰੀਕਾ ਦੇ ਨਿਊਯਾਰਕ ਵਿਚ ਸੁਸਾਈਡ ਕਰ ਲਈ। ਮਨਦੀਪ ਕੌਰ ਦੇ ਸੁਸਾਈਡ ਕਰਨ ਦੇ ਮਾਮਲੇ ਵਿਚ ਪਰਿਵਾਰਕ ਮੈਂਬਰਾਂ ਨੇ ਪਤੀ ਤੇ ਸਹੁਰੇ ਵਾਲਿਆਂ ਖਿਲਾਫ ਪੁੱਤ ਦੀ ਚਾਹ ਅਤੇ 50 ਲੱਖ ਰੁਪਏ ਦਾਜ ਦੀ ਮੰਗ ਪੂਰੀ ਨਾ ਹੋਣ ‘ਤੇ ਤੰਗ ਕਰਨ ਦਾ ਮਾਮਲਾ ਦਰਜ ਕਰਾਇਆ ਹੈ। ਮਨਦੀਪ ਕੌਰ ਦਾ ਪੇਕਾ ਪਰਿਵਾਰ ਬਿਜਨੌਰ ਜ਼ਿਲ੍ਹੇ ਦੇ ਤਾਹਰਪੁਰ ਪਿੰਡ ਵਿਚ ਹੈ। ਮਨਦੀਪ ਦਾ ਵਿਆਹ ਜ਼ਿਲ੍ਹੇ ਦੇ ਹੀ ਬੜੀਆ ਪਿੰਡ ਵਾਸੀ ਰਣਜੋਤ ਵੀਰ ਸਿੰਘ ਨਾਲ 1 ਫਰਵਰੀ 2015 ਨੂੰ ਹੋਇਆ ਸੀ।

ਮਨਦੀਪ ਕੌਰ ਦੇ ਪਰਿਵਾਰ ਵਾਲਿਆਂ ਦਾ ਦੋਸ਼ ਹੈ ਕਿ ਲਗਾਤਾਰ ਦੋ ਧੀਆਂ ਨੂੰ ਜਨਮ ਦੇਣਾ ਹੀ ਮਨਦੀਪ ਕੌਰ ਲਈ ਜਾਨਲੇਵਾ ਹੋ ਗਿਆ। ਮਨਦੀਪ ਕੌਰ ਦੇ ਪਤੀ ਤੇ ਸਹੁਰੇ ਘਰ ਦੇ ਲੋਕ ਮੁੰਡਾ ਚਾਹੁੰਦੇ ਸਨ ਪਰ ਅਜਿਹਾ ਨਹੀਂ ਹੋਇਆ ਤਾਂ ਉਸ ਨੂੰ ਤੰਗ ਕਰਨਾ ਸ਼ੁਰੂ ਕਰ ਦਿੱਤਾ। ਪਰਿਵਾਰਕ ਮੈਂਬਰਾਂ ਨੇ ਦੱਸਿਆ ਕਿ ਪਤੀ ਨੇ ਉਨ੍ਹਾਂ ‘ਤੇ ਇੰਨੇ ਜ਼ੁਲਮ ਕੀਤੇ ਕਿ ਉਹ ਸੁਸਾਈਡ ਕਰਕੇ ਜਾਨ ਦੇਣ ਨੂੰ ਮਜਬੂਰ ਹੋ ਗਈ। ਪਰਿਵਾਰ ਨੇ ਰਣਜੋਤ ਵੀਰ ਦੇ ਘਰ ਦੀ ਸੀਸੀਟੀਵੀ ਫੁਟੇਜ ਉਪਲਬਧ ਵੀ ਕਰਾਈ ਜਿਸ ਵਿਚ ਸਾਫ ਨਜ਼ਰ ਆ ਰਿਹਾ ਹੈ ਕਿ ਮਨਦੀਪ ਦਾ ਪਤੀ ਉਸ ਦਾ ਗਲਾ ਘੋਟਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ।

ਮਨਦੀਪ ਕੌਰ ਦੀ ਭੈਣ ਕੁਲਦੀਪ ਕੌਰ ਨੇ ਰਣਜੀਤ ਅਤੇ ਉਸ ਦੇ ਪਰਿਵਾਰ ਵਾਲਿਆਂ ‘ਤੇ ਦੋ ਧੀਆਂ ਹੋਣ ਕਾਰਨ ਤੰਜ ਕਰਦੇ ਰਹਿਣ ਤੇ ਮਾਰਕੁੱਟ ਕਰਨ ਦਾ ਦੋਸ਼ ਲਗਾਇਆ। ਕੁਲਦੀਪ ਨੇ ਦੱਸਿਆ ਕਿ ਰਣਜੋਤ ਅਤੇ ਉਸ ਦਾ ਪਰਿਵਾਰ ਹਮੇਸ਼ਾ ਇਹ ਕਹਿੰਦਾ ਸੀ ਕਿ ਮਨਦੀਪ ਕਦੇ ਮੁੰਡੇ ਨੂੰ ਜਨਮ ਨਹੀਂ ਦੇ ਸਕਦੀ। ਭੈਣ ਮੁਤਾਬਕ ਮਨਦੀਪ ਨੇ ਸੁਸਾਈਡ ਕਰਨ ਤੋਂ ਇਕ ਦਿਨ ਪਹਿਲਾਂ ਉਸ ਨੂੰ ਫੋਨ ਵੀ ਕੀਤਾ ਸੀ।

ਕੁਲਦੀਪ ਕੌਰ ਨੇ ਅੱਗੇ ਦੱਸਿਆ ਕਿ ਅਗਲੇ ਹੀ ਦਿਨ ਮੇਰੇ ਭਰਾ ਦੀ ਲੜਕੀ ਦਾ ਫੋਨ ਆਇਆ। ਉਸ ਨੇ ਕਿਹਾ ਕਿ ਉਸ ਦੀ ਵੀਡੀਓ ਭੇਜੋ ਜਿਸ ਵਿਚ ਉਹ ਕੁੱਟਦੇ ਨਜ਼ਰ ਆ ਰਹੇ ਹਨ। ਸ਼ਾਮੀ ਸਾਢੇ ਚਾਰ ਵਜੇ ਮੇਰੇ ਜੀਜਾ ਨੇ ਸ਼ਾਮਲੀ ਤੋਂ ਫ਼ੋਨ ਕਰਕੇ ਮੈਨੂੰ ਮਨਦੀਪ ਨੂੰ ਫ਼ੋਨ ਕਰਨ ਲਈ ਕਿਹਾ। ਮੈਂ ਉਸਨੂੰ ਕਈ ਵਾਰ ਪੁੱਛਿਆ ਕਿ ਕੀ ਹੋਇਆ, ਉਸਨੇ ਕੁਝ ਨਹੀਂ ਦੱਸਿਆ ਅਤੇ ਸਿਰਫ ਫ਼ੋਨ ਲਗਾਓ, ਫ਼ੋਨ ਲਗਾਓ ਹੀ ਕਹਿੰਦਾ ਰਿਹਾ। ਮਨਦੀਪ ਨੂੰ ਕਾਲ ਕਰੋ। ਮਨਦੀਪ ਨੂੰ ਫੋਨ ਲਗਾਇਆ ਤਾਂ ਕਾਲ ਰਿਸੀਵ ਨਹੀਂ ਹੋਈ। ਮਨਦੀਪ ਦੀ ਭੈਣ ਮੁਤਾਬਕ ਉਸ ਨੇ ਫਿਰ ਤੋਂ ਜੀਜੇ ਨੂੰ ਫੋਨ ਮਿਲਾਇਆ ਤੇ ਇਹ ਦੱਸਿਆ।

ਕੁਲਦੀਪ ਕੌਰ ਨੇ ਕਿਹਾ ਕਿ ਜੀਜੇ ਨੇ ਦੱਸਿਆ ਕਿ ਮਨਦੀਪ ਦਾ ਇਕ ਵੀਡੀਓ ਮੇਰੇ ਕੋਲ ਆਇਆ ਹੈ ਜਿਸ ਵਿਚ ਉਹ ਆਤਮਹੱਤਿਆ ਕਰਨ ਦੀ ਗੱਲ ਕਹਿ ਰਹੀ ਹੈ। ਵੀਡੀਓ ਵਿਚ ਉਹ ਕਹਿ ਰਹੀ ਹੈ ਕਿ ਆਪਣੇ ਬੱਚਿਆਂ ਨੂੰ ਛੱਡਣਾ ਨਹੀਂ ਚਾਹੁੰਦੀ ਪਰ ਬਹੁਤ ਮਜਬੂਰ ਹੋ ਚੁੱਕੀ ਹੈ। ਪਾਪਾ ਹੁਣ ਮੈਂ ਮਰਨਾ ਚਾਹੁੰਦੀ ਹਾਂ। ਮੈਨੂੰ ਮਾਫ ਕਰ ਦੇਣਾ ਕਿਉਂਕਿ ਮੈਂ ਕੁਝ ਨਹੀਂ ਕਰ ਸਕੀ। ਜੀਜੇ ਨੇ ਇਹ ਵੀਡੀਓ ਮੈਨੂੰ ਭੇਜਿਆ। ਮੈਨੂੰ ਭਰੋਸਾ ਨਹੀਂ ਹੋਇਆ ਕਿਉਂਕਿ ਮੈਂ ਜਾਣਦੀ ਸੀ ਕਿ ਉਹ ਬਹੁਤ ਮਜ਼ਬੂਤ ਹੈ ਤੇ ਅਜਿਹਾ ਕਦਮ ਨਹੀਂ ਚੁੱਕਾਂਗੀ। ਮੈਂ ਉਸ ਦੇ ਸਭ ਤੋਂ ਜ਼ਿਆਦਾ ਕਰੀਬ ਸੀ।

ਕੁਲਦੀਪ ਨੇ ਕਿਹਾ ਕਿ ਗਭਗ ਇਕ ਘੰਟੇ ਬਾਅਦ ਹੀ 5.30 ਵਜੇ ਜੀਜੇ ਨੇ ਫਿਰ ਤੋਂ ਫੋਨ ਕੀਤਾ ਤੇ ਕਿਹਾ ਕਿ ਮਨਦੀਪ ਹੁਣ ਨਹੀਂ ਰਹੀ। ਰੋਂਦੀ ਹੋਈ ਕੁਲਦੀਪ ਕੌਰ ਨੇ ਕਿਹਾ ਕਿ ਮੇਰੀ ਭਾਰਤ ਸਰਕਾਰ ਨੂੰ ਅਪੀਲ ਹੈ ਕਿ ਮਨਦੀਪ ਨੂੰ ਸੁਸਾਈਡ ਲਈ ਮਜਬੂਰ ਕਰਨ ਵਾਲੇ ਰਣਜੋਤ ਨੂੰ ਵੀ ਮੌਤ ਦੀ ਸਜ਼ਾ ਹੋਣੀ ਚਾਹੀਦੀ ਹੈ ਜਿਸ ਨਾਲ ਉਸ ਦੀ ਆਤਮਾ ਨੂੰ ਸ਼ਾਂਤੀ ਮਿਲ ਸਕੇ।

ਮਨਦੀਪ ਦੇ ਪਰਿਵਾਰ ਵਾਲਿਆਂ ਨੇ ਦੱਸਿਆ ਕਿ ਦੋ ਧੀਆਂ ਦੇ ਜਨਮ ਦੇ ਬਾਅਦ ਉਸ ਦੇ ਬੁਰੇ ਦਿਨ ਸ਼ੁਰੂ ਹੋ ਗਏ। ਪੁੱਤ ਦੀ ਚਾਹ ਰੱਖਣ ਵਾਲੇ ਮਨਦੀਪ ਦੇ ਸਹੁਰੇ ਵਾਲਿਆਂ ਨੇ ਉਸ ਨੂੰ ਤੰਗ ਪ੍ਰੇਸ਼ਾਨ ਕਰਨਾ ਸ਼ੁਰੂ ਕਰ ਦਿੱਤਾ। ਰਣਜੋਤ ਹਰ ਰੋਜ਼ ਉਸ ਨੂੰ ਕੁੱਟਣ ਲੱਗਾ। 2021 ਵਿਚ ਗੱਲਇੰਨੀ ਵਧ ਗਈ ਕਿ ਮਨਦੀਪ ਨੇ ਆਪਣੇ ਪਤੀ ਖਿਲਾਫ ਨਿਊਯਾਰਕ ਵਿਚ ਤੰਗ ਕਰਨ ਦਾ ਕੇਸ ਦਰਜ ਕਰਾ ਦਿੱਤਾ ਸੀ।

ਕੇਸ ਦਰਜ ਹੋਣ ਦੇ ਬਾਅਦ ਰਣਜੋਤ ਨੇ ਪਰਿਵਾਰ ਵਾਲਿਆਂ ਤੋਂ ਮਾਫੀ ਮੰਗੀ ਤੇ ਦੁਬਾਰਾ ਪ੍ਰੇਸ਼ਾਨ ਨ ਕਰਨ ਦੀਗੱਲ ਕਹੀ। ਬਾਅਦ ਵਿਚ ਮਨਦੀਪ ਨੇ ਸਮਝੌਤਾ ਕਰ ਲਿਆ। ਕੁਝ ਦਿਨ ਤਾਂ ਸਭ ਕੁਝ ਠੀਕ ਚੱਲਿਆ ਪਰ ਫਿਰ ਦੁਬਾਰਾ ਤੋਂ ਉਹੀ ਸ਼ੁਰੂ ਹੋ ਗਿਆ।

ਵੀਡੀਓ ਲਈ ਕਲਿੱਕ ਕਰੋ -:

“Fastway ਨੂੰ ਲਗਾ ਗਏ ਲੱਖਾਂ ਦਾ ਚੂਨਾ, ਭਰੋਸਾ ਜਿੱਤਣ ਤੋਂ ਬਾਅਦ ਸੁਣੋ ਕਿਵੇਂ ਕੀਤਾ Fraud, ਪਰ ਹੁਣ ਵਾਪਿਸ ਕਰਨਾ ਪੈਣਾ “