ਦੀਵਾਲੀ ਦੇ ਤਿਉਹਾਰ ‘ਤੇ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਨੇ ਪਟਾਕੇ ਚਲਾਉਣ ਨੂੰ ਲੈ ਕੇ ਆਮ ਲੋਕਾਂ ਨੂੰ ਪ੍ਰੇਸ਼ਾਨ ਨਾ ਕਰਨ ਦੇ ਨਿਰਦੇਸ਼ ਦਿੱਤੇ ਸਨ। ਇਸ ਦੇ ਬਾਵਜੂਦ ਰਾਤ 1 ਵਜੇ ਤੱਕ ਸ਼ਹਿਰ ਵਿੱਚ ਪਟਾਕਿਆਂ ਦੀ ਆਵਾਜ਼ ਸੁਣਾਈ ਦਿੰਦੀ ਰਹੀ। ਰਾਤ 8 ਵਜੇ ਤੋਂ ਬਾਅਦ ਅੰਮ੍ਰਿਤਸਰ ਵਿੱਚ ਥਾਂ-ਥਾਂ ਚਲਾਈ ਜਾ ਰਹੀ ਆਤਿਸ਼ਬਾਜ਼ੀ ਕਾਰਨ ਪੂਰਾ ਸ਼ਹਿਰ ਧੂੰਏਂ ਦੀ ਚਾਦਰ ਵਿੱਚ ਘਿਰ ਗਿਆ। ਰਾਤ 9 ਵਜੇ ਹੀ ਪ੍ਰਦੂਸ਼ਣ ਦਾ ਪੱਧਰ ਲਾਲ ਰੇਖਾ ਤੋਂ ਉਪਰ ਪਹੁੰਚ ਗਿਆ ਸੀ।
ਅੰਮ੍ਰਿਤਸਰ ਦਾ AQI ਸ਼ਾਮ 7 ਵਜੇ 76 ‘ਤੇ ਸੀ। 8 ਵਜੇ ਇਹ ਚੜ੍ਹਨਾ ਸ਼ੁਰੂ ਹੋਇਆ ਅਤੇ AQI 129 ‘ਤੇ ਪਹੁੰਚ ਗਿਆ। ਸ਼ਹਿਰ ਵਿੱਚ ਪਟਾਕਿਆਂ ਦੀ ਆਵਾਜ਼ ਵਧਣ ਦੇ ਨਾਲ ਹੀ ਹਵਾ ਦੀ ਗੁਣਵੱਤਾ ਵੀ ਵਿਗੜ ਗਈ। ਰਾਤ 9 ਵਜੇ AQI 387 ਦਰਜ ਕੀਤਾ ਗਿਆ। ਇਹ ਪੱਧਰ ਬਿਮਾਰ ਵਿਅਕਤੀਆਂ ਲਈ ਘਾਤਕ ਹੈ। ਇਹ ਪੱਧਰ ਦਮੇ ਅਤੇ ਸਾਹ ਦੀਆਂ ਬਿਮਾਰੀਆਂ ਵਾਲੇ ਮਰੀਜ਼ਾਂ ਦੀ ਜਾਨ ਲੈ ਸਕਦਾ ਹੈ। ਰਾਤ 11 ਵਜੇ ਪ੍ਰਦੂਸ਼ਣ ਦਾ ਪੱਧਰ 400 ਤੱਕ ਪਹੁੰਚ ਗਿਆ। ਇਸ ਪੱਧਰ ‘ਤੇ ਸਰੀਰਕ ਤੌਰ ‘ਤੇ ਮਜ਼ਬੂਤ ਵਿਅਕਤੀ ਵੀ ਬਿਮਾਰ ਪੈ ਸਕਦਾ ਹੈ। ਅੰਮ੍ਰਿਤਸਰ ਦਾ AQI ਰਾਤ 12 ਵਜੇ ਤੋਂ 3 ਵਜੇ ਤੱਕ 500 ਦਰਜ ਕੀਤਾ ਗਿਆ। ਸ਼ਹਿਰ ‘ਚ ਇੰਨਾ ਜ਼ਿਆਦਾ ਪ੍ਰਦੂਸ਼ਣ ਸੀ ਕਿ ਪ੍ਰਦੂਸ਼ਣ ਮਾਪਣ ਵਾਲੀ ਮਸ਼ੀਨ ਵੀ ਪ੍ਰਦੂਸ਼ਣ ਨੂੰ ਮਾਪਣ ‘ਚ ਅਸਮਰਥ ਸੀ। ਇੰਨਾ ਹੀ ਨਹੀਂ ਅੱਜ ਯਾਨੀ ਸ਼ੁੱਕਰਵਾਰ ਸਵੇਰੇ 7 ਵਜੇ ਪ੍ਰਦੂਸ਼ਣ ਦਾ ਪੱਧਰ 400 ਤੋਂ ਪਾਰ ਸੀ। ਸਵੇਰੇ 7 ਵਜੇ AQI 407 ਦਰਜ ਕੀਤਾ ਗਿਆ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
Atta Burfi Recipe | ਦੁੱਧ ਅਤੇ ਖੋਏ ਤੋਂ ਬਿਨਾਂ ਆਟਾ ਬਰਫੀ | Wheat Flour Burfi | Diwali Special Desserts
