ਮੀਂਹ ਦੇ ਬਾਅਦ ਉੱਤਰ ਭਾਰਤ ਦੇ ਸੂਬਿਆਂ ਵਿਚ ਹੁਮਸ ਵਾਲੀ ਗਰਮੀ ਪੈ ਰਹੀ ਹੈ। ਇਸ ਗਰਮੀ ਵਿਚ ਸਿਰਫ ਏਅਰ ਕੰਡੀਸ਼ਨਰ ਹੀ ਰਾਹਤ ਪਹੁੰਚਾਉਂਦੇ ਹਨ। ਗਰਮੀ ਦੀ ਵਜ੍ਹਾ ਨਾਲ ਘੱਟ ਤੋਂ ਘੱਟ 8 ਮਹੀਨੇ ਏਅਰ ਕੰਡੀਸ਼ਨ ਯੂਜ਼ ਕੀਤੇ ਜਾਂਦੇ ਹਨ। ਇਸ ਲਈ ਏਅਰ ਕੰਡੀਸ਼ਨਰ ਦੇ ਰੱਖ-ਰਖਾਅ ਦੀ ਚਿੰਤਾ ਵੀ ਯੂਜਰਸ ਨੂੰ ਰਹਿੰਦੀ ਹੈ ਕਿਉਂਕਿ ਜੇਕਰ ਤੁਹਾਡਾ ਏਅਰ ਕੰਡੀਸ਼ਨਰ ਅਚਾਨਕ ਖਰਾਬ ਹੋ ਗਿਆ ਤਾਂ ਤੁਹਾਨੂੰ ਗਰਮੀ ਤੋਂ ਪ੍ਰੇਸ਼ਾਨ ਹੋਣਾ ਪਵੇਗਾ।
ਏਅਰ ਕੰਡੀਸ਼ਨਰ ਦੀ ਸਰਵਿਸਿੰਗ ਵਿਚ ਉਸ ਦੇ ਫਿਲਟਰ ਤੇ ਇੰਟਰਨਲ ਬਾਡੀ ਦੀ ਸਫਾਈ ਹੁੰਦੀ ਹੈ। ਨਾਲ ਹੀ ਮਕੈਨਿਕ ਮੀਟਰ ਜ਼ਰੀਏ ਕੰਪ੍ਰੈਸਰ ਦੀ ਗੈਸ ਵੀ ਚੈੱਕ ਕਰਦਾ ਹੈ। ਜੇਕਰ ਗੈਸ ਘੱਟ ਹੁੰਦੀ ਹੈ ਤਾਂ ਉਸ ਨੂੰ ਮਕੈਨਿਕ ਫਿਲ ਵੀ ਕਰਦਾ ਹੈ ਜਿਸ ਦੇ ਬਾਅਦ ਤੁਹਾਡਾ ਏਅਰ ਕੰਡੀਸ਼ਨਰ ਗਰਮੀ ਨਾਲ ਮੁਕਾਬਲਾ ਕਰਨ ਲਈ ਫਿਰ ਤੋਂ ਤਿਆਰ ਹੋ ਜਾਂਦਾ ਹੈ।
ਏਅਰ ਕੰਡੀਸ਼ਨਰ ਵਿਚ ਤੁਹਾਨੂੰ ਕੂਲਰ ਦੀ ਤਰ੍ਹਾਂ ਪੈਡ ਵਿਚ ਜਮ੍ਹਾ ਹੋਈ ਗੰਦਗੀ ਦਿਖਾਈ ਨਹੀਂ ਦਿੰਦੀ। ਇਸੇ ਕਾਰਨ ਯੂਜਰਸ ਕਈ ਵਾਰ ਲਾਪ੍ਰਵਾਹੀ ਕਾਰਨ ਏਅਰ ਕੰਡੀਸ਼ਨਰ ਦੀ ਸਰਵਿਸ ਨਹੀਂ ਕਰਾਉਂਦੇ ਜਿਸ ਨਾਲ ਉਨ੍ਹਾਂ ਨੂੰ ਕਾਫੀ ਨੁਕਸਾਨ ਹੋ ਜਾਂਦਾ ਹੈ।
ਅਜਿਹੇ ਵਿਚ ਤੁਹਾਨੂੰ ਗਰਮੀ ਦਾ ਮੌਸਮ ਸ਼ੁਰੂ ਹੋਣ ਤੋਂ ਪਹਿਲਾਂ ਏਅਰ ਕੰਡੀਸ਼ਨਰ ਦੀ ਸਰਵਿਸ ਕਰਾ ਲੈਣੀ ਚਾਹੀਦੀ ਹੈ। ਨਾਲ ਹੀ ਗਰਮੀ ਖਤਮ ਹੋਣ ‘ਤੇ ਜਾਂ ਫਿਰ ਸੀਜਨ ਵਿਚ ਇਕ ਵਾਰ ਜ਼ਰੂਰ ਸਰਵਿਸ ਕਰਾਉਣੀ ਚਾਹੀਦੀ ਹੈ ਜਿਸ ਨਾਲ ਤੁਹਾਡਾ ਏਅਰ ਕੰਡੀਸ਼ਨਰ ਚੰਗੀ ਤਰ੍ਹਾਂ ਕੰਮ ਕਰਦਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “
