ਦੁਨੀਆ ਵਿਚ ਤੁਸੀਂ ਇਕ ਤੋਂ ਇਕ ਅਜੀਬੋ ਗਰੀਬ ਜੌਬ ਸੁਣੀਆਂ ਹੋਣਗੀਆਂ ਪਰ ਇਹ ਨੌਕਰੀ ਜ਼ਬਰਦਸਤ ਹੈ। ਜੇਕਰ ਤੁਹਾਨੂੰ ਗੇਮ ਖੇਡਣ ਦਾ ਸ਼ੌਕ ਹੈ ਤਾਂ ਤੁਹਾਡੇ ਲਈ ਸਭ ਤੋਂ ਚੰਗੀ ਨੌਕਰੀ ਤੇ ਸੈਲਰੀ ਦੀ ਤਾਂ ਪੁੱਛੇ ਹੀ ਨਾ। ਹਰ ਹਫਤੇ 3.5 ਲੱਖ ਰੁਪਏ ਮਿਲਣਗੇ। ਕੰਮ ਸਿਰਫ ਇੰਨਾ ਹੈ ਕਿ ਤੁਹਾਨੂੰ ਦਫਤਰ ਵਿਚ ਆ ਕੇ ਸਿਰਫ ਗੇਮ ਖੇਡਣਾ ਹੈ ਤੇ ਉਹ ਵੀ ਹਫਤੇ ਵਿਚ ਸਿਰਫ ਚਾਰ ਦਿਨ। ਪੂਰਾ ਦਿਨ ਵੀ ਨਹੀਂ ਖੇਡਿਆ, ਸਿਰਫ 4 ਘੰਟੇ ਤੁਹਾਨੂੰ ਗੇਮ ਖੇਡਣ ਲਈ ਬਿਤਾਉਣਾ ਹੋਵੇਗਾ।
ਗਲੋਬਲ ਟਾਏ ਤੇ ਐਂਟਰਟੇਨਮੈਂਟ ਕੰਪਨੀ ਮੈਟਲ ਆਪਣੇ ਪਹਿਲੇ ਚੀਫ ਯੂਐੱਨਓ ਪਲੇਅਰ ਦੀ ਭਾਲ ਕਰ ਰਹੀ ਹੈ। ਇਸ ਲਈ ਅਰਜ਼ੀਆਂ ਮੰਗੀਆਂ ਗਈਆਂ ਹਨ। ਜੇਕਰ ਤੁਸੀਂ ਯੂਐੱਨਓ ਪ੍ਰੇਮੀ ਹੋ ਤਾਂ ਤੁਹਾਡੇ ਲਈ ਸੁਨਿਹਰੀ ਮੌਕਾ ਹੋਵੇਗਾ। ਕੰਮ ਸਿਰਫ ਇੰਨਾ ਹੋਵੇਗਾ ਕਿ ਤੁਹਾਨੂੰ ਯੂਐੱਨਓ ਕਵਾਟਰੋ ਖੇਡਣਾ ਹੋਵੇਗਾ ਤੇ ਪ੍ਰਸ਼ੰਸਕਾਂ ਨੂੰ ਇਸ ਦੇ ਨਿਯਮਾਂ ਬਾਰੇ ਦੱਸਣਾ ਹੋਵੇਗਾ। ਇਸ ਲਈ ਕੰਪਨੀ ਹਰ ਹਫਤੇ 4444 ਡਾਲਰ ਦਾ ਭੁਗਤਾਨ ਕਰੇਗੀ ਜੋ ਵੀ ਇਸ ਲਈ ਚੁਣਿਆ ਜਾਵੇਗਾ ਉਹ ਨਿਊਯਾਰਕ ਦੇ ਪੀਅਰ 17 ਦਫਤਰ ਤੋਂ ਕੰਮ ਕਰੇਗਾ।
ਕੰਪਨੀ ਨੇ ਇਸ ਅਹੁਦੇ ਲਈ ਕੁਝ ਯੋਗਤਾਵਾਂ ਤੈਅ ਕੀਤੀਆਂ ਹਨ ਜਿਵੇਂ ਸ਼ਖਸ ਦਾ ਵਿਵਹਾਰ ਮਿਲਣਸਾਰ ਹੋਣਾ ਚਾਹੀਦਾ ਹੈ ਤੇ ਸਭ ਤੋਂ ਖਾਸ ਗੱਲ ਉਸ ਨੂੰ ਨਾ ਸਿਰਫ ਯੂਐੱਨਓ ਆਉਣਾ ਚਾਹੀਦਾ ਹੈ ਸਗੋਂ ਜਨੂੰਨ ਦੀ ਹੱਤਦ ਤੱਕ ਲਗਾਅ ਵੀ ਹੋਣਾ ਚਾਹੀਦਾ ਹੈ। ਇਸ ਦੌਰਾਨ ਉਸ ਨੂੰ ਕਈ ਅਜਨਬੀ ਲੋਕਾਂ ਨਾਲ ਸੰਪਰਕ ਕਰਨਾ ਹੋਵੇਗਾ। ਉਨ੍ਹਾਂ ਨੂੰ ਗੇਮ ਖੇਡਣ ਲਈ ਬੁਲਾਉਣਾ ਹੋਵੇਗਾ ਤੇ ਨਿਯਮ ਸਮਝਾਉਣੇ ਹੋਣਗੇ।
ਇਹ ਵੀ ਪੜ੍ਹੋ : WhatsApp ‘ਚ ਆਇਆ ਕਮਾਲ ਦਾ ਫੀਚਰ! ਗਰੁੱਪ ‘ਤੇ ਆਇਆ ਗਲਤ ਮੈਸੇਜ ਤਾਂ ਮੈਂਬਰ ਕਰ ਸਕਣਗੇ ਸ਼ਿਕਾਇਤ
ਮੈਟਲ ਦੇ ਉਪ ਪ੍ਰਧਾਨ ਤੇ ਲਾਸ ਏਂਜਲਸ ਵਿਚ ਖੇਡਾਂ ਦੇ ਮੁਖੀ ਰੇ ਏੇਡਲਰ ਵੱਲੋਂ ਪ੍ਰੈੱਸ ਰਿਲੀਜ਼ ਜਾਰੀ ਕੀਤੀ ਗਈ ਹੈ। ਉੁਨ੍ਹਾਂ ਕਿਹਾ ਕਿ ਅਸੀਂ ਯੂਐੱਨਓ ਨਾਲ ਲੋਕਾਂ ਨੂੰ ਲਗਾਤਾਰ ਜੋੜਨ ਦੀ ਕੋਸ਼ਿਸ਼ ਕਰ ਰਹੇ ਹਾਂ। ਇਸ ਤਹਿਤ ਇਹ ਨਵੀਂ ਪਹਿਲ ਕੀਤੀ ਗਈ ਹੈ। ਇਸ ਬਾਰੇ ਅਸੀਂ ਕੁਝ ਨਵਾਂ ਕਰਨ ਜਾ ਰਹੇ ਹਾਂ ਤੇ ਉਮੀਦ ਹੈ ਕਿ ਲੋਕਾਂ ਨੂੰ ਪਸੰਦ ਆਏਗਾ।
ਵੀਡੀਓ ਲਈ ਕਲਿੱਕ ਕਰੋ -:
“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “
