Roayl Enfield ਦੇ ਸ਼ੌਕੀਨਾਂ ਲਈ ਖੁਸ਼ਖਬਰੀ ਹੈ। ਅਗਲੇ ਕੁਝ ਮਹੀਨਿਆਂ ‘ਚ ਕੰਪਨੀ ਨਵਾਂ ਮਾਡਲ ਲਾਂਚ ਕਰਨ ਦੀ ਯੋਜਨਾ ਬਣਾ ਰਹੀ ਹੈ। ਕੰਪਨੀ ਦਾ ਅਗਲਾ ਨਵਾਂ ਲਾਂਚ ਹਿਮਾਲੀਅਨ ADV ਤੋਂ ਸਸਤਾ ਹੋਵੇਗਾ। ਰਿਪੋਰਟ ਮੁਤਾਬਕ ਭਾਰਤੀ ਬਾਜ਼ਾਰ ‘ਚ ਇਸ ਨਵੇਂ ਮਾਡਲ ਦੀ ਵਿਕਰੀ ਫਰਵਰੀ 2022 ‘ਚ ਸ਼ੁਰੂ ਹੋਵੇਗੀ।

ਰਾਇਲ ਐਨਫੀਲਡ ਦੀ ਇਸ ਨਵੀਂ ਬਾਈਕ ਦਾ ਨਾਂ Scram 411 ਹੋ ਸਕਦਾ ਹੈ। ਪਰ ਕੰਪਨੀ ਨੇ ਅਜੇ ਅਧਿਕਾਰਤ ਤੌਰ ‘ਤੇ ਇਸ ਦੇ ਨਾਂ ਦਾ ਐਲਾਨ ਨਹੀਂ ਕੀਤਾ ਹੈ। ਚੇਨਈ ਸਥਿਤ ਬਾਈਕ ਨਿਰਮਾਤਾ ਕੰਪਨੀ ਕਈ ਹੋਰ ਮਾਡਲਾਂ ਨੂੰ ਵੀ ਲਾਂਚ ਕਰਨ ਦੀ ਯੋਜਨਾ ਬਣਾ ਰਹੀ ਹੈ, ਪਰ ਉਹ ਸਕ੍ਰਮ 411 ਤੋਂ ਬਾਅਦ ਹੀ ਆਉਣਗੇ।

ਵੀਡੀਓ ਲਈ ਕਲਿੱਕ ਕਰੋ :-

Vegetable Soup Recipe | ਵੈਜ਼ੀਟੇਬਲ ਸੂਪ ਬਨਾਉਣ ਦਾ ਆਸਾਨ ਤਰੀਕਾ | Healthy Veg Soup | Health Diet

ਨਵੀਂ ਲਾਂਚ ਹੋਣ ਵਾਲੀ ਬਾਇਕ ਪਹਿਲਾਂ ਹੀ ਇੰਟਰਨੈੱਟ ‘ਤੇ ਲੀਕ ਹੋ ਚੁੱਕੀ ਹੈ। ਜਾਣਕਾਰੀ ਮੁਤਾਬਕ ਇਸਦੇ ਬਹੁਤ ਸਾਰੇ ਬਾਹਰੀ ਡਿਜ਼ਾਈਨ ਵੇਰਵਿਆਂ ਦਾ ਵੀ ਅਨੁਮਾਨ ਲਗਾਇਆ ਜਾ ਚੁੱਕਾ ਹੈ। ਮੌਜੂਦਾ ਸਮੇਂ ਵਿੱਚ, Scrum 411 ਬਾਰੇ ਸਭ ਤੋਂ ਪ੍ਰਮੁੱਖ ਵੇਰਵੇ ਇਸ ਦਾ ਹਿਮਾਲੀਅਨ ADV-ਆਧਾਰਿਤ ਬਾਹਰੀ ਡਿਜ਼ਾਈਨ ਹੈ। ਇਸ ਨੂੰ ਹਿਮਾਲਿਅਨ ਦਾ ਇੱਕ ਵਧੇਰੇ ਕਿਫਾਇਤੀ, ਜਾਂ ਰੋਡ ਓਰੀਐਂਟਿਡ ਸੰਸਕਰਣ ਕਿਹਾ ਜਾ ਰਿਹਾ ਹੈ।

ਸਕ੍ਰੈਮ 411 ਵਿੱਚ ਅੱਗੇ ਲੰਮੀ ਵਿੰਡਸਕਰੀਨ, ਸਪਲਿਟ ਸੀਟਾਂ, ਸਟੈਂਡਰਡ ਲਗੈਜ ਰੈਕ, ਵੱਡੇ ਫਰੰਟ ਵ੍ਹੀਲ ਅਤੇ ਕੁਝ ਹੋਰ ਅਜਿਹੀਆਂ ਵਿਸ਼ੇਸ਼ਤਾਵਾਂ ਨਹੀਂ ਮਿਲਣਗੀਆਂ। ਇਹਨਾਂ ਫੀਚਰਸ ਨਾਲ, ਹਿਮਾਲੀਅਨ ਨੂੰ ਇੱਕ ਐਡਵੈਂਚਰ ਬਾਈਕ ਕਿਹਾ ਜਾਂਦਾ ਹੈ। ਇਸ ਦੀ ਬਜਾਏ, ਨਵੀਂ ਬਾਈਕ ਛੋਟੇ ਪਹੀਏ, ਘੱਟ ਸਸਪੈਂਸ਼ਨ ਟ੍ਰੈਵਲ, ਸਿੰਗਲ-ਸੀਟ ਅਤੇ ਰੀਅਰ ਪਿੱਲਰ ਗ੍ਰੈਬ ਹੈਂਡਲ ਦਾ ਇਸਤੇਮਾਲ ਕਰੇਗੀ। ਜੋ ਇਸ ਨੂੰ ਹੋਰ ਸੜਕ ਅਤੇ ਬਿਹਤਰ ਹਾਈਵੇਅ ਕਰੂਜ਼ਿੰਗ ਮਸ਼ੀਨ ਬਣਾਵੇਗਾ।