ਜੰਗ ਦੇ ਵਿਰੋਧ ‘ਚ ਬੱਚੀ ਵੱਲੋਂ ਬਣਾਈ ਪੇਂਟਿੰਗ ‘ਤੇ ਭੜਕਿਆ ਰੂਸ, ਪਿਤਾ ਨੂੰ ਦਿੱਤੇ ਤਸੀਹੇ

ਰੂਸ ਨੇ ਇਸ ਹਫਤੇ ਇੱਕ ਵਿਅਕਤੀ ਨੂੰ ਨਜ਼ਰਬੰਦੀ ਕੇਂਦਰ ਵਿੱਚ ਰੱਖਿਆ ਹੈ, ਉਸ ਦੀ ਸੁਣਵਾਈ ਕੁਝ ਦਿਨਾਂ ਵਿੱਚ ਸ਼ੁਰੂ ਹੋਵੇਗੀ। ਅਲੈਕਸੀ ਮੋਸਕਾਲੇਵ ਨਾਮ ਦੇ ਇਸ ਬੰਦੇ ਦਾ ਗੁਨਾਹ ਇਹ ਸੀ ਕਿ ਉਸ ਦੀ ਧੀ ਨੇ ਯੂਕਰੇਨ ਜੰਗ ਦਾ ਵਿਰੋਧ ਕਰਦੀ ਪੇਂਟਿੰਗ ਬਣਾਈ ਸੀ, ਜਿਸ ਤੋਂ ਬਾਅਦ ਦੋਵੇਂ ਪਿਓ-ਧੀ ਖਿਲਾਫ ਰੂਸੀ ਫੌਜ ਦਾ ਅਪਮਾਨ ਕਰਨ ਦਾ ਮਾਮਲਾ ਦਰਜ ਕੀਤਾ ਗਿਆ ਸੀ।

ਇੰਨਾ ਹੀ ਨਹੀਂ ਪੁਤਿਨ ਦੀ ਪੁਲਿਸ ਨੇ ਉਸ ਕੋਲੋਂ 32 ਹਜ਼ਾਰ ਰੂਬਲ (ਰੂਸੀ ਕਰੰਸੀ) ਦਾ ਜ਼ੁਰਮਾਨਾ ਵੀ ਬਰਾਮਦ ਕੀਤਾ ਹੈ। ਉਸ ਨੂੰ ਦੱਸਿਆ ਗਿਆ ਕਿ ਉਹ ਆਪਣੀ ਧੀ ਦਾ ਪਾਲਣ-ਪੋਸ਼ਣ ਸਹੀ ਢੰਗ ਨਾਲ ਨਹੀਂ ਕਰ ਰਿਹਾ ਸੀ। ਜਾਂਚ ਏਜੰਸੀ ਨੇ ਯੂਕਰੇਨ ਜੰਗ ‘ਤੇ ਉਨ੍ਹਾਂ ਦੀਆਂ ਟਿੱਪਣੀਆਂ ਦੀ ਤੁਲਨਾ ਬਲਾਤਕਾਰ ਦੇ ਅਪਰਾਧ ਨਾਲ ਕੀਤੀ।

ਪਿਛਲੇ ਸਾਲ ਜੰਗ ਸ਼ੁਰੂ ਹੋਣ ਤੋਂ ਸਿਰਫ ਦੋ ਮਹੀਨੇ ਬਾਅਦ ਅਪ੍ਰੈਲ ਵਿੱਚ, ਅਲੈਕਸੀ ਦੀ ਧੀ ਦੇ ਸਕੂਲ ਨੂੰ ਰੂਸ ਦੀ ਜੰਗ ਦਾ ਸਮਰਥਨ ਕਰਨ ਵਾਲੀ ਇੱਕ ਪੇਂਟਿੰਗ ਬਣਾਉਣ ਲਈ ਕਿਹਾ ਗਿਆ ਸੀ। ਇਸ ‘ਤੇ ਅਲੈਕਸੀ ਦੀ ਧੀ ਮਾਸ਼ਾ ਨੇ ਇਕ ਪੇਂਟਿੰਗ ਬਣਾਈ ਜੋ ਜੰਗ ਦੇ ਖਿਲਾਫ ਸੀ।

ਮਾਸ਼ਾ ਨੇ ਪੇਂਟਿੰਗ ਵਿੱਚ ਇੱਕ ਬੱਚੇ ਅਤੇ ਉਸਦੀ ਮਾਂ ਨੂੰ ਦਿਖਾਇਆ। ਇਸ ‘ਤੇ ਲਿਖਿਆ ਸੀ-ਕੋਈ ਜੰਗ ਨਹੀਂ ਹੋਣੀ ਚਾਹੀਦੀ। ਯੂਕਰੇਨ ਦੇ ਸਮਰਥਨ ਵਿੱਚ ਨਾਅਰੇ ਵੀ ਲਿਖੇ ਹੋਏ ਸਨ। ਇੱਕ ਦਿਨ ਬਾਅਦ ਮਾਸ਼ਾ ਦੇ ਅਧਿਆਪਕਾਂ ਨੇ ਅਲੈਕਸੀ ਨੂੰ ਸਕੂਲ ਬੁਲਾਇਆ। ਦੋਵੇਂ ਪਿਓ-ਧੀ ਨੂੰ ਕਾਰ ਵਿਚ ਬਿਠਾ ਕੇ ਪੁੱਛਗਿੱਛ ਲਈ ਲੈ ਗਏ।

ਰੂਸ ਵਿਚ ਜੰਗ ਦੀ ਅਲੋਚਨਾ ਨੂੰ ਰੋਕਣ ਲਈ ਪੁਤਿਨ ਹਰ ਤਰ੍ਹਾਂ ਨਾਲ ਪਾਬੰਦੀਆਂ ਲਗਾ ਰਿਹਾ ਹੈ। ਅਲੈਕਸੀ ਵੀ ਇਸ ਦਾ ਸ਼ਿਕਾਰ ਹੋ ਗਿਆ। ਸਥਾਨਕ ਪੁਲਿਸ ਨੇ ਉਸ ਨੂੰ ਗ੍ਰਿਫਤਾਰ ਕਰ ਲਿਆ ਅਤੇ ਉਸ ਦੀ ਧੀ ਮਾਸ਼ਾ ਨੂੰ ਕੇਅਰ ਸੈਂਟਰ ਭੇਜ ਦਿੱਤਾ ਗਿਆ।

ਅਲੈਕਸੀ ਨੇ ਰੂਸ ਦੇ ਮਨੁੱਖੀ ਅਧਿਕਾਰ ਸਮੂਹ ਨੂੰ ਦੱਸਿਆ ਕਿ 30 ਦਸੰਬਰ ਨੂੰ ਪੰਜ ਪੁਲਿਸ ਕਾਰਾਂ ਅਤੇ ਇੱਕ ਫਾਇਰ ਟਰੱਕ ਉਸਦੇ ਘਰ ਦੇ ਬਾਹਰ ਉਸ ਨੂੰ ਗ੍ਰਿਫਤਾਰ ਕਰਨ ਲਈ ਆਏ ਸਨ। ਉਹ ਨਹੀਂ ਚਾਹੁੰਦਾ ਸੀ ਕਿ ਉਹ ਬਿਨਾਂ ਵਾਰੰਟ ਦੇ ਉਸ ਦੇ ਘਰ ਦਾਖਲ ਹੋਣ। ਪਰ ਉਨ੍ਹਾਂ ਦੇ ਜ਼ਬਰਦਸਤੀ ਕਰਨ ‘ਤੇ ਉਸ ਨੇ ਦਰਵਾਜ਼ਾ ਖੋਲ੍ਹ ਦਿੱਤਾ।

ਇਸ ਤੋਂ ਬਾਅਦ ਪੁਲਿਸ ਅਤੇ ਰੂਸ ਦੀ ਸੰਘੀ ਸੁਰੱਖਿਆ ਸੇਵਾ ਭਾਵ FSB ਨੇ ਉਸਦੇ ਘਰ ਦੀ ਤਲਾਸ਼ੀ ਲੈਣੀ ਸ਼ੁਰੂ ਕਰ ਦਿੱਤੀ। ਉਹ ਸਾਮਾਨ ਤੋੜਨ ਲੱਗੇ। ਅਲੈਕਸੀ ਨੇ ਇਲਜ਼ਾਮ ਲਗਾਇਆ ਕਿ ਉਸਨੇ ਇੱਕ ਮੋਬਾਈਲ ਫੋਨ, ਲੈਪਟਾਪ ਅਤੇ ਉਸਦੀ ਬੇਟੀ ਮਾਸ਼ਾ ਵੱਲੋਂ ਬਣਾਈ ਇੱਕ ਪੇਂਟਿੰਗ ਸਮੇਤ ਉਸਦੀ ਸਾਰੀ ਬਚਤ ਖੋਹ ਲਈ। ਅਲਜਜ਼ੀਰਾ ਮੁਤਾਬਕ ਰੂਸ ਨੇ ਅਲੈਕਸੀ ਦੇ ਦੋਸ਼ਾਂ ‘ਤੇ ਕੋਈ ਟਿੱਪਣੀ ਨਹੀਂ ਕੀਤੀ ਹੈ।

ਇਹ ਵੀ ਪੜ੍ਹੋ : 8ਵੀਂ ਦੀ ਸਟੂਡੈਂਟ ਨੇ ਖਾਧੀਆਂ 45 ਆਇਰਨ ਦੀਆਂ ਗੋਲੀਆਂ, ਸ਼ਰਤ ਦੇ ਚੱਕਰ ‘ਚ ਗਈ ਜਾਨ, 5 ਦੋਸਤ ਗੰਭੀਰ

ਅਲੈਕਸੀ ਦਾ ਕਹਿਣਾ ਹੈ ਕਿ ਸੁਰੱਖਿਆ ਅਧਿਕਾਰੀਆਂ ਨੇ ਉਸ ਨੂੰ ਇਕ ਕਮਰੇ ਵਿਚ ਬੰਦ ਕਰ ਦਿੱਤਾ। ਉਸ ਦਾ ਕੰਧ ਨਾਲ ਸਿਰ ਮਾਰ ਕੇ ਤਸੀਹੇ ਦਿੱਤੇ ਗਏ। ਇਸ ਦੇ ਨਾਲ ਹੀ ਉਸ ਨੂੰ ਉੱਚੀ ਆਵਾਜ਼ ਵਿੱਚ ਰੂਸ ਦਾ ਰਾਸ਼ਟਰੀ ਗੀਤ ਸੁਣਾਇਆ ਗਿਆ, ਜੋ ਕਿ ਸਹਿਣ ਨਹੀਂ ਹੋ ਰਹੀ ਸੀ।

ਅਲੈਕਸੀ ਦਾ ਮੁਕੱਦਮਾ ਕੁਝ ਦਿਨਾਂ ਵਿੱਚ ਸ਼ੁਰੂ ਹੋਣ ਦੀ ਉਮੀਦ ਹੈ। ਹੁਣ ਉਸ ਨੂੰ ਘਰ ‘ਚ ਨਜ਼ਰਬੰਦ ਕਰ ਦਿੱਤਾ ਗਿਆ ਹੈ। ਅਲੈਕਸੀ ਨਾਲ ਉਸ ਦੇ ਵਕੀਲ ਅਤੇ ਜਾਂਚ ਏਜੰਸੀ ਤੋਂ ਇਲਾਵਾ ਕੋਈ ਵੀ ਸੰਪਰਕ ਨਹੀਂ ਕਰ ਸਕਦਾ। ਮਾਸ਼ਾ ਨੂੰ ਅਜੇ ਸ਼ੈਲਟਰ ਵਿੱਚ ਰੱਖਿਆ ਗਿਆ ਹੈ। ਅਲੈਕਸੀ ਦੇ ਵਕੀਲ ਬਿਲੇਨਕੋ ਨੇ ਦੱਸਿਆ ਕਿ ਅਸੀਂ ਮਾਸ਼ਾ ਨੂੰ ਘਰ ਵਾਪਸ ਲਿਆਉਣ ਦੀ ਪੂਰੀ ਕੋਸ਼ਿਸ਼ ਕਰ ਰਹੇ ਹਾਂ। ਜੇ ਉਸ ਦੇ ਪਿਤਾ ਨੂੰ ਜੇਲ੍ਹ ਹੋ ਜਾਂਦੀ ਹੈ ਤਾਂ ਉਸ ਨੂੰ ਬਾਲ ਘਰ ਵਿੱਚ ਰਹਿਣਾ ਪਵੇਗਾ। ਇਸ ਮਾਮਲੇ ‘ਚ ਘੱਟੋ-ਘੱਟ ਤਿੰਨ ਸਾਲ ਦੀ ਸਜ਼ਾ ਹੋਵੇਗੀ। ਸਿਆਸੀ ਮਾਮਲਾ ਹੋਣ ਕਾਰਨ ਅਲੈਕਸੀ ਦੀ ਸਜ਼ਾ ਵੀ ਵਧ ਸਕਦੀ ਹੈ।

ਵੀਡੀਓ ਲਈ ਕਲਿੱਕ ਕਰੋ -:

“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “