ਆਗਰਾ ‘ਚ ਹੋਲੀ ਖੇਡਣ ਆਈ 15 ਸਾਲਾਂ ਕੁੜੀ ਨਾਲ ਬਲਾਤਕਾਰ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਸ਼ੁੱਕਰਵਾਰ ਸਵੇਰੇ ਲੜਕੀ ਮੰਗਰੌਲ ਗੁਰਜਰ ਜੰਗਲ ‘ਚ ਸੜਕ ਕਿਨਾਰੇ ਬੇਹੋਸ਼ੀ ਦੀ ਹਾਲਤ ‘ਚ ਮਿਲੀ। ਪਰਿਵਾਰ ਅਤੇ ਪੁਲਿਸ ਨੇ ਬੱਚੀ ਨੂੰ ਹਸਪਤਾਲ ‘ਚ ਭਰਤੀ ਕਰਵਾਇਆ। ਉਹ ਹੁਣ ਬੋਲ ਨਹੀਂ ਪਾ ਰਹੀ ਹੈ। ਡੀਸੀਪੀ ਵਿਕਾਸ ਕੁਮਾਰ ਨੇ ਦੱਸਿਆ ਕਿ ਪੁਲੀਸ ਦੋਸ਼ੀਆਂ ਖ਼ਿਲਾਫ਼ ਕਾਰਵਾਈ ਕਰਨ ਲਈ ਪੀੜਤਾ ਦੇ ਬਿਆਨ ਦੀ ਉਡੀਕ ਕਰ ਰਹੀ ਹੈ।
ਕੁੜੀ ਆਗਰਾ ਦੇ ਸਿਕੰਦਰਾ ਇਲਾਕੇ ਦੀ ਰਹਿਣ ਵਾਲੀ ਹੈ। ਉਸ ਦੇ ਭਰਾ ਨੇ ਦੱਸਿਆ- ਵੀਰਵਾਰ ਦੁਪਹਿਰ ਕਰੀਬ 2.30 ਵਜੇ ਭੈਣ ਨੇ ਕਿਹਾ ਕਿ ਉਹ ਆਪਣੀ ਮਾਸੀ ਦੇ ਘਰ ਹੋਲੀ ਖੇਡਣ ਜਾ ਰਹੀ ਹੈ। ਮਾਸੀ ਦਾ ਘਰ ਕਰੀਬ 500 ਮੀਟਰ ਦੀ ਦੂਰੀ ‘ਤੇ ਹੈ।
ਜਦੋਂ ਉਹ ਸ਼ਾਮ 7 ਵਜੇ ਤੱਕ ਘਰ ਨਹੀਂ ਪਰਤੀ ਤਾਂ ਅਸੀਂ ਮਾਸੀ ਨੂੰ ਫੋਨ ਕੀਤਾ। ਮਾਸੀ ਨੇ ਦੱਸਿਆ ਕਿ ਉਹ ਉਨ੍ਹਾਂ ਦੇ ਘਰ ਨਹੀਂ ਆਈ ਹੈ। ਇਸ ਤੋਂ ਬਾਅਦ ਅਸੀਂ ਉਸ ਨੂੰ ਲੱਭਣਾ ਸ਼ੁਰੂ ਕਰ ਦਿੱਤਾ। ਰਾਤ ਭਰ ਪਿੰਡ ਅਤੇ ਇਲਾਕੇ ਵਿੱਚ ਲੱਭਿਆ। ਹਾਲਾਂਕਿ ਕੋਈ ਸੁਰਾਗ ਨਹੀਂ ਮਿਲਿਆ, ਇਸ ਲਈ ਪੁਲਿਸ ਨੂੰ ਸੂਚਨਾ ਦਿੱਤੀ।
ਸਵੇਰੇ ਕਰੀਬ 8 ਵਜੇ ਉਨ੍ਹਾਂ ਦੇ ਪਿੰਡ ਦਾ ਇੱਕ ਦੁੱਧ ਵਾਲਾ ਉਸੇ ਰਸਤੇ ਤੋਂ ਜਾ ਰਿਹਾ ਸੀ। ਉਸ ਨੇ ਦੇਖਿਆ ਕਿ ਇਕ ਕੁੜੀ ਸੜਕ ਕੰਢੇ ਬੇਹੋਸ਼ ਪਈ ਸੀ। ਉਸਨੇ ਉਸ ਨੂੰ ਪਛਾਣ ਲਿਆ। ਫਿਰ ਉਸ ਤੋਂ ਮੋਬਾਈਲ ਨੰਬਰ ਲਿਆ ਅਤੇ ਸਾਨੂੰ ਸੂਚਿਤ ਕੀਤਾ।
ਇਹ ਵੀ ਪੜ੍ਹੋ : ਮਸਜਿਦਾਂ ‘ਚ ਲਾਊਡਸਪੀਕਰ ‘ਤੇ ‘ਰੋਕ’, ਲਾਈਵ ਟੈਲੀਕਾਸਟ ‘ਤੇ ਵੀ ਪਾਬੰਦੀ, ਰਮਜ਼ਾਨ ‘ਤੇ ਸਾਊਦੀ ਦਾ ਫਰਮਾਨ
ਭਰਾ ਨੇ ਦੱਸਿਆ- ਜਦੋਂ ਅਸੀਂ ਮੌਕੇ ‘ਤੇ ਪਹੁੰਚੇ ਤਾਂ ਦੇਖਿਆ ਕਿ ਭੈਣ ਦੀ ਹਾਲਤ ਬਹੁਤ ਖਰਾਬ ਸੀ। ਦੋ ਮਿੰਟਾਂ ਲਈ ਹੋਸ਼ ਵਿੱਚ ਸੀ। ਫਿਰ ਬੇਹੋਸ਼ ਹੋ ਗਈ। ਉਸ ਦੇ ਸਰੀਰ ‘ਤੇ ਕੱਪੜੇ ਨਹੀਂ ਸਨ। ਅੱਖਾਂ ਵਿਚੋਂ ਖੂਨ ਵਗ ਰਿਹਾ ਸੀ। ਉਸ ਦਾ ਸਰੀਰ ਵੇਖ ਕੇ ਲੱਗ ਰਿਹਾ ਸੀ ਕਿ ਉਸ ਨਾਲ ਬਲਾਤਕਾਰ ਕਰਨ ਤੋਂ ਬਾਅਦ ਉਸ ਨੂੰ ਬੁਰੀ ਤਰ੍ਹਾਂ ਨੋਚਿਆ ਤੇ ਘਸੀਟਿਆ ਗਿਆ ਸੀ। ਜੰਗਲ ਵਿੱਚ ਦਰਿੰਦਿਆਂ ਨੇ ਘਸੀਟ ਕੇ ਤੜਫਾਇਆ ਹੈ। ਉਸ ਦੀ ਪਿੱਠ ਛਿੱਲੀ ਹੋਈ ਹੈ, ਸਿਰ ਵ4 ਛਿੱਲ ਗਿਆ ਹੈ। ਸਰੀਰ ਵਿੱਚ ਕੰਡੇ ਫਸ ਗਏ ਹਨ।
ਇੰਨਾ ਹੀ ਨਹੀਂ ਦਰਿੰਦਿਆਂ ਨੇ ਉਸ ਦਾ ਚਿਹਰਾ ਵੀ ਨੋਚਿਆ, ਦੋਵੇਂ ਬਾਹਾਂ ਅਤੇ ਲੱਤਾਂ ਤੋੜ ਦਿੱਤੀਆਂ। ਅਜਿਹਾ ਲਗਦਾ ਹੈ ਕਿ ਦਰਿੰਦਿਆਂ ਨੇ ਉਸ ਨੂੰ ਮਰਿਆ ਸਮਝ ਕੇ ਜੰਗਲ ਵਿਚ ਸੁੱਟ ਦਿੱਤਾ ਸੀ। ਭੈਣ ਸਾਰੀ ਰਾਤ ਉਥੇ ਪਈ ਰਹੀ। ਸਵੇਰੇ ਜਦੋਂ ਉਸ ਨੂੰ ਹੋਸ਼ ਆਇਆ ਤਾਂ ਉਹ ਕਿਸੇ ਤਰ੍ਹਾਂ ਸੜਕ ‘ਤੇ ਪਹੁੰਚ ਗਈ।
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
